Obadya 1:3 - MUKANDA WA MYIDI MUKULU

³ Nudi nuditambisha, kadi nudi nudidinga. Nudi basombe pa mikuna mu mabue, miaba idi bantu kabayi mua kufika. Nudi nudiamba ne: ‘Nganyi watupatula? Nganyi watusakila panshi?’

Mukanda wa Nzambi Dihungila Dikulukulu ne Dihungila Dihia-dihia 2003

³ Dihetu dia mu mutshima webe diakukudinga, wewe udi mushikame mu miaba mikole ya mu mabue, udi ne tshishikaminu tshiebe mulu, udi wamba munda munda ne, Nganyi wampuekesha hanshi?

Obadya 1:3 Marejeleo ya Msalaba

Genese 36:8

Ke muvua Esawu, udibu babikila kabidi ne: Edome, muye kuasa ku mukuna wa Seyire.

2 Bakalenga 14:7

Amashiya kabidi ke uvua mutshimune bena mvita ba bena Edome binunu dikumi, bavua mu tshibandabanda tshia luepu. Pavuabu baluangana, Amashiya kukuata tshimenga tshia Sela. Kutshinyikaye dina ne: “Yokteyele.” Tshimenga atshi, tshitshidi ne dina adi too ne mpindiewu.

2 Kulondolola 25:11

Amashiya kukolesha muoyi, kupita kumpala kua mulongu wa bena mvita bende, kuya mu tshibandabanda tshia Luepu. Kushipayemu bena mvita ba bena Edome binunu dikumi.

2 Kulondolola 25:12

Bena Yuda kukuata bena Edome bakuabu binunu dikumi, kuya nabu pa mutu pa lubuebue lule. Kubasakilabu mu lubuavu bua badishinde panshi, bafue bonsu.

Yobe 20:6

Nansha bu muntu mubi mua kulepa, kufika too ne mu diulu, mutu wende kulenga mavuba,

Nsumuinu 16:18

Udi uditambisha neabutuke. Udi udisua neapone panshi.

Nsumuinu 18:12

Bantu badi baditambisha nebabutuke. Udi udipuekesha neapete lumu.

Nsumuinu 29:23

Muntu udi uditambisha neupuke milongu. Kadi bua kupeta lumu, bidi bimpe kuikala ne bupuekele bua muoyi.

Yeshaya 16:6

Tuvua bumvue bakula ne: bena Mowabe badi baditambisha, badisua bikole, baditemba, badiamba tshianana, baditambisha patupu.

Yirmeya 21:13

Meme ndi nnuluisha nuenu badi base kuinshi pa mukuna. Nudi nuamba ne: Muluishi nansha umue kena mua kumpeta, kena mua kubuela muaba utudi basombe!

Yirmeya 37:9

Meme Maweja-Nangila ndi nnuambila ne: Kanuedi meji ne: bena Babilone mbumuke menemene to. Kabakumuka nansha!

Yirmeya 48:28

Umukayi mu bimenga bienu, nuenu bena Mowabe. Nuase mu mbuebue nuidikije nyunyi ya nkutshi, idi yenza masua ayi ku mushiku wa lubuebue.

Yirmeya 49:16

Uvua ukuatshisha bantu bonsu bowa. Uvua udimona bu udi mupile bisamba bionsu. Kadi uvua udidinga. Nansha wewe musombe mu mbuebue, nansha wewe muase pa mikuna mitumbuke, nansha wewe muenzele disua diebe kulu kupita, mudi nyunyi wa tshiminyi wenza, kadi nenkukulule panshi.” Ke mudi Maweja-Nangila wamba nanku.

Yirmeya 49:4

Eyi, wewe Raba mushikankunde mutomboke, uvua uditambisha bua bintu bivule bidi mu tshibandabanda tshia mushinga mukole. Uvua ukonka ne: “Udi mua kunduisha nnganyi?”

Yezekiyele 28:16

Utua musumbe bintu bitule, ubisumbisha. Ke tshitua tshikufikisha ku tshinyangu ne ku buenzavi. Ke pandi nkuipata pa mukuna wanyi, nkupingaja muaba wa bantu bakuabu bonsu. Mukerubine utua mukulame, wakuipatshi mutantshi mule ne mabue atua akenka.

Malaki 1:4

Pikala bena Edome bamba ne: “Mbatubunde, kadi netuibake tshiakabidi bimenga bietu bidibu banyangakaje.” Meme Maweja-Nangila wa bukole buonsu ndi ngamba ne: “Nansha bibake tshiakabidi bimenga abi, kadi meme ne-mbiupule.” Nebinyike ditunga diabu ne: “Ditunga dia malu mabi.” Badi basombamu nebabinyike ne: “Bantu badi Maweja-Nangila ulekela tshiji.”