Ngalate 5:17 - MUKANDA WA MYIDI MUKULU

¹⁷ Majinga mabi adi abengangana ne bidi Mueyelu musue. Mueyelu udi ujinga bidi muoyi wetu mubi ubenga. Mueyelu ne majinga mabi bidi biluishangana. Ke munudi kanuyi mua kukumbaja bilenga binudi nujinga.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Bualu bua dijinga dia malu a mubidi didi difuilangana ne dijinga dia malu a Nyuma, ne dijinga dia malu a Nyuma didi difuilangana ne dijinga dia malu a mubidi; bua malu â adi mimanyinangane, bua nuenu kanuenji malu anudi basue kuenza.

Ngalate 5:17 Marejeleo ya Msalaba

Genese 6:3

Kadi Maweja-Nangila kuamba ne: “Bua buenzayi bua muntu pa buloba, ndi nkepesha bidimu biende, bishale anu lukama ne makumi abidi, bualu muntu udi anu wa mubidi. Tshiena musue bua Mueyelu wa muoyi undi mumupesha ushale kashidi munda muende.”

Misambu 119:133

Mukenji webe umpeshe bukole buonsu, bualu bubi nansha bumue kabuntshimunyi.

Misambu 119:159

Maweja-Nangila, mona mundi munange mikenji yebe; umpandishe bua buimpe buebe.

Misambu 119:176

Ndi mupambuke bu mukoku mujimine; fika ungambuluishe meme muena mudimu webe, bualu tshiena mpua meyi ebe muoyi.

Misambu 119:20

Muoyi wanyi mmusue kulonda mapangadika, audi muangate mu malu onsu.

Misambu 119:32

Ndi ndonda njila uudi ungambila, bualu udi munzulule lungenyi luanyi.

Misambu 119:35

Undombole mu njila wa mikenji yebe, nensanke.

Misambu 119:40

Dijinga dianyi ndia kulonda mikenji yebe, umpe muoyi bualu udi muakane.

Misambu 130:3

Maweja-Nangila, wewe mutangile bilema bietu, udi mua kupanda nnganyi?

Misambu 65:3

Bualu udi uteleja bantu badi bakutendelela. Ke padibu bonsu bafika kuudi,

Muambi 7:20

Mulengele kabula kalema, udi ne kende kamulamata.

Yeshaya 6:5

Ke meme kuamba ne: “Eyi! Ndi mubutuke, bualu mishiku yanyi nya muena buakulavi. Tshiena mua kutumbisha Maweja-Nangila. Bena mu tshisamba tshietu kabidi badi ne mishiku ya bena buakulavi. Kadi ndi mudimuene nkayanyi mukalenga, Maweja-Nangila muena bukole buonsu!”

Matayi 12:30

Udi kayi nanyi, mmumbenge. Udi kayi ungambuluisha bua kusangisha, udi umuangalaja.

Matayi 16:17

Pashishe Yezu kumuambila ne: — Wewe Simone, muana wa Yowanane, udi wa diakalenga, bualu udi mukujanduile bulelela ebu, ki mmuntu wa mubidi ne mashi to, kadi nTatu wanyi udi mu diulu.

Matayi 16:23

Kadi Yezu kukudimuka, kuambila Petro ne: — Umbuka kundi, uye kule, diabolu! Udi ukeba kundenduisha! Bualu meji audi wela ki nga kudi Mvidi Mukulu to, kadi nga kudi bantu.

Matayi 26:41

Tabalayi. Tendelelayi, bua kanubuedi mu mateyi. Muoyi wa kuenza bimpe nudi nawu, kadi bukole bua kubikumbaja, kanuena nabu.

Matayi 5:6

Bantu badi bajinga muabu muonsu mua kukumbaja bidi Mvidi Mukulu musue, ke bena diakalenga, bualu Mvidi Mukulu neabakumbajile bionsu bidibu bajinga!

Luke 22:33

Ke Petro kumuandamuna ne: — Mfumu, meme ndi musue kuya nebe mu nzubu wa lukanu, nansha bua kufua nebe nemfue!

Luke 22:46

Ke kubakonkaye ne: — Nuenu nudi balale bua tshinyi? Jukayi, nutendelele, bua kanulenduki, panutetabu.

Yowanane 3:6

Tshidi muntu ulela, tshidi muntu. Tshidi Mueyelu wa Tshijila ulela tshidi Mueyelu.

Rome 8:13

Bualu panuikala nukeba bidi buntu buenu nkayabu bujinga, nenufue. Kadi panuikala nubenga malu mabi onsu ku bukole bua Mueyelu wa Tshijila, nenuikale ne muoyi.

Ngalate 3:21

Nanku mikenji mmibengangane ne malayaa Mvidi Mukulu anyi? Nansha kakese! Bu bobu bele mikenji ivua mua kupetesha bantu muoyi, Mvidi Mukulu uvua mua kuhingisha bantu bualu bua mikenji.

Yakobe 3:2

Tudi tuenza bonsu bibi mishindu mishilangane. Kadi padi muntu kayi wakula muaku mubi musangu nansha umue, awu mmuntu wa nsongu. mMumanye kabidi mua kukanda mubidi wende mujima.