Luke 22:15 - MUKANDA WA MYIDI MUKULU

¹⁵ Kubambilaye ne: — Mvuamujinge bikole kudia nenu didia edi dia tshibilu tshia Dipita dia Maweja-Nangila, tshiyi muanji kukenga.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Wakabambila ne, Nakutamba kusua bua kudia nʼenu bidia ebi bia Kuhita kua Yehowa, diambedi tshi muanze kukenga;

Luke 22:15 Marejeleo ya Msalaba

Luke 12:50

Badi ne bua kuntua mu mayi. Nenkenge bikole, too ne ku diba diakumbana bualu ebu.

Luke 22:14

Diba dia didia dikumbana, Yezu kusomba ku mesa ne balongi bende.

Luke 22:16

Bualu ndi nnujadikila ne: tshiakudia kabidi didia edi, too ne pakumbanadi menemene mu Bukalenga bua Mvidi Mukulu.

Yowanane 13:1

Dituku dimue kumpala kua tshibilu tshia Dipita dia Maweja-Nangila, Yezu mumanye muvua diba dimane kufika dia kumuka panu bua kupingana kua Tatu, bu muvuaye munange bantu bende ba pa buloba matuku onsu, kubanangaye too ne ku ndekelu.

Yowanane 17:1

Yezu mumane kuakula nanku, kutangilaye mulu, wamba ne: — Tatu, diba ndimane kufika. Leja butumbi bua Muanebe, bua Muana aleje kabidi butumbi buebe.

Yowanane 4:34

Yezu kubambila ne: — Tshianyi tshiakudia nkukumbaja dijinga dia uvua muntume, kabidi nkujikija mudimu uvuaye mumfundile bua kuenza.