Misambu 3:3 - MUKANDA WA MYIDI MUKULU

³ Bantu ba bungi badi bangamba ne: “Mvidi Mukulu kena mua kumuambuluisha nansha kakese!”

Mukanda wa Nzambi Dihungila Dikulukulu ne Dihungila Dihia-dihia 2003

³ Kadi wewe, Yehowa, udi ngabu udi undama nseke yonso, wewe mbutumbi buanyi ne mujudi wa mutu wanyi.

Misambu 3:3 Marejeleo ya Msalaba

Genese 15:1

Malu onsu mamane kupita, Maweja-Nangila kumuenekela Abrame, umuambila ne: — Abrame, kutshinyi to! Ndi nebe, nenkulame ku njiwu yonsu, kabidi difutu diebe nedikale dinene.

Genese 40:13

Papita matuku asatu, mukalenga neakufuile luse, neakuenzele bimpe bipite. Neampingaje ku mudimu webe. Neumupe maluvu bu muuvua wenza kale.

2 Bakalenga 18:30

Udi unuambila ne: mbimpe kudifila anu kudi Maweja-Nangila. Yeye neatusungidile bulelela. Kabidi yeye neakandike mukalenga wa bena Ashure bua kakuatshi tshimenga atshi! Kanuitabi bionsu abi to.

2 Bakalenga 18:32

Pashishe, nemfike bua kunuangata, kuya nenu mu ditunga didi bu mudi dienu edi, ditunga didi ne ntete ya kuenza bukula bua mampa mipite bungi. Didi kabidi ne mionji ya maluvu a mvinyo, mitshi ya olive ya kuenza mafuta, kabidi ne buitshi. Nanku, pa mutu pa nuenu kufua muaba ewu, nuenu baye kuaka, nenuikale ne muoyi. Kanuteleji tshidi Izkiya unuambila to. Bualu udi unushima, padiye unuambila ne: Maweja-Nangila neatusungidile.

2 Bakalenga 25:27

Yowakine, mukalenga wa bena Yuda, mumane kulala mu bupika bidimu makumi asatu ne muanda mutekete, Evile-Merodake, kudia bukalenga mu Babilone. Mu matuku makumi abidi ne muanda mukulu a ngondu wa dikumi ne muibidi, tshidimu atshi, Evile-Merodake kufuila Yowakine luse, kumupatula mu nzubu wa lukanu.

Misambu 110:7

Mukalenge neanue mayi, ku musulu udi mu njila, ke padiye mujula mutu.

Misambu 119:114

Wewe ke ngabu wanyi udi undama; ndi mutekemene diyi diwamba.

Misambu 18:2

Maweja-Nangila, ndi mukunange, Wewe udi bukole buanyi.

Misambu 27:6

Diakamue nkadi mpetula baluishi badi bangela munkatshi. Nendambule Maweja-Nangila milambu, mmuela tunkunduluila, mmuimbila misambu.

Misambu 28:7

Maweja-Nangila udi undama, udi ngabu wanyi. Ndi mmutekemena muanyi muonsu. Bu nuwuaye mungambuluishe, ndi nsanka, ntshionkomoka, ndi musue kumuimbila misambu, kumutumbisha.

Misambu 4:3

Nuenu aba nenunyange lumu luanyi too ne ku diba kaayi? Nudi nunanga kunshiminyina malu patupu. Nudi nukeba kunjana bua tshinyi?

Misambu 62:7

Yeye nkayende ke lubuebue luanyi, muaba mukole undi mua kusokomena. Tshiena ntshina tshintu to.

Misambu 84:11

Bualu kusomba dituku dimue mu lubanza lua nzubu webe wa kutendelela, nkupite kusomba matuku tshinunu munga muaba. Mvidi Mukulu wanyi, kuimana kumbelu kua nzubu webe, nkupite kusomba mu ntenta ya bantu babi.

Yeshaya 45:25

Kadi nengambuluishe ndelanganyi yonsu ya Izrayele, bua bapete tshidibu ne bua kupeta. Nanku nebantumbishe.

Yeshaya 60:19

Bua wewe kuikala ne butoke, kuakukengela kabidi diba mu munya, nansha ngondu butuku. Bualu meme Maweja-Nangila Mvidi Mukulu webe, nentekeshe muebe matuku onsu, nenkukenkeshe ne butoke buanyi buonsu.

Luke 2:32

Ke butoke budi bumanyisha bisamba bionsu muudi, bupetesha bena Izrayele, bantu bebe, lumu.

Dielulula 33:29

“Nuenu bena Izrayele, nudi bena diakalenga, bualu Maweja-Nangila mmunupandishe amu nuenu nkayenu! Maweja-Nangila udi ngabu wenu, unulama. Udi muele wa mvita, unuambuluisha bua kutshimuna. Baluishi benu nebanulombe luse, nenudiate ditambisha diabu mu makasa.”

Didimanyisha 21:11

Tshimenga tshivua tshiwule ne butumbi bua Mvidi Mukulu, tshibalakana bu dibue dia mushinga mukole, bu dibue dia yaspise, dimueneka munda ne panyima bu lusoka lua kristale.

Didimanyisha 21:23

Tshimenga katshiena tshikengela butoke bua diba, nansha bua ngondu, bualu butumbi bua Mvidi Mukulu budi butshitokesha; kabidi Muana wa mukoku ke muendu watshi.