Yakobe 1:1 - MUKANDA WA MYIDI MUKULU

¹ Meme Yakobe, muena mudimu wa Mvidi Mukulu ne wa Mfumu Yezu Kristu, ndi ngela bantu bonsu ba Mvidi Mukulu badi batangalake pa buloba bujima mioyi.

Mukanda wa Nzambi Dihungila Dikulukulu ne Dihungila Dihia-dihia 2003

¹ Yakobo, muhika wa Nzambi ne wa Mukelenge Yesu Kilisto, kudi ba bisamba dikumi ne bibidi badi bena tshimuangi, ndi nuela muoyo.

Yakobe 1:1 Marejeleo ya Msalaba

1 Bakalenga 18:31

Kuangataye mabue dikumi ne abidi, bilondeshile bisamba dikumi ne bibidi bia ndelanganyi ya Yakobe. (Yakobe ewu ke uvua Maweja-Nangila muambile ne: “Kutuadija mpindiewu, nebakubikile ne: Izrayele.”)

Ezela 6:17

Mu tshibilu atshi, bavua balambula nyama ya ngombe milume lukama, mbuji ya mikoku ya bimpanga nkama ibidi, bana ba mikoku nkama inayi, kabidi ne mbuji ya mpumbu dikumi ne ibidi, mbuji umue uvua mufume ku tshisamba tshionsu tshia bena Yuda, bua Mvidi Mukulu afuile bena Izrayele bonsu luse.

Estere 3:8

Amane kuambila mukalenga Ahashaveroshe ne: — Mukalenga, mu bukalenga buebe, mudi tshisamba tshia bantu ba mushindu mukuabu, bamuangalaka mu bitupa bionsu bia bukalenga buebe. Bibidilu biabu mbishilangane ne bia bantu ba bisamba bikuabu bionsu. Kabena banemeka meyi ne mikandu bia mu bukalenga to. Kadi tshiudi mulekele bantu aba basomba talalaa mu ditunga ntshinyi?

Ekesode 24:4

Moshe kufunda meyi onsu a Maweja-Nangila mu mukanda. Kujukaye dinda dionsu, kuasaye tshilambuilu kuinshi kua mukuna. Kujulaye kabidi makunji a mabue manene dikumi ne abidi. Tshisamba tshionsu tshia bena Izrayele tshivua ne dikunji diatshi.

Ekesode 28:21

Mabue awu, ikale dikumi ne abidi, bungi bua bana ba Yakobe. Dina dia muana yonsu dikale difunda pa dibue bu mudi tshitampi. Mabue awu, neikale tshimanyinu tshia bisamba dikumi ne bibidi bia bena Izrayele.

Ekesode 39:14

Mabue awu, avua dikumi ne abidi, bungi bua bisamba bia bena Izrayele. Dina dia tshisamba tshionsu bavua badifunda pa dibue bu tshitampi.

Yezekiyele 12:15

Pandi mumane kubamuangalaja mu bisamba ne mu matunga bia bende, nebamanye ne: meme ndi Maweja-Nangila.

Lewitiki 26:33

Nennuluishe, nnutangalaje mu matunga makuabu. Ditunga dienu nedishale tshipela, bimenga bienu bionsu nebibutuke.

Matayi 10:3

Filipe ne Bartolmayi; Tomase ne Matayi, mulambuishi wa bitadi; Yakobe muana wa Alfayi, ne Tadeyi;

Matayi 13:55

Yeye ewu ki mmuana wa muena mabaya anyi? Mamuende ki Mariya anyi? Yakobe, Yozefe, Simone ne Yuda ki mbana babu anyi?

Matayi 19:28

Yezu kubambila ne: — Ndi nnujadikila bulelela ne: pasomba Muana wa muntu mu nkuasa wende wa lumu mu buloba bupiabupia, nuenu bavua bandonde, nenusombe penu mu nkuasa dikumi ne ibidi, bua kulumbuluisha bisamba dikumi ne bibidi bia bena Izrayele.

