Lewitiki 1:10 - MUKANDA WA MYIDI MUKULU

¹⁰ “Padi muena Izrayele ulambula mbuji nansha mukoku bu mulambu wa kuosha, asungule anu mukoku wa tshimpanga, nansha mbuji wa mpumbu udi kayi bulema.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bikala mulambu wandi wa kuosha muana wa mukoko anyi muana wa mbushi, yeye neafile mulume udi kayi ne tshilema.

Lewitiki 1:10 Marejeleo ya Msalaba

Genese 4:4

Ebele pende kumulambula banabute ba mikoku mimpe ya mafuta. Maweja-Nangila kuanyisha milambu ya Ebele,

Genese 8:20

Nowa kuashila Maweja-Nangila tshilambuilu. Kuangataye nyama umue ne nyunyi umue wa ku tshisumbu tshionsu tshia nyama idi kayiyi ne mikiya, kuyilambula Maweja-Nangila pa tshilambuilu bu milambu ya kuosha.

Ekesode 12:5

Muana wa mukoku nansha muana wa mbuji awu ikale wa tshidimu tshimue, kayi ne tshilema pambidi, kabidi anu mulume wa nyama.

Yezekiyele 43:22

Dinda, wangate mbuji wa mpumbu udi kayi ne bulema pambidi. Umulambule kabidi bu mulambu wa kukobolola nawu bantu. Neumushe mikiya idi ku tshilambuilu, bu muuvua muenze ne mulume a ngombe.

Lewitiki 14:10

“Dituku dia muanda mukulu, muena nsudi awu, afile bana ba mikoku babidi badi kabayi ne bulema, ne lukungulu lua mukoku lua tshidimu tshimue kaluyi bulema. Afile kabidi kilo tshitema ya bukula bua mulambu busambakaja ne mafuta, ne tshitupa tshia litre tshia makuabu mafuta.

Lewitiki 16:3

“Nenku bua kubuelaye muaba awu, ikale ne ngombe mulume bua mulambu wa kudikobolola nawu kudi Mvidi Mukulu, kabidi ne mukoku wa tshimpanga bua mulambu wa kuosha.

Lewitiki 16:5

Bena Izrayele nebamupe mbuji ibidi ya mpumbu ya mulambu wa kukobolola nawu bantu, ne mukoku wa tshimpanga umue bua mulambu wa kuosha.

Lewitiki 22:19

padiye musue kupeta diakalenga kundi, andambule anu ngombe mulume, nansha mukoku wa tshimpanga, nansha mbuji wa mpumbu, kadi amu nyama udi kayi bulema.

Lewitiki 23:12

Anu dituku adi, nenundambule kabidi mulambu wa kuosha wa muana wa mukoku wa tshidimu tshimue, udi kauyi ne bulema.

Lewitiki 3:1

“Padi muena Izrayele ulambula ngombe bu mulambu wa bobumue, ngombe awu ikale mulume nansha mukaji, kayi bulema. Aye nende muaba wa tshijila,

Lewitiki 4:23

Padiye umanya bualu bubi buvuaye muenze abu, adikobolole, alambule Maweja-Nangila mbuji wa mpumbu udi kayi bulema.

Lewitiki 4:3

“Padi mutuangaji munene muenze bualu bubi, budi butampakena bena Izrayele bonsu, udi ne bua kudikobolola. Alambule Maweja-Nangila ngombe mulume, udi kayi ne bulema, bua Maweja-Nangila amufuile luse.

Lewitiki 5:15

“Padi muntu kampande muenze bualu bubi mu mpukapuka, mupue muoyi bua kulambula milambu ya tshijila idibu balambula Maweja-Nangila, muntu awu, bua kudikobolola udi ne bua kulambula Maweja-Nangila mukoku wa tshimpanga kauyi ne bulema. Ke mulambu wa dinua tshibalu. Mukoku awu wikale wa mushinga mukumbane wa nkanu ya tshiamu tshitoke, bilondeshile tshipimu tshia nkanu tshidibu natshi muaba wa tshijila, bualu mulambu ewu ngua dinua tshibalu.

Lewitiki 9:2

Kuambilaye Arone ne: — Angata muana wa ngombe mulume udi kayi ne bulema, umulambule Maweja-Nangila bu mulambu wa kukobolola nawu bantu. Wangate kabidi mukoku wa tshimpanga udi kauyi ne bulema, uulambule Maweja-Nangila bu mulambu wa kuosha. Wimane nabi kumpala kua Maweja-Nangila.

Malaki 1:14

Muntu udi ne nyama mimpe mu bimuna biende, undaya nyama muimpe, kadi undinga, undambula nyama udi ne tshilema, mmuena diakabi. Bualu meme ndi mukalenga munene udi bisamba bionsu bitshina. Meme Maweja-Nangila wa bukole buonsu udi njadika nanku.

Dibadika 15:5

Kadi ku muana wa mukoku yonsu, wa mulambu wa kuosha nansha wa bobumue, asakidile kabidi litre umue ne tshitupa wa maluvu a mvinyo.

Dibadika 19:2

— Nuambile bena Izrayele ne: nututuadile ngombe mukunze, udi kayi ne bulema, kabidi udibu kabayi banji kuenza nende mudimu.

Dibadika 6:14

Afile bimuna bisatu, kabiyi ne tshilema pambidi, bua kubilambula Maweja-Nangila: muana wa mukoku wa tshidimu tshimue bua mulambu wa kuosha, lukungulu lua mukoku lua tshidimu tshimue bua mulambu wa kudikobolola nawu, ne mukoku wa tshimpanga wa mulambu wa bobumue.

Yowanane 1:29

Butshia, Yowanane kumona Yezu ufika kudiye. Kuambilaye bantu ne: — Tangilayi Muana wa mukoku wa Mvidi Mukulu udi umbusha bubi bua bantu.

1 Petro 1:19

Kadi bavua banupikule ku mulambu wa mushinga mukole wa Kristu, uvua bu muana wa mukoku, kayi kalema, kayi katoba.