Nsumuinu 5:16 - MUKANDA WA MYIDI MUKULU

¹⁶ Mayi a mpokolu ewu, kaapuekedi mu misesu, kaatangalaki mu bisalu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Mishimi yebe ya mai idi ne bua kumuangalashibua mu muaba wa ha bule, anyi? Tusulu tuebe tua mai tudi ne bua kuhueka mu misesu, anyi?

Nsumuinu 5:16 Marejeleo ya Msalaba

Genese 24:60

Baledi ba Rebeka kumuela lupemba, bamba ne: “Wewe muanetu wa bakaji, Ulele balume, ulele bakaji ba bungi. Ndelanganyi yebe inyenge bimenga bia bena lukuna bayi!”

Misambu 127:3

Bana, ke tshiuma tshilelela tshia bena nzubu, ndifutu didi Maweja-Nangila ubapesha!

Misambu 128:3

Mu nzubu muebe Mukajebe ne ikale bu muonji wa mvinyo wa diminu, bana bebe ba balume nebakunyungulukile ku mesa, bu bana ba mitshi ya olive.

Misambu 68:26

Bena misambu bafilele kumpala, bansongakaji pankatshi, bimbe tutumbi, bena bisanji ku ndekelu.

Nsumuinu 5:15

Mukajebe udi bu mpokolu wa mayi matoke. Unue mayi a mpokolu ewu!

Nsumuinu 5:17

Mpokolu ewu ikale webe nkayebe! Kuena mua kumuabanyangana ne benyi to.

Nsumuinu 5:18

Usanke bua kusomba ne mukaji uuvua musungule, pautshivua nsongalume. Umusankishe.

Nsumuinu 9:17

“Mayi anudi nuiba ke adi atalaja nyota! Tshiakudia tshidi muntu udia mu musokoku ke tshidi tshimpe.”

Musambu wa Solomo 4:12

Mubangila wanyi, muanetu wa bakaji, udi budimi buanyi bunyungulula kudi lupangu, udi mayi anyi a mpokolu mabuikila matue tshitampi.

Musambu wa Solomo 4:15

Munda mua lupangu mudi mpokolu wa mayi mimpe matambe adi afuma ku mikuna ya Lebanone.

Yeshaya 48:21

Udi mufile bena diende mu tshipela. Nyota kayena ibasuma. Bua kubanuisha, udi upatula mayi mu lubuebue. Udi upanda lubuebue, mayi kupatuka.

Dielulula 33:28

“Bena Izrayele badi basomba talala. Ndelanganyi ya Yakobe mmisombe bimpe, mu ditunga didi ne ntete ya kuenza bukula, kabidi ne mitshi ya maluvu a mvinyo. Bualu badi bapeta tshitalela tshifuma mu diulu.

Balombodi 12:9

Uvua ne bana ba balume makumi asatu, kabidi ne ba bakaji makumi asatu. Uvua museleshe bana bende ba bakaji kudi bantu bavua kabayi ba tshisamba tshiabu to. Uvua muselele kabidi bana bende ba balume bakaji anu ba mu bisamba bikuabu. Ibsane uvua mushale mulombodi wa bena Izrayele bidimu muanda mutekete.