Nsumuinu 6:21 - MUKANDA WA MYIDI MUKULU

²¹ Ubivuluke matuku onsu mu muoyi webe. Ubilame bimpe, bu masanga a mushinga mukole, adibu bela mu nshingu.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Ubilame matuku onso mu mu tshima webe, ubijingile mu nshingu muebe.

Nsumuinu 6:21 Marejeleo ya Msalaba

Ekesode 13:16

Nanku, milambu eyi neinuvuluije bualu ebu, bu mudi tshimanyinu ku diboku nansha pa mpala. Neinuvuluije muvua Maweja-Nangila munupatule mu ditunga dia Ejipitu ku bukole buende.

Ekesode 13:9

Tshibilu etshi netshikale bu tshimanyinu ku diboku nansha pa mpala yenu, bua kunuvuluija dipatuka dienu mu Ejipitu. Nanku, netshinuvuluije munudi ne bua kumanyisha bantu mikenji ya Maweja-Nangila, uvua munupatule mu ditunga dia Ejipitu.

Nsumuinu 3:3

Wikale muena dinanga ne muena muoyi umue. Ngenzelu eyi ikale bu webe nsala wa lumu. Uyifunde mu muoyi webe.

Nsumuinu 4:21

Kupu mibelu yanyi muoyi. Kadi uyilame munda mua muoyi webe.

Nsumuinu 4:6

Kulekedi meji, nanku neakuambuluishe. Wananga, nanku neakulame.

2 Korente 3:3

Eyowa, nuenu nudi mukanda uvua Kristu mufundishishe kutudi. Kena muufundishishe ne mayi a mukanda, kadi amu ku bukole bua Mueyelu wa Mvidi Mukulu udi ne muoyi. Kena muufundishishe pa mabue, kadi amu mu mioyi ya bantu.

Dielulula 6:8

Bua nuenu kuvuluka mikenji eyi kashidi, nuyisuike ku maboku enu ne mu mpala yenu.