Genese 9:5 - MUKANDA WA MYIDI MUKULU

⁵ Bu mudi muoyi wa tshintu muikale mu mashi, ndi nnukandika bua kanushipi muntu nenu, tshianana meme nennushipeshe panyi. Pashishe nyama kayena mua kushipa muntu to, tshianana meme nenyishipeshe kabidi.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Numanye kabidi ne, Nendombe bulami bua mashi enu, nembulombe kudi nyama yonso ne kudi muntu yonso, nendombe bulami bua muoyo wa muntu hankatshi ha muntu ne muntu

Genese 9:5 Marejeleo ya Msalaba

Genese 42:22

Rubene kubavuluija ne: — Mvua munuambile ne: kanuenzedi muana ewu bibi to. Nuenu kubenga kunