Nsumuinu 20:2 - MUKANDA WA MYIDI MUKULU

² Mudibu batshina nyama wa ntambue udi ukungula, ke mudibu ne bua kutshina mukalenga udi mufike munda. Muntu udi ujula tshiji tshia mukalenga udi udikebela njiwu.

Mukanda wa Nzambi Dihungila Dikulukulu ne Dihungila Dihia-dihia 2003

² Buowa budi mukelenge utshinyisha nʼabu bantu budi bu muadi wa nyama wa ntambue; udi umufuisha tshiji udi udienzela muoyo wandi bibi.

Nsumuinu 20:2 Marejeleo ya Msalaba

1 Bakalenga 2:23

Ke Shelomu kuditshipa kumpala kua Maweja-Nangila, wamba ne: — Maweja-Nangila neannyoke ne dinyoka dikole, pangikala tshiyi mushipeshe Adoniya, bua dikamakama didiye nadi dia kulomba bualu bua mushindu ewu!

1 Bakalenga 2:24

Maweja-Nangila uvua munjadike mu nkuasa wa bukalenga wa tatu wanyi Davide, mmundaye bukalenga meme ne ndelanganyi yanyi. Bu mudiye ne muoyi, ndi nditshipa ne: Adoniya udi ufua anu lelu!

Nsumuinu 19:12

Tshiji tshia mukalenga tshidi tshikuata bowa bu muadi wa nyama wa ntambue. Kadi kalolu kadiye uleja muntu, kadi bu lumuma ludi lupueka pa bisosa, lufila tshitalela.

Nsumuinu 8:36

Kadi muntu udi ungenzela malu mabi, udi udienzela bibi yeye nkayende. Udi unkina, mmunange lufu.”

Muambi 10:4

Pikala mfumuebe mufike munda, kumbuki muaba uudi. Wewe mulame lutulu neakufuile luse bua bilema biebe biuvua muenze.

Osheya 11:10

Bena tshimuangi nebalonde Maweja-Nangila. Yeye udi udila bu nyama wa ntambue. Padiye udila, bana bende badi bafika, benda bazakala, batumina dishiya dia mayi manene.

Amosa 3:8

Padi nyama wa ntambue ukungula, udi kayi ne bowa nnganyi? Padi Maweja-Nangila Mvidi Mukulu umanyisha bantu bualu, udi mua kubenga kubuambila bantu nnganyi?

Abakuke 2:10

Tshinyangu tshienu katshiena ne tshipeta; netshifuishe bena meku enu amu bundu. Panudi babutule bisamba bivule bia bantu, nudi badibutule anu nuenu nkayenu.