Nehemya 3:21 - MUKANDA WA MYIDI MUKULU

²¹ Pashishe, Meremote, muana wa Uriya, ne muikulu wa Akose, uvua wenza mudimu wa kuibakulula tshimana, biangatshile ku mushiku wa nzubu wa Eliyashibe, too ne ku ndekelu kua nzubu awu.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Ku nyima kuandi Melemota, muana wa Uliya, muana wa Hakosa, wakalongolola tshituha tshikuabo ku tshibi tshia ku nsubu wa Eleyashiba tô ne ku ndekelu wa nsubu wandi.

Nehemya 3:21 Marejeleo ya Msalaba

1 Kulondolola 4:8

Kose uvua tatuende wa Anube ne wa Sobeba. Yeye ke nkambua wa bena Akarekele, muana wa Arume.

Ezela 2:61

Batuangaji bakuabu kabidi, ndelangananyi ya Obaya, Akose ne Barzilayi, kabawa mua kujadika bimpe muvua bankambua babu to. (Barzilayi uvua ne dina edi, bualu uvua musele muana wa Barzilayi muena Ngilaade).

Ezela 8:33

Dituku dinayi, tuetu kupimina mu nzubu wa Mvidi Mukulu wetu, tshiamu tshitoke tshia mushinga mukole, tshiamu tshia mpawungi, ne bintu bia mushinga mukole. Tuetu bamane kubipima, tuvua babipeshe mutuangaji Meremote, muana wa Uriya, ne Elazare, muana wa Pinase. Bena Levi bakuabu bavuaku: ke Yozabade, muana wa Yeshuwa, ne Nowadya, muana wa Binuwi.

Nehemya 3:1

Mutuangaji munene Eliyashibe, kutuadija mudimu pamue ne batuangaji bakuabu. Kuibakululabu tshiibi tshia Mikoku, kutshijidilabu. Kuelabu bitupa bibidi bia tshiibi ku mbelu. Kuibakululabu tshimana too ne ku kaleya ka Meya. Kujidilabu tshimana atshi. Kutungunukabu ne dibaka tshimana too ne ku kaleya ka Ananeyele.

Nehemya 3:20

Muntu uvua wenza mudimu tshitupa tshikuabu tshia tshimana uvua Baruke, muana wa Zabayi. Uvua wenza mudimu ne disuminyina, biangatshile muaba uvua tshimana tshialabale, too ne ku mushiku wa nzubu wa Eliyashibe, mutuangaji munene.

Nehemya 3:22

Tshitupa tshikuabu tshia tshimana, bavua batshilongolola kudi batuangaji bavua bafumine ku misoku ivua pabuipi ne Yerushalayime.

Nehemya 3:4

Bantu bavua benza mudimu tshitupa tshikuabu bavua Meremote, muana wa Uriya, ne muikulu wa Akose; pashishe Meshulame, muana wa Berekya, ne muikulu wa Meshezabele; pashishe Sadoke, muana wa Baana;

Nehemya 7:63

“Kabidi batuangaji bakuabu ba ku ndelanganyi ya Obaya, ya Akose, ne ya Barzilayi, kabavua mua kujadika meku a bankambua babu. (Barzilayi uvua ne dina edi, bualu uvua musele muana wa bakaji wa Barzilayi muena Ngilaade.)