Ngalate 4:27 - MUKANDA WA MYIDI MUKULU

²⁷ Bualu Mikanda ya tshijila idi yamba ne: “Sankaku, wewe mukaji udi kuyi ne bana! Ela mbila ya disanka, wewe udi kuyi mumvue dikenga dia pa kulela! Bualu mukaji muabu babenge, neikale ne bana bavule, bapite ba mukaji udi bayende munange.”

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Bua bakafunda ne, Mukashi wa nkumba udi kai mulele, usanke biebe; Ne mukashi udi kai ne didinyenga dia ha kulela, uhandishe dî diebe, udile biebe; Bualu bua bana ba mukashi muhidibue badi batambe bana ba mukashi wakashala ne mulume bungi.

Ngalate 4:27 Marejeleo ya Msalaba

2 Samuele 13:20

Mukuluende Absalome kumukonka ne: — Muakunyanyi wa bakaji! Amnone mmukubuelele mu nzubu ku bukole anyi? Lekela mutoyi, bualu ebu kabukutondi to. Amnone mmuanenu! Biangatshile diba adi, Tamare kusomba ku nzubu kua mukuluende Absalome ne kanyinganyinga, bu mukaji udibu babenga ku dibaka.

Misambu 113:9

Udi upesha mukaji udi kayi mulele nzubu, umupa disanka dia mamu wa bana. Tumbishayi Maweja-Nangila, Aleluya!

Yeshaya 49:21

Nenku neudikonke ne: “Udi mumpe bana bonsu aba nnganyi? Nkavua mushale patupu, tshiyi mmona bana banyi. Tshivua mutekemene kupeta bakuabu. Bavua bangipata, bantuma kua bende. Kadi aba, uvua ubakolesha nnganyi? Mvua mushale nkayanyi. Kadi aba mbafume penyi?”

Ngalate 4:19

Bana banyi basuibue, bu mudi mukaji ukenga bua kulela muana, ke mundi nkenga tshiakabidi bualu buenu, bua Kristu amueneke patoke munda muenu.

1 Timote 5:5

Mukaji mukamba menemene, udi kayi ne muntu wa kumulama, ke udi mutekemene anu kudi Mvidi Mukulu, umutendelela munya ne butuku, umulomba diambuluisha.

1 Samuele 2:5

Bavua badia bukuta, badi bakeba mudimu bua kupeta biakudia. Kadi bavua ne nzala, kabena ne bua kukuata mudimu kabidi to. Mukaji wa nkumba udi ulela, bana muanda mutekete, kadi mukaji uvua ne bana ba bungi, udi ushala nkumba.