Nehemya 1:5 - MUKANDA WA MYIDI MUKULU

⁵ kumuambila ne: — Ndi nkusengelela Maweja-Nangila Mvidi Mukulu wa mu diulu, Mvidi Mukulu munene wa kutshina! Wewe udi ukumbaja ndondu webe ne bantu badi batumikila mikenji yebe. Kabidi bantu bonsu badi bakunanga, kuena ubalekela to.

Mukanda wa Nzambi Dihungila Dikulukulu ne Dihungila Dihia-dihia 2003

⁵ nakamba ne, Ndi nkusengelela, Yehowa, Nzambi wa mu diulu, Nzambi munene ne wa ditshina, utu walama tshihungidi tshiandi ne luse luandi kudi badi bamunanga ne badi batumikila mikenji yandi,

Nehemya 1:5 Marejeleo ya Msalaba

1 Bakalenga 8:23

wamba ne: — Maweja-Nangila Mvidi Mukulu wa bena Izrayele, kakuena Mvidi Mukulu mukuabu bu wewe, nansha mu diulu nansha pa buloba. Wewe udi ukumbaja ndondu uuvua mutue ne bena mudimu bebe. Wewe udi anu mubanange ne muoyi umue, padibu bakuitaba ne muoyi wabu mujima.

1 Kulondolola 17:21

Kakuena tshisamba tshikuabu pa buloba tshidi tshifuanangane ne tshia bena Izrayele. Wewe uvua mufike bua kupikula amu bena Izrayele ku bupika bua bena Ejipitu, bua kubenza tshisamba tshiebe wewe. Bena Izrayele badi bakutumbisha bua malu a dikema avua akuatshisha buowa, auvua muenze pauvua muipate bukua matunga kumpala kua tshisamba tshiebe.

Ezela 1:2

“Koreshe, mukalenga munene wa bena Persa, udi wamba ne: Maweja-Nangila Mvidi Mukulu wa mu diulu, mmumpeshe makalenga onsu a pa buloba. Mmungambile bua kuibakulula nzubu wa Mvidi Mukulu mu Yerushalayime, mu ditunga dia bena Yuda.

Nehemya 2:4

Mukalenga kunkonka kabidi ne: — Udi musue nkuenzele tshinyi? Diakamue meme kutendelela Maweja-Nangila wa mu diulu.

Nehemya 4:14

Kadi muaba onsu unudi nuenza mudimu, panudi numvua mpungi, nudisangishe bonsu, nufike muaba undi. Nanku, Mvidi Mukulu wetu atuluile mvita!

Nehemya 4:8

Meme mumane kumona muaba uvua bena mvita betu basokome, meme kuambila bakulu ba ditunga, balombodi, ne bantu bonsu bavua muaba awu, ne: — Kanutshinyi baluishi betu to! Nudi bamanye bukole bua Maweja-Nangila utudi tutshina. Nuluangane bua kupandisha bena tshisamba tshienu, bana benu ba balume, bana benu ba bakaji, bakaji benu, ne nzubu yenu.

Nehemya 9:32

Wewe, Mvidi Mukulu wetu, udi munene, wa bukole buonsu ne wa kutshina. Udi ulama bimpe ndondu iuvua mutue netu. Vuluka dikenga divua dikuate bantu bebe, dikuate bakalenga betu, ne bamfumu betu, batuangaji betu, ne bambi betu, bankambua betu, ne tuetu mene, biangatshile tshikondu tshia bakalenga ba bena Ashure, too ne mpindiewu.

Misambu 47:2

Bisamba bionsu, tutayi nkashi. Nutumbishe Mvidi Mukulu ne mbila ya disanka.

Misambu 76:8

Bu muudi wa kutshina, nnganyi udi mua kuimana kumpala kuebe paudi ne tshiji?

Misambu 89:2

Maweja-Nangila, nengimbe bulenga buebe matuku onsu, nemmanyishe bantu bulelela buebe mu bikondu bionsu.

Misambu 89:3

Ndi ngamba ne: Malu ebe mempe mmashindame kashidi, bulelela buebe mbujalame mu diulu.

Misambu 89:8

Mvidi Mukulu, badi bakutshina mu tshipangu, tshia batumibue ba Mvidi Mukulu, badi bapita kukutshina kudi badi bannyungulukila.

Ekesode 20:6

Kadi bantu badi bannange, batumikile mikenji yanyi, nembanange, mbenzele bimpe too ne ku ndelanganyi tshinunu.

Dielulula 7:12

Nuenu bateleje mikenji eyi, bayikumbaje, Maweja-Nangila Mvidi Mukulu wenu, nealame ndondu uvuaye mutue ne bankambua benu, bua nuenu kuikala bena diakalenga.

Dielulula 7:21

Kanutshinyi bisamba ebi to. Maweja-Nangila Mvidi Mukulu wenu udi nenu. Kakuena muntu udi mua kuambangana nende to.

Dielulula 7:9

Nuenu bena Izrayele, numanye ne: Maweja-Nangila Mvidi Mukulu wenu nkayende ke Mvidi Mukulu wa bushiwa. Yeye udi ulama ndondu wende too ne ku ndelanganyi tshinunu. Udi unanga amu kunanga bantu bonsu badi bamunanga, bamutumikila.