Nsumuinu 24:14 - MUKANDA WA MYIDI MUKULU

¹⁴ Kadi wavuluka ne: meji mempe neakusankishe kabidi bikole. Pawikala wenza nawu mudimu, neakulongeshe. Neusanke matuku atshidi kumpala. Biudi utekemena neubipete.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Wamanya ne meji adi muomumue ku muoyo webe: Biwâheta, malu mimpe makuabo nealue kûdi, ne ditekemena diebe kadiena dijimina.

Nsumuinu 24:14 Marejeleo ya Msalaba

Misambu 119:103

Pandi ngumvua malongesha ebe, ndi ngamona masheme mapite buitshi.

Misambu 119:111

Meyi ebe ke bubanji buanyi bua mushinga mukole bua kashidi, adi asankisha muoyi wanyi.

Nsumuinu 16:24

Miaku mimpe idi bu buitshi, budi busheme mukana, biengelela mubidi.

Nsumuinu 2:10

Newikale ne meji munda muebe. Dimanya nedikusankishe.

Nsumuinu 22:18

Newikale muena diakalenga, pawikala uvuluka malu andi ngamba, walongesha kabidi bantu bakuabu.

Nsumuinu 23:18

Nanku neusanke matuku adi kumpala. Kuakufua bundu to.

Yirmeya 15:16

Paudi mungambile malu, diakamue meme kuteleja bimpe, kuvuluka muaku webe onsu. Muaku webe kunguwuja ne disanka, kungenza muena diakalenga. Bualu mbanjidile mu dina diebe wewe, Maweja-Nangila wa bukole buonsu.

Matayi 19:21

Yezu kumuandamuna ne: — Paudi musue kuikala muakane tshishiki, uye kupana bionsu biudi nabi, wambike bapele makuta abi. Nanku newikale ne biuma mu diulu. Pashishe ufike bua kundonda.

Yakobe 1:25

Kadi muntu udi ukenketa ne ntema mikenji mimpe idi itupikula, kayi uyiteleja patupu amu bua kuyipua muoyi, kadi uyenza, muntu awu Mvidi Mukulu neamuele lupemba mu midimu yende.