Tite 2:1 - MUKANDA WA MYIDI MUKULU

¹ Kadi wewe ulongeshe Tshisumbu tshia bena ditaba malu malelela.

Mukanda wa Nzambi Dihungila Dikulukulu ne Dihungila Dihia-dihia 2003

¹ Kadi wewe wambe malu adi makanangane ne diyisha dilenge;

Tite 2:1 Marejeleo ya Msalaba

1 Timote 1:10

bena buendenda, bakulumpe badi banyanga bana, bantu badi basumbishangana bapika, bena dishima, bantu badi baditshipa mitshipu ya dishima, ne bonsu badi benza malu adi abengangana ne dilongesha dilelela.

1 Timote 6:3

Padi muntu ulongesha malu adi kaayi umvuangana ne miaku milelela ya Mfumu wetu Yezu Kristu, nansha ne ditaba dietu,

2 Timote 1:13

Miaku milelela imvua mukuambile ikuleje muudi ne bua kuakula. Unanukile bimpe mu ditaba ne mu dinanga, bitudi nabi patudi tudisanga ne Yezu Kristu.

Tite 1:9

Alongeshe malu a Mvidi Mukulu malelela, amu muvuabu bamulongeshewu. Nanku neamanye mua kukolesha bantu bakuabu ku muoyi. Alongeshe amu malu malelela. Aleje bantu badi babenga dilongesha diende ntupakanyi yabu.

Tite 3:8

Miaku indi ndongesha eyi idi milelela. Ndi musue wambulule malu awu misangu mivule, bua bantu badi bitaba Mvidi Mukulu bakumbaje midimu mimpe ne dinanukila. Ke bidi bimpe, bilengelela bantu.

1 Petro 4:11

Muntu udi ulongesha Lumu lua Disanka, amanyishe bantu miaku ya Mvidi Mukulu. Udi wambuluisha bantu, enze mudimu awu ne bukole budi Mvidi Mukulu umupesha. Nanku Mvidi Mukulu neatumbe, mu malu onsu anudi nuenza, kudi Yezu Kristu, udi ne butumbi, kabidi ne bukole tshiendelele! Amene.