Nehemya 9:12 - MUKANDA WA MYIDI MUKULU

¹² Uvua mulombole bantu bebe, mu munya ne divuba dia muinshi, butuku ne dikunji dia kapia, divua ditokesha njila yabu.

Mukanda wa Nzambi Dihungila Dikulukulu ne Dihungila Dihia-dihia 2003

¹² Bualu bukuabo, wewe wakabalombola mu munya mu ditutu ne mu butuku mu dî tutu diakatema kahia bua kubatokeshila nshila wa kuakadibo ne bua kuya.

Nehemya 9:12 Marejeleo ya Msalaba

Nehemya 9:19

Kadi nansha diba adi, bu mudi dinanga diebe kadiyi ndekelu, kuena mubalekele nkayabu mu tshipela. Kuvua mumushe divuba dia muinshi, divua dibaleja njila mu munya; nansha dikunji dia kapia, divua dibaleja njila butuku.

Misambu 105:39

Bua kubalama, Maweja-Nangila, kubabadila divuba dia muinshi, ne kapia bua kubatokeshila butuku.

Misambu 107:7

Kubalombolaye mu njila mululame, wa kuya ku musoku udi bantu basombe.

Misambu 143:8

Ummanyishe bulenga buebe ne dinda dionsu, bualu ndi mutekemene kuudi; ummanyishe njila wa meme kulonda, bualu ndi mutume muoyi wanyi kuudi.

Misambu 78:14

Mu munya uvua ubalombola mu divuba kumpala kuabu, butuku uvua ubakenkeshila tshimunyi tshia kapia.

Ekesode 15:13

Wewe kupikula bantu bebe! Wewe kubananga, kubalombola ne bukole! Wewe kubafikisha mu ditunga dia tshijila!

Yezekiyele 20:6

Musangu awu, mvua mubalaye bua kubapatula mu Ejipitu, kubafikisha mu ditunga didi dipite matunga onsu ku buimpe. Ditunga dimvua musungule bua kubapesha anu bobu, divua ne mabele ne buitshi.

Dibadika 9:16

Matuku onsu bivua amu nanku: divuba dibuikila nzubu, dikenka bu kapia butuku.

Dibadika 9:21

Matuku makuabu divuba divua dishale muaba umue amu butuku bumue, nansha dituku dimue ne butuku bumue. Kadi pavuadi dibanda kulu, bena Izrayele kubanga luendu musangu umue.

Dielulula 1:33

Kadi Yeye ke uvua munudianjidile mu njila, bua kunukebela muaba wa kuasa mitanda. Nanku butuku uvua nenu mu tshikutu tshia kapia tshivua tshinutokeshila njila, mu munya uvua nenu mu divuba.