Nsumuinu 19:29 - MUKANDA WA MYIDI MUKULU

²⁹ Bena ditambisha nebabanyoke. Muntu mutatakane nebamutuute.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Bakulongoluela babuidi makengesha, bakulongoluela nyima ya bahote mitutu.

Nsumuinu 19:29 Marejeleo ya Msalaba

2 Bakalenga 2:24

Elisha ukenzakana, kubamona. Kubatshipaye mu dina dia Maweja-Nangila. Ke nyama ya lonji ibidi kupatuka mu ditu, kushipa bana ba balume makumi anayi ne babidi, kubasunsula.

Misambu 1:1

Muena diakalenga ngudi ubenga meji adi bantu babi bamuambila, kayi ulonda tshidi bantu bapambuke benza, kayi usomba pamue ne bantu badi baseka Mvidi Mukulu!

Nsumuinu 1:22

“Nuenu batshimbakane, nenushale amu batatakane too ne ku diba kaayi? Nuenu basekianganyi, nenunseke too ne ku diba kaayi? Nuenu bantu bapote, nenubenge kulonga malu too ne ku diba kaayi?

Nsumuinu 1:26

Nanku meme kabidi nenseke panuikala mu dikenga. Nenseke pikala bowa bunukuata.

Nsumuinu 10:13

Muena meji badi bamumanyina ku miaku ya lungenyi idiye wakula, kadi udi kayi wela meji badi bamutuuta!

Nsumuinu 17:10

Mubelu udibu bapesha muntu wa lungenyi udi mupite nkodi lukama mituuta muntu mupote.

Nsumuinu 18:6

Miaku ya muntu mupote idi ikeba matandu. Tshidiye wamba tshidi tshikeba mvita.

Nsumuinu 26:3

Badi batuuta kabalu ne lukodi, mpunde ne mukaba, nyima wa muntu mupote ne mulangala.

Nsumuinu 3:34

Maweja-Nangila udi upetula badi bamupetula; kadi udi unanga bantu bapuekele.

Nsumuinu 7:22

Mpindiewu, nsongalume kumulonda bu ngombe, udibu baye nende ku tshishipelu. Mupale awu kudikebela tshibawu, kupia mu buteyi.

Nsumuinu 9:12

Pawikala muena meji, wewe mene neusanke. Kadi pawikala muena ditambisha, wewe nkayebe neudipeteshe dikenga.

Yeshaya 28:22

Nenku mpindiewu, lekelayi bilele bienu bibi, bua kabayi kukolesha majita a mionji ya mu nshingu yenu. Bualu Maweja-Nangila Mvidi Mukulu muena bukole buonsu, mmungambile ne: ndi mujadike bua kubutula ditunga dijima.

Yeshaya 29:20

Bualu bena tshikisu nebajimine. Bena kapeja bonsu nebumuke. Bonsu badi bakeba mua kukengesha bakuabu nebafue.

Dielulula 25:2

Pikala muntu udi mupite mupete dinyoka dia kumutuuta mikaba bungi kampande, mulumbuluishi neamuladike panshi, bamututshishe mikaba ayi bungi bukumbanyine tshitema tshivuaye muenze, mulumbuluishi muikale koku.

Ebrewu 12:6

Bualu Maweja-Nangila udi unyoka udiye munange, udi ukuma muntu yonsu udiye wakidila bu muanende.”