Yakobe 1:14 - MUKANDA WA MYIDI MUKULU

¹⁴ Kadi badi bateta muntu, padi majinga ende mabi amulobesha, amukuata mu buteyi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ kudi muntu yonso udi uteyibua kudi lukuka luandi bamukokalu ne hamulobeshalu.

Yakobe 1:14 Marejeleo ya Msalaba

Genese 3:6

Mukaji umona ne: mutshi uvua muimpe kumona, bimuma biawu bimpe bua kudia, bifuana kupa muntu lungenyi, kupolaye tshimuma, kudia. Tshikuabu kupeshaye bayende, awu pende kudia.

Genese 6:5

Maweja-Nangila kumona ne buenzayi bua bantu budi buenda buvulangane pa buloba, meji adibu bela matuku onsu adi anu mabi.

Genese 8:21

Mulambu kununkilawu Maweja-Nangila mupuya muimpe. Kununganaye wamba ne: “Nansha bantu bikale anu ne meji mabi biangatshile ku buana buabu, kadi tshiena ntshipa buloba kabidi bua buenzayi bua muntu. Tshiena mua kubutula bionsu bidi ne muoyi musangu muibidi bu mumvua muenze emu.

2 Samuele 11:4

Davide kutuma bantu bua babikile mukaji awu. Mukaji mumane kufika, Davide kumubuelela mu nzubu! Pashishe, mukaji kupingana ku nzubu kuende. Kadi mukaji awu, utshivua umukilaku ku dijikija mikiya ya tshijila tshia bakaji.

Yobe 31:27

muoyi wanyi uvua mulenduke mu musokoku anyi? Mvua mubinemeke bu mvidie anyi?

Yobe 31:9

Pangikala mualakane mukaji wa muena mutumba, mumutentekela, nansha musokome pambelu ku tshiibi tshiende,

Nsumuinu 4:23

Kenketa nangananga meji audi wela munda muebe, bualu wowu nealudike nsombelu webe wa panu.

Yeshaya 44:20

Bivua mua kuikala bimpe, batendelele nansha butu! Muoyi wabu mmubatshimbakaje, mubadinge. Mvidie wabu kena ubasungidila to. Kadi bobu mene kabena badiamba ne: “Bushuwa tshitudi natshi mu bianza, tshidi amu mvidie wa dishima.”

Osheya 13:9

Nuenu bena Izrayele, ndi mumane kunubutula. Kakutshiena udi mua kunuambuluisha.

Matayi 15:18

Kadi malu adi mukana muamba, adi afuma mu muoyi. Ke adi apisha muntu mikiya.

Matayi 15:20

Ke malu adi abipisha muntu! Kadi padi muntu udia, bianza kabiyi biowa, kena upia mikiya to.

Matayi 4:1

Pashishe Mueyelu wa tshijila kufikisha Yezu mu tshipela, bua bamutetemu kudi diabolu.

Matayi 5:28

Kadi meme ndi nnuambila ne: muntu yonsu udi utangila mukaji wa bende, umualakana, mmumane kuenda nende tshiendenda mu muoyi wende.

Rome 7:11

Ke meyi ne mikandu kupetesha bubi njila, bua bubi bundenduishe, bumfikishe ku lufu ku meyi ne mikandu mene abi.

Rome 7:13

Kadi tshintu tshimpe tshidi mua kumpetesha lufu anyi? Nansha kakese! Amu bubi ke budi bunkebela lufu. Buvua budimuenesha mudibu bubi menemene. Buvua bubuela mu tshidi tshimpe, bua kunkebela lufu. Ke muvua bubi budileja bu bualu bubi menemene, bualu bua meyi ne mikandu.

Efeze 4:22

Nudi ne bua kuvula muntu wenu wa kale awu, kulekela malu mabi anuvua benze. Muntu mukulukulu ewu udi ne majinga ende mabi, adi anufikisha ku kabutu.

Ebrewu 3:13

Kadi nukoleshangane ku muoyi dituku dionsu. Bidi Mikanda ya tshijila yamba bitshidi bilelela buetu tuetu “lelu.” Nenku muntu wa kunudi, kapapiji muoyi wende, kanyishi bua mibi imudinge.

Yakobe 1:13

Padibu bateta muntu, kambi ne: “Mvidi Mukulu udi unteta.” Bualu kabena mua kuteta Mvidi Mukulu kudi bubi. Yeye mene kena uteta muntu nansha umue.

Yakobe 1:15

Pashishe majinga mabi adi akidila bubi munda, alela bubi. Padi bubi bumane kukola, budi bulela lufu.