Nsumuinu 24:17 - MUKANDA WA MYIDI MUKULU

¹⁷ Kusanki padi muluishi webe udishinda. Kuji maja padi dikenga dimukuata.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Kusanki hahona muena lukuna webe, mutshima webe kawikadi ne disanka halendukeye;

Nsumuinu 24:17 Marejeleo ya Msalaba

2 Samuele 3:32

Kujikabu Abnere mu Ebrone. Mukalenga Davide kudila muadi mukole ku lukita lua Abnere. Bantu bonsu kudila.

Yobe 31:29

Mvua ne disanka pavua muluishi wanyi mu dikenga, nansha pavua diakabi dimukuata anyi?

Misambu 35:15

Kadi mpindiewu pandi mu dikenga, baluishi banyi badi basanka, badikunguja bua kunseka. Nansha bantu benyi mene, bandi tshiyi mumanye, badi bantuuta, bangela bibingu.

Misambu 35:19

Baluishi bavua banshiminyina malu, kabasanki ne: “Tuamutshimunyi!” Badi bankina kapayi bualu, kabaleji musangelu kuisu.

Misambu 42:10

Nenkonke Mvidi Mukulu, lubuebue luanyi ne: “Udi mumpue muoyi bua tshinyi? Ndi nkenga, tshiyi ne dikisha, bualu kaayi? Mudi baluishi banyi bankengesha nenku mbishi?”

Nsumuinu 17:5

Muntu udi useka bapele udi useka Mvidi Mukulu udi mubafuke. Muntu udi usanka padi dikenga dikuata mukuabu nebamunyoke.

Nsumuinu 24:18

Maweja-Nangila yeye mukumone wenza nanku, kakuanyisha to. Bumue kakunyoka kabidi muluishi webe awu to.

Obadya 1:12

Nuenu bena Edome, kanuvua mua kusanka, pavua bana benu bena Yuda mu dikenga. Kanuvua mua kuseka, pavuabu bababutula. Kanutua mua kubapenda, pavuabu bapampakana.

Mika 7:8

Nuenu baluishi betu, kanutuseki mu dikenga dietu. Nansha tuetu badishinde panshi, netujuke kulu! Nansha tuetu mu midima, Maweja-Nangila udi butoke buetu.

Balombodi 16:25

Bu muvua bena Peleshete ne disanka dia bungi, kutumabu diyi bua bafike ne Shimeshone bua kubasekeshaye. Kupatulabu Shimeshone mu nzubu wa lukanu. Bantu bamumone, kusekabu bikole. Bamane kumuimanyika pankatshi pa makunji a ku nzubu wa mvidie wabu,