Lewitiki 8:3 - MUKANDA WA MYIDI MUKULU

³ Pashishe ukunguje bantu bonsu ba bena Izrayele muaba ewu.

Mukanda wa Nzambi Dihungila Dikulukulu ne Dihungila Dihia-dihia 2003

³ ubikile bantu bonso ku mbelu kua ntenta wa kusangakena.

Lewitiki 8:3 Marejeleo ya Msalaba

1 Kulondolola 13:5

Davide kubikidisha bena Izrayele bonsu, biangatshile ku bavua basomba kuinshi mu ditunga ku mikalu ne bena Ejipitu, too ne ba ku mutu mu ditunga, ku tshimenga tshia Lebo-Amate. Uvua mubabikile bonsu bua kuya kuangata mushete wa tshijila mu tshimenga tshia Kiriyate-Yeyarime.

1 Kulondolola 15:3

Davide kusangisha bena Izrayele bonsu mu Yerushalayime, bua kuangata mushete, kuuteka muaba uvuabu bakongoluele.

2 Kulondolola 30:13

Ngondu muibidi, musumba wa bantu kudisangisha mu Yerushalayime, bua kuenza tshibilu tshia Mampa kaayi mela buanga. Bantu abu bavua bapite bungi.

2 Kulondolola 30:25

Bantu bonsu ba-vua ne disanka: bena Yuda, batuangaji ne bena Levi, kabidi bantu bonsu bavua bafume ku bukalenga bua ku mutu wa ditunga, nansha bavua bamane kusomba mu bena Yuda kuonsu eku, nansha bavua bafika anu bua tshibilu.

2 Kulondolola 5:2

Diba adi, mukalenga Shelomu kubikidisha bakulu ba bena Izrayele, bamfumu ba bisamba ne bamienampala ba meku a kale onsu. Kufikabu mu Yerushalayime bua kuambula mushete wa ndondu wa Maweja-Nangila, uvua mu Tshimenga tshia Davide, tshivuabu binyike kabidi ne: Siyone, bua kuya kuuteka mu nzubu wa Mvidi Mukulu.

2 Kulondolola 5:6

Mukalenga Shelomu, ne bena Izrayele bonsu bavua badisangisha nende muaba uvua mushete, kulambulabu milambu ya bungi, ya mikoku ne ya ngombe. Kabavua ne mushindu wa kubala bungi buayi to.

Nehemya 8:1

Dituku dia kumpala dia ngondu, kusangilabu bonsu mu Yerushalayime, pa muaba udi kumpala kua tshiibi tshia Mayi. Kulombabu mutuangaji Ezra, mumanyi mupiluke wa mikenji, bua kufika kumpala kuabu ne mukanda wa mikenji, ivua Maweja-Nangila mutumine bena Izrayele kudi Moshe. Ezra kuya ne mukanda awu, muaba uvua bena Izrayele basangile, balume, bakaji, ne bana bavua batantamane.

Misambu 22:25

Bualu kavua mupepeje nansha mupetule bapela, kavua mubele nyima! Kadi uvua muteleje lubila luabu!”

Lewitiki 14:11

Mutuangaji imanyike muena nsudi awu ne bintu biende bionsu kumpala kua Maweja-Nangila, mu mushiku wa ntenta wa kusambakena.

Lewitiki 8:2

— Ubikidishe Arone ne bana bende ba balume ku mushiku wa ntenta wa kusambakena. Ulombeshe bilamba biabu bia tshijila, ne mafuta a kubalaba. Batuale kabidi ngombe mulume wa kubakobolola nende, mikoku ibidi ya bimpanga, ne tshisaka tshia mampa kaayi mela buanga.

Lewitiki 8:4

Moshe kuenza bionsu bivua Maweja-Nangila mumuambile. Bantu bonsu kutuilangana ku mushiku wa ntenta wa kusambakena.

Dibadika 20:8

— Angata dikombu diebe. Pashishe, wewe ne Arone, nubikile bena Izrayele bonsu. Nutumine lubuebue alu diyi, bena Izrayele bonsu batangile. Nanku nelupatule mayi. Ke muudi mua kupatula mayi mu lubuebue, bua kunuisha bantu bonsu ne bimuna biabu.

Dibadika 21:16

Bena Izrayele bumuke muaba awu, kufika muaba uvuabu babikila ne: Tshiina tshia mayi. Ke Maweja-Nangila kuambila Moshe ne: — Ubikile bena Izrayele bonsu, bua mbapeshe mayi a kunua.

Dibadika 8:9

Usangishe bena Izrayele bonsu, wimanyike bena Levi kumpala kuanyi, pabuipi ne ntenta wa kusambakena. Bena Izrayele nebabatenteke bianza.

Bienzedi 2:1

Dituku dia Pentekostese bena ditaba bonsu bavua basangile muaba umue.