Nsumuinu 12:14 - MUKANDA WA MYIDI MUKULU

¹⁴ Miaku ya muntu idi mua kumupetesha diakalenga, bu mudi mudimu upetesha muntu difutu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Muntu udi uheta diakalengele ku mei makane a mukana muandi, ne bienzedi bidi bianza bia muntu bienza nebihingane kudiye.

Nsumuinu 12:14 Marejeleo ya Msalaba

Yobe 34:11

Nansha kakese! Kadi Mvidi Mukulu udi upingajila bantu bivuabu benze. Udi ubafuta bilondeshile midimu ivuabu bakuate.

Misambu 63:5

nkuela tuasakidila matuku onsu andi ne muoyi. Nengele bianza mulu bua kukusamuna.

Nsumuinu 1:31

Nenupete dinyoka dinudi nudikebela. Binudi nuenza nebinukebele makenga.

Nsumuinu 13:2

Muntu wa malu mempe udi upeta tshipeta tshimpe ku miaku idiye wamba. Kadi bantu ba malu mabi badi amu bakeba mvita.

Nsumuinu 14:14

Muntu muena malu mabi neapete tshibawu tshia pa bubi buende. Bidi muntu muakane upeta nebimusankishe.

Nsumuinu 15:23

Padi muntu wandamuna nkonku biakane udi ne disanka, nangananga padiye ufila diandamuna kampanda pa tshikondu tshiadi.

Nsumuinu 19:17

Paudi upesha mupele tshintu, udi utshisombesha Maweja-Nangila. Yeye ke wakufuta mudimu webe wa luse.

Nsumuinu 24:12

Wewe muambe ne: “Tshivua mumanye,” kadi Mvidi Mukulu mmumanye muoyi uudi nawu. Yeye ke udi usunguluja tshiudi wipatshila. Udi ukumona. Udi mumanye malu onsu. Udi ulumbuluisha muntu yonsu bilondeshile bidiye wenza.

Nsumuinu 5:22

Bilema bidi muntu wenza bidi bu mionji idiye udisuika nayi. Bidi bu buteyi budiye udikuata nabu.

Yirmeya 17:10

Maweja-Nangila udi wamba ne: — Meme ndi mmona munda mua muoyi. Ndi mumanye malu masokome a bantu. Ke mundi mua kupesha muntu bidiye ne bua kupeta, bilondeshile malu adiye wenza.

Yirmeya 21:14

Kadi meme nennuluishe, nennunyoke bua bubi bunuvua benze. Nengoshe mitshi ya sedre idi mu nzubu yenu. Kapia aka nekabutule bionsu. Meme Maweja-Nangila ndi ngamba nanku.

Osheya 4:9

Batuangaji ne bena Izrayele, nembanyoke mushindu umue. Nembanyoke bua buenzayi buabu, nembakengeshe bua bubi buabu.

Matayi 16:27

Bualu Muana wa muntu neafike, mu butumbi bua tatuende, pamue ne batumibue bende. Diba adi neafute muntu yonsu, bilondeshile malu avuaye muenze.

Ebrewu 11:26

Utata muele meji ne: bobu bampetule mutotabu bapetule Kristu, ndi mpeta tshiuma tshidi tshipite biuma bia mu Ejipitu. Bualu mesu ende avua atangila amu difutu divuaye muindile kumpala.

Ebrewu 2:2

Mikenji ivua batumibue ba Mvidi Mukulu bafike nayi kutudi, ivua ne mushinga munene. Muntu yonsu uvua kayi muyilonde, mubenge kuyitumikila, mmupete dinyoka di-vuaye ne bua kupeta.