Tite 3:1 - MUKANDA WA MYIDI MUKULU

¹ Uvuluije bena ditaba mudibu ne bua kukokela balombodi ne bamfumu ba matunga, kubatumikila. Bikale ne muoyi wa kubambuluisha mu midimu mimpe yonsu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Ubavuluishe bua kukokelabo banfumu ne bakokeshi, batumikile dî diabo, bikale balongolodibue bua mudimu muimpe wonso;

Tite 3:1 Marejeleo ya Msalaba

Nsumuinu 24:21

Muananyi, unemeke Maweja-Nangila, unemeke ne mukalenga kabidi. Kubuelakanyi ne bantu badi basue kukudimuna malu onsu.

Muambi 10:4

Pikala mfumuebe mufike munda, kumbuki muaba uudi. Wewe mulame lutulu neakufuile luse bua bilema biebe biuvua muenze.

Yeshaya 43:26

Tuye nebe ku kabadi bonsu babidi. Umfunde bua tshilema tshindi muenze. Umvuije tshilumbu tshijima, uleje muudi mubinge.

Yirmeya 27:17

Kanubateleji to. Enzelayi amu mukalenga wa mu Babilone mudimu. Nanku kanuakufua to. Tshimenga etshi ki mbimpe batshibutule nansha.

Matayi 22:21

Kuandamunabu ne: — Bia mukalenga wa bakalenga. Ke Yezu kubambila ne: — Nunku futayi mukalenga wa bakalenga bintu bidi bunutangila, kadi lambulayi Mvidi Mukulu pende bidi bimutangila.

1 Korente 15:58

Nenku, bana hetu basuibue, shindamayi bikole, kanunyungi. Tungunukayi amu kutungunuka nuye kumpala. Nutungunuje mudimu wa Mfumu. Numanye ne: mudimu unudi nukuata badisange ne Mfumu kawena wa patupu.

Efeze 2:10

Bualu amu Mvidi Mukulu ke udi mutufumbe, mutufuke bua tuetu kudisanga ne Yezu Kristu, bua tukumbaje malu mimpe akavuaye mudianze kulongolola bua tuetu kuenza.

Dielulula 17:12

Pikala muntu musue kuditambisha, kayi ulonda tshidi balumbuluishi ne batuangaji, badi benza mudimu mu nzubu wa Maweja-Nangila Mvidi Mukulu wenu, bamba, muntu awu numushipe, bua kujikija buenzayi munkatshi mua bena Izrayele.

Filipe 1:11

Diba adi amu malu enu mimpe, avua Yezu Kristu muenze nenu, bua kutumbisha ne kunemeka Mvidi Mukulu, neikale biuma bienu.

Kolose 1:10

Nanku nenumone mua kusomba mudi Mfumu musue, kuenza kabidi diba dionsu bidi bimulengelela. Nenuenze midimu mimpe ya mishindu yonsu. Nenuye kumpala mu dimanya dienu dia Mvidi Mukulu.

1 Timote 2:2

Nudi ne bua kutendelela Mvidi Mukulu bua bakalenga ba matunga ne bua bamfumu bonsu, bua tumone mua kusomba talalaa mu bupole, kunemeka Mvidi Mukulu tshishiki, kuenza amu malu mimpe.

1 Timote 4:6

Paudi ulongesha bana hetu malu aa, newikale muena mudimu muimpe wa Yezu Kristu. Neuleje muudi ukeba tshiakudia tshiebe tshia muoyi, mu miaku ya ditaba, ne mu malongesha malelela avuabu bakulongeshe.

1 Timote 5:10

Bantu bajadike muvuaye muenze malu mimpe, muvuaye mukoleshe bana bende biakane, muvuaye muakidile benyi kuende, muvuaye muoweshe bena ditaba makasa, muvuaye muambuluishe bakengi, mukuate midimu mimpe yonsu.

2 Timote 1:6

Ke pandi nkuvuluija ne: usonsole dipa divua Mvidi Mukulu mukupeshe, pamvua mukutenteke bianza.

2 Timote 2:14

Uvuluije bantu bonsu malu aa. Ubabele bikole kumpala kua Mvidi Mukulu ne: kanuedianganyi mpata ya pa miaku. Mpata ya nunku kayena ilengelela bantu, kadi idi amu ipambula badi bayiteleja.

2 Timote 2:21

Padi muntu udilengeja ku malu mabi onsu andi ntela, nebamuangate bua midimu misunguluke. Bualu udi witaba Mfumu ne muoyi mujima, umulengelela. Ke mudiye mua kumuambuluisha ku midimu mimpe yonsu.

Tite 1:16

Badi bajadika ne: tudi bamanye Mvidi Mukulu. Kadi malu adibu benza adi aleja ne: kabena bamumanye to. Badi bantu babi, bantomboji, kabayi mua kukumbaja mudimu muimpe nansha umue.

Tite 2:14

Yeye mene uvua mudifile buetu tuetu, bua kutupikula ku bubi buonsu, kutulengeja, kutuenza bantu bende badi bamuitaba amu Yeye, benza midimu mimpe ne disuminyina.

Tite 3:14

Bena dietu kabidi badi ne bua kukumbaja midimu mimpe ne dinanukila, bua tumone mua kujikija majinga manene atudi nawu. Kabena mua kusomba kabayi bakuata mudimu.

Tite 3:8

Miaku indi ndongesha eyi idi milelela. Ndi musue wambulule malu awu misangu mivule, bua bantu badi bitaba Mvidi Mukulu bakumbaje midimu mimpe ne dinanukila. Ke bidi bimpe, bilengelela bantu.

Ebrewu 13:21

Mvidi Mukulu wa bupole anupe bukole bua kuenza malu onsu adi mimpe bua nukumbaje tshidiye musue. Enze munda muetu malu adi amusankisha, kudi Yezu Kristu, udi ne butumbi mu nkama ne nkama ya bidimu. Amene.

2 Petro 1:12

Ke pandi nnuvuluija malu aa matuku onsu, nansha nuenu bamane kuamanya, bashindame mu bulelela bunudi bapete.

Yuda 1:5

Nansha nuenu bamanye bimpe bualu abu, ndi musue kunuvuluija muvua Maweja-Nangila musangu umue mupikule bena Izrayele mu ditunga dia Ejipitu. Kadi kunyima kua matuku uvua mubutule bavua babenga kumuitaba.