Marke 3:18

Andre, Filipe, Bartolmayi, Matayi, Tomase, Yakobe muana wa Alfayi, Tadeyi, Simone uvua mu tshisumbu tshia baluidi ba ditunga diabu,

Luke 22:30

Nuenu nenudie, nunue ku mesa anyi mu Bukalenga buanyi. Nenusombe mu nkuasa ya bumfumu bua kukosa nsambu ya bisamba dikumi ne bibidi bia bena Izrayele.

Luke 6:15

Matayi ne Tomase, Yakobe muana wa Alfayi, ne Simone (uvua mu tshisumbu tshia baluidi ba ditunga),

Yowanane 12:26

Pikala muntu musue kungenzela mudimu, udi ne bua kundonda. Nanku muena mudimu wanyi neikale kabidi muaba undi. Tatu wanyi udi utumbisha muntu udi ungenzela mudimu.

Yowanane 7:35

Bena Yuda kukonkangana ne: — Nkuepi kuayaye kutudi katuyi mua kumumona? Uyaya kudi bena Yuda badi batangalaka mu bena Ngreke bua kulongesha bena Ngreke anyi?

Bienzedi 1:13

Bamane kufika ku Yerushalayime, kubandabu mu tshibambalu tshia nzubu tshia kulu, muaba muabu basomba misangu mivule. Bobu abu ke Petro, Yowanane, Yakobe ne Andre, Filipe ne Tomase, Bartolmayi ne Matayi, Yakobe muana wa Alfayi, Simone muluidi wa ditunga, ne Yuda muana wa Yakobe.

Bienzedi 12:17

Ke Petro kupuwisha bantu ne tshianza, kubalondela muvua Mfumu mumupatule mu nzubu wa lukanu. Kuambaye kabidi ne: — Numanyishe Yakobe, ne bana betu bakuabu, bionsu ebi. Pashishe kupatukaye, kuya muaba mukuabu.

Bienzedi 15:13

Bajikija diakula, Yakobe kuamba pende ne: — Bana betu, ntelejayi!

Bienzedi 15:21

Bualu kuonsu kuaka, bantu badi balongesha mikenji ya Moshe mu tshimenga tshionsu; kabidi badi babala mikenji eyi mu nzubu ya kutendelela matuku onsu a Dikisha.

Bienzedi 15:23

Kubapabu mukanda. Bavua bafundamu ne: “Tuetu bapostolu ne bakulu, bana benu, tudi tunuela muoyi, nuenu bena ditaba badi kabayi bena Yuda, badi basa mu Antiyokiya, mu Siriya, ne mu Silisiya.

Bienzedi 2:5

Mu Yerushalayime amu muvua bena ditaba ba bena Yuda, bafume ku matunga onsu a pa buloba bujima.

Bienzedi 21:18

Butshia Polu kuya netu kua Yakobe, kuvua bakulu bonsu ba Tshisumbu tshia bena ditaba basangile.

Bienzedi 23:26

“Wakunemekibua mulombodi wa ditunga, mukalenga Felikse, muoyi awu! Meme Klode Liziyase, ndi nkumanyisha ne:

Bienzedi 26:7

Bisamba bietu dikumi ne bibidi bidi bitendelela Mvidi Mukulu butuku ne munya, bitekemena amu: bidi Mvidi Mukulu mulaye, nebikumbane. Mukalenga Agripa, bena Yuda mbamfunde amu bua ditekemena adi.

Bienzedi 8:1

Shawule uvua muanyishe pende lufu lua Stefane alu. Dituku mene adi, kutuadijabu kukengesha bikole Tshisumbu tshia bena ditaba tshivua mu Yerushalayime. Bena ditaba bonsu kutangalaka. Kuyabu mu buloba bua Yudeya ne bua Samariya. Bapostolu kudishadila.

Rome 1:1

Meme Polu, muena mudimu wa Yezu Kristu, udi Mvidi Mukulu mubikile bua ngikale mupostolu, udiye musungule bua mmanyishe bantu Lumu luende lua Disanka, ndi nnutumina mukanda ewu.

Ngalate 1:19

Kadi tshivua mumone mupostolu mukuabu nansha umue, pa kumusha Yakobe, muanabu ne Mfumu.

Ngalate 2:12

Bantu bavua Yakobe mutume kabayi banji kufika, Petro uvua udia pamue ne bena ditaba ba bisamba bikuabu. Kadi bantu abu bamane kufika, yeye kusesuka, kayi musue kudia kabidi ne bantu ba bisamba bikuabu. Uvua utshina bena Yuda badi balongesha mudibu ne bua kuteka bantu panshi.

Ngalate 2:9

Yakobe, Petro, ne Yowanane, bavua bantu banemeka bu balombodi banene, bavua bitabe ne: Mvidi Mukulu mmumpeshe mudimu ewu wa pa buawu. Nanku meme ne Bamabase, bavua batuele muoyi, batukuate ku tshianza, bua kuleja mutudi tukuata nabu mudimu wa momumue. Ke tuetu bonsu pamue kumvuangana nabu ne: meme ne Bamabase, netuye kukuatshila bisamba bikuabu mudimu, bobu nebakuatshile bena Yuda mudimu.

Dielulula 28:64

Pashishe neanumuangalaje miaba yonsu, munkatshi mua bisamba bia bende bidi pa buloba bujima. Neatendelele mpingu ya mvidie ya mabue, ne ya mitshi misonga, inudi kanuyi banji kumanya ku bankambua benu too ne mpindiewu.

Dielulula 30:3

Maweja-Nangila Mvidi Mukulu wenu neandamune malu enu. Neamuenzele bimpe, neanumushe mu matunga onsu avuaye munutangalaje. Neanupingaje mu ditunga dienu.

Dielulula 32:26

“Mvua musue kubutula bena Izrayele bonsu, kabayi mua kubatela kabidi pa buloba.

Dielulula 4:27

Maweja-Nangila neanutangalaje munkatshi mua bisamba bikuabu. Kadi mu matunga ikalaye munutume awu, nenuikale anu bakese.

Filipe 1:1

Meme Polu ne Timote, badi bakuatshila Yezu Kristu mudimu, tudi tunufundila, nuenu bonsu badi bitaba Yezu Kristu mu Filipe, kabidi ne bamfumu ne babambuluishi babu ba mu Tshisumbu tshienu, mukanda ewu.

2 Timote 4:21

Kolesha, ufike lukasa, muvu wa mashika kauyi muanji kufika. Ebuluse, Pudense, Linuse, Klodiya, ne bena ditaba bakuabu bonsu, badi banutumina muoyi.

Tite 1:1

Meme Polu, muena mudimu wa Mvidi Mukulu, ne mupostolu wa Yezu Kristu, ndi mfunda mukanda ewu. Bavua bangimikile mudimu wa kufikisha ku ditaba bantu bavua Mvidi Mukulu musungule, ne wa kubamanyisha mudibu mua kunemeka Mvidi Mukulu mu bulelela bilondeshile ditaba diabu.

1 Petro 1:1

Meme Petro, mupostolu wa Yezu Kristu, ndi mfundila bantu badi Mvidi Mukulu musungule mukanda ewu. Nudi batangalake mu matunga makuabu bu benyi, basombe mu buloba bua Pontuse, bua Ngalatiya, bua Kapadokiya, bua Aziya, ne bua Bitiniya.

2 Petro 1:1

Meme Simone Petro, mupostolu ne muena mudimu wa Yezu Kristu, ndi mfundila bonsu bavua bapete ditaba dia mushinga mukole dia mushindu umue ne ditudi nadi. Nudi badipete ku disua dilenga dia Mvidi Mukulu wetu ne dia Musungidi Yezu Kristu.

Yuda 1:1

Meme Yuda, muena mudimu wa Yezu Kristu, ne muanabu ne Yakobe, ndi mfundila bonsu badi Mvidi Mukulu mubikile, badiye Yeye Tatu wetu unanga, badi Yezu ulama bimpe, mukanda ewu.

Didimanyisha 7:4

Ke kummanyishabu bungi bua bantu bavuabu batue tshitampi tshia Mvidi Mukulu pa mpala. Bavua binunu lukama makumi anayi ne binayi, ba mu bisamba bionsu bia bena Izrayele.