Nsumuinu 20:3 - MUKANDA WA MYIDI MUKULU

³ Muntu wa meji udi wepuka matandu. Amu bantu bapote ke badi badibuejamu.

Mukanda wa Nzambi Dihungila Dikulukulu ne Dihungila Dihia-dihia 2003

³ Butumbi budi kudi muntu biashilanganeye ne matandu, kadi muhote yonso neahatule mei a kutandangana nʼau.

Nsumuinu 20:3 Marejeleo ya Msalaba

Genese 13:7

Ke matandu kujuka pankatshi pa balami ba bimuna bia Abrame ne balami ba bia Lote. (Tshikondu atshi, bena Kenaane ne bena Perizi batshivua mu ditunga adi.)

Genese 13:8

Abrame kuambila Lote ne: — Katuena mua kutandangana nebe to. Bena mudimu bebe ne banyi kabena mua kutandangana to, bualu tudi bantu bamue.

2 Bakalenga 14:9

Yowashe kuelela Amashiya lusumuinu ne: “Dituku dikuabu, mutshi wa meba uvua pa mukuna wa Lebanone. Kulombawu mutshi wa sedre ne: anyishe bua muananyi wa balume asele muanebe. Kadi, nyama wa tshisuku, kupitshila pavua mutshi apu, kudiatakaja mutshi wa meba onsu.”

Nsumuinu 14:17

Muntu udi ufika munda lukasa, udi wenza bualu bupote. Udi wela meji mabi, udi udikebela lukinu.

Nsumuinu 14:29

Muntu udi kayi ufika munda lukasa, udi ne lungenyi luvule. Kadi udi ufika munda lukasa, udi uleja bupote buende.

Nsumuinu 16:32

Tshilobu tshia mvita ke muntu udi kayi ufika munda lukasa. Muntu udi udikolela mmupite tshilobu tshidi tshikuata tshimenga.

Nsumuinu 17:14

Kutuadija matandu kudi bu kubumbula nkila. Puwa patshidi matandu kaayi manji kukola.

Nsumuinu 18:6

Miaku ya muntu mupote idi ikeba matandu. Tshidiye wamba tshidi tshikeba mvita.

Nsumuinu 19:11

Muntu wa lungenyi nansha yeye mufike munda, udi amu ulama lutulu. Lumu luende mpadiye upua malu mabi avuabu bamuenzele muoyi.

Nsumuinu 21:24

Muntu udi upepeja bantu, uditambisha, kena wangata tshintu nansha tshimue ne mushinga. Malu onsu adiye wenza adi aleja mudiye uditambisha kashidi.

Nsumuinu 26:17

Kubuelakana mu matandu adi kaayi ebe, kudi bu kukeba kukuata ku matshi a mbua udi upita mu njila.

Efeze 4:32

Kadi nuikale ne muoyi muimpe, nuambuluishangane. Nufuilangane luse, bu mudi Mvidi Mukulu munufuile luse mu Kristu.

Yakobe 3:14

Kadi padi muoyi wenu mumane kunyanguka ne lubabu, ne lungenyi lua difuilakana mianzu, kanuditambishi bua meji to. Kanushimi, kanuvidi malu adi malelela.

Yakobe 4:1

Mvita ne matandu bidi munkatshi muenu mbifume penyi? mBifume ku majinga mabi adi aluangana munda muenu, kaayi apungila.