Nehemya 2:8 - MUKANDA WA MYIDI MUKULU

⁸ Umpeshe mukanda mukuabu wa meme kupesha Ashafe, mulami wa metu a mukalenga, bua kumpeshaye mabaya makumbane a meme kuenza nawu biibi bianzubu wa balami ba nzubu wa Mvidi Mukulu, kuenza nawu kabidi bimana bia ku tshimenga, ne kuasa nawu nzubu wa meme kusomba. Mukalenga wa bakalenga kumpesha mikanda ayi, bualu Mvidi Mukulu wanyi uvua mungambuluishe.

Mukanda wa Nzambi Dihungila Dikulukulu ne Dihungila Dihia-dihia 2003

⁸ ne mukanda mukuabo kudi Asafa, mulami wa metu a mukelenge, bua yeye ampe mabaya a kuenza nʼau mikamba ya bibi bia nsubu wa mukelenge udi hehi ne nsubu wa Nzambi, ne a lumbu lua musoko, ne a nsubu undi mua kulalamu. Mukelenge wakitabusha malu au onso bualu bua tshianza tshimpe tshia Nzambi wanyi tshiakadi kundi.

Nehemya 2:8 Marejeleo ya Msalaba

Genese 32:28

Yeye awu kukonka Yakobe ne: — Dina diebe nnganyi? Yakobe kumuandamuna ne: — Ndi Yakobe.

Ezela 5:5

Kadi Mvidi Mukulu uvua mutabalele balombodi ba bena Yuda, bua kababapumbishi mua kutungunuka ne midimu to, too ne ku diba divua bantu bavuabu batume bua kumanyisha Daryaveshe bualu ebu, bapingane ne diandamuna diende.

Ezela 6:22

Pashishe kuenzabu ne disanka tshibilu tshia mampa kaayi mela buanga matuku muanda mutekete malondangane. Disanka adi bavua badipeta kudi Maweja-Nangila, bualu ke yeye uvua mupeshe mukalenga munene wa bena Ashure muoyi wa kalolu, wa kuenzela bena Izrayele bidibu bajinga. Ke bivua bibakolesha ku muoyi, bua batungunuka ne mudimu wa kuenzulula nzubu wa Mvidi Mukulu wa bena Izrayele.

Ezela 6:8

Ndi nnuambila bua nuambuluishe bakulu ba bena Yuda bua kuenzulula nzubu wa Mvidi Mukulu. Nuikale nubafuta makuta onsu, pa bionsu bidibu batula bua nzubu ewu, bua mudimu uye anu kumpala. Makuta awu nga mu mushete wa bubanji bua mukalenga, anudi nupeta ku bitadi bidi bantu balambula mu buloba buenu.

Ezela 7:6

Ezra uvua mumanye mikanda, uvua mumanye bikole meyi ne mikandu bivua Maweja-Nangila Mvidi Mukulu wa bena Izrayele muambile Moshe. Maweja-Nangila Mvidi Mukulu wende uvua mumupeteshe lumu. Ke pa wa Artashasta, mukalenga munene, mumupeshe bionsu biwaye ulomba.

Ezela 7:9

Ezra kumuka mu Babilone dituku dia kumpala dia ngondu wa kumpala. Kufikaye nabu mu Yerushalayime dituku dia kumpala dia ngondu muitanu, bualu Mvidi Mukulu wende uvua mumulame.

Nehemya 7:2

Ku mudimu wa kulongolola tshimenga tshia Yerushalayime, meme kuteka muanetu Anani, kabidi Ananiya, uvua mulombodi wa nzubu wa bena mvita. Ananiya uvua muntu muimpe, mulamatshi wa Mvidi Mukulu, mupite bantu bakuabu ba bungi.

Nsumuinu 21:1

Muoyi wa mukalenga udi bu musulu wa mayi udi Maweja-Nangila utuma kuonsu kudiye musue.

Muambi 2:5

Meme kudienzela mpangu, kukunamu mitshi ya bimuma ya mishindu yonsu.

Muambi 2:6

Mvua mumbule biina bia mayi bua mmone mua kumiamina mitshi itshidi mitekete mayi.

Yeshaya 66:14

Bushuwa, nenumone bionsu abi. Diba adi nenusanke. Bukole nebupingane mu mifuba yenu, mudi bisosa bipeta muoyi mu mvula mbedi.” Maweja-Nangila nealeje bantu bende mudiye ne bukole. Kadi nealeje baluishi bende tshiji tshidiye natshi.

Danyele 1:9

Mvidi Mukulu kupesha mulombodi wa bena mudimu muoyi muimpe bua kuitabaye bivua Daniyele ulomba.

Bienzedi 26:22

Kadi Mvidi Mukulu uvua mundame too ne ku lelu. Ke muntshidi mua kujadikila bantu bonsu, bana ne bakulumpe, malu a Mvidi Mukulu. Ndi ndongesha amu bivua bambi ne Moshe bamanyishe bantu ne:

Bienzedi 7:10

Kumusungidilaye ku makenga ende onsu. Kumuambuluishaye bua mukalenga wa bena Ejipitu, amunange, anyishe meji ende. Ke mukalenga awu kumuteka mulombodi wa ditunga dia Ejipitu, ne wa nzubu wende mujima wa bukalenga.

2 Korente 8:16

Tudi tuela Mvidi Mukulu tuasakidila, bualu uvua mupeshe Tite disuminyina bualu buenu ditudi tuetu kabidi nadi!