Nsumuinu 29:25 - MUKANDA WA MYIDI MUKULU

²⁵ Udi utshina bantu udi uditeya nkayende. Kadi muntu udi uditeka mu bianza bia Maweja-Nangila udi usomba talalaa.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Hatshina muntu bakuabo, bualu ebu budi buteyi kudiye, kadi udi weyemena Yehowa neahanduke.

Nsumuinu 29:25 Marejeleo ya Msalaba

Genese 20:11

Abrahame kuandamuna ne: — Mvua muele meji ne: bantu ba kuneku kabena batshina Mvidi Mukulu. Nanku nebanshipe bua kuangata mukajanyi.

Genese 20:2

Kadi bu muvua Abrahame muambile bantu ne: Sara mmuanetu wa bakaji Abimeleke, mukalenga wa bena Ngerare, kuangata Sara bua ikale mukajende.

Genese 26:7

Bena ditunga kumona ne Rebeka uvua ne mpala muimpe. Kukonkabu Izake bua kujadika ne: Rebeka udi ku dibaka anyi mmudisombele. Bu muvua Izake utshina ne: bena ditunga badi mua kunshipa, kubadingaye ne: mmuanetu wa bakaji.

1 Bakalenga 19:3

Muambi Eliya kumvua bowa, kunyema ne muena mudimu wende bua kushala ne muoyi. Kuyaye ku Bersheba mu ditunga dia bena Yuda. Kushiyaye muena mudimu wende mu ditunga adi.

1 Kulondolola 5:20

Bavua batekemena kudi Mvidi Mukulu munkatshi mua mvita ayi. Kusengelelabu Mvidi Mukulu bua kupeta diambuluisha. Mvidi Mukulu kubateleja, kubambuluisha. Bobu kutshimuna bena Agri ne bonsu bavua batue ku tshiabu.

Misambu 118:8

Mbimpe kukeba diambuluisha kudi Maweja-Nangila, pamutu pa kutekemena kudi muntu!

Misambu 119:117

Ikala tshieyemenu tshianyi, mpande; nenkebe biudi musue matuku onsu.

Misambu 125:1

Musambu wa bena ngendu. Bantu badi beyemena Maweja-Nangila, mbafuane mukuna wa Siyone, udi kauyi utenkakana tshiendelele.

Misambu 69:29

Ukupule mena abu mu mukanda wa badi ne muoyi. Kubafundi pamue ne bantu bebe.

Misambu 91:1

Muntu udi usokomena kudi Mvidi Mukulu Muena kulu, ubutamine kudi Wa kukole buonsu.

Misambu 91:14

Maweja-Nangila udi wamba ne: “Bu mudiye mundamate, nemmusokoke, nemmulame, bualu mmumanye tshindi.

Nsumuinu 16:20

Muntu udi uteleja bidibu bamuambila neatuute dikasa dimpe. Udi utekemena kudi Maweja-Nangila udi muena diakalenga.

Nsumuinu 18:10

Maweja-Nangila udi bu nzubu udibu bakolesha ne bimana. Muntu muakane udi unyemena kudiye, udi upanduka.

Nsumuinu 28:25

Muena lukuka udi usonsola amu matandu. Kadi udi utekemena kudi Maweja-Nangila neatuute dikasa dimpe.

Nsumuinu 30:5

“Bionsu bidi Mvidi Mukulu ulaya udi ubikumbaja. Udi ngabu wa mvita, udi ulama muntu yonsu udi usokomena kudiye.

Muambi 7:18

Mbimpe kulonda mibelu yonsu ibidi eyi, bualu muntu udi unemeka Mvidi Mukulu kena ne bua kukolesha malu bikole.

Yeshaya 57:11

Udi mukukuatshishe bowa, uudi utshina bikole nanku, bua wewe kunshima, bua wewe kubenga kunzuluka, bua wewe kubenga kungangata ne mushinga, nnganyi? Bu mundi mupuwe mutantshi mule, kuena ungangata kabidi ne mushinga. Udi wela meji ne: biudi wenza mbiakane anyi?

Danyele 3:28

Ke Nebukadnesare kuela lubila ne: — Mvidi Mukulu wa Shadrake, Meshake ne Abede-Nego atumbe! Udi mutume mutumibue wende bua asungidile bantu bende bavua bamueyemena, babenga kutumikila diyi dianyi dia bukalenga. Bavua basue bua babakengeshe pa mutu pa kutendelela ne kukukuila mvidie mikuabu pa muaba wa Mvidi Mukulu wabu.

Danyele 6:23

Eyowa, Mvidi Mukulu wanyi uvua mutume mutumibue wende bua kukanga mbanga ya nyama ya ntambue. Kayena mingenzele bibi. Bualu tshiena muenze tshibawu ku mesu a Mvidi Mukulu. Kabidi tshiena mukuenzele tshilema nansha tshimue, mukalenga!

Matayi 10:28

Nenku kanutshinyi bantu badi bashipa mubidi, kadi kabayi mua kushipa muoyi. Nutshine nangananga Mvidi Mukulu, udi mua kujimija diakamue mubidi ne muoyi mu kandondu.

Matayi 15:12

Ke balongi kusemena kudi Yezu, bamukonka ne: — Udi mumanye muvua Baparushe bafike munda pa kumvua muuvua wakula anyi?

Luke 12:4

— Nuenu balunda banyi, ndi nnuambila ne: kanutshinyi bantu, bualu badi bashipa amu mubidi, kabayi mua kuenza bualu bukuabu.

Yowanane 3:2

Dituku dikuabu kufikaye kudi Yezu butuku, umuambila ne: — Mulongeshi, tudi bamanye ne: Mvidi Mukulu mmukutume bua kutulongesha. Bualu kakuena muntu udi mua kuenza malu a dikema bu muudi wenza wewe, padi Mvidi Mukulu kayi nende!

Yowanane 9:22

Bavua bandamuna nanku, bualu bavua batshina bamfumu ba bena Yuda. Bualu bamfumu bavua bamane kumyuangana bua kuipata mu nzubu wa kutendelela wa bena Yuda muntu yonsu wajadika ne: Yezu udi Meshiya.

Dielulula 1:17

Nukose tshilumbu anu muditshi. Nuteleje muntu yonsu, mubanji ne mupele, kakuyi kansungansunga. Kanutshinyi muntu pa kukosa tshilumbu, bualu nudi nulumbuluisha mu dina dia Mvidi Mukulu. Pikala tshilumbu tshinupita, nufike natshi kundi bua meme kutshiumvua!”

1 Petro 1:21

Kudi Kristu ke kunudi nuitabila Mvidi Mukulu, uvua mumubishe ku lufu, mumupe butumbi buende. Ke panudi nuitaba Mvidi Mukulu, nutekemena kabidi kudiye.

Balombodi 16:11

Shimeshone kumuambila ne: — Bobu bansuike ne mionji mipiamipia, idi kayiyi mianji kuenza mudimu mukuabu, tshiakuikala kabidi ne bukole to. Nengikale bu bantu bonsu.

1 Samuele 15:24

Shawule kuandamuna ne: — Ndi muenze bibi. Tshiena mutumikile diyi dia Maweja-Nangila, tshiena muteleje mibelu yebe wewe. Kadi mvua ne bowa, ntshina bena mvita. Ke pandi muenze bionsu bivua bena mvita bajinga.

1 Samuele 21:13

Miaku ayi kutonda Davide bikole, kutshinaye mukalenga Akishe.

1 Samuele 27:1

Davide kuela meji, udiambila ne: “Dituku dikuabu, Shawule ewu neanshipe. Tshiena ne tshikuabu tshindi mua kuenza mpindiewu to. Mbimpe nnyemene mu ditunga dia bena Peleshete. Nanku Shawule nealekele kunkeba mu buloba bujima bua bena Izrayele. Ke mundi mua kumunye-mena.”

1 Samuele 27:11

Davide kena mushiye muntu mulume nansha mukaji ne muoyi, bua kuya nende mu Ngate to. Uvua utshina ne: muntu ewu, udi mua kuya kunjana, wambila bantu ne: “Monayi tshidi Davide wenza.” Matuku onsu avua Davide mushale mu ditunga dia bena Peleshete, uvua wenza anu mushindu awu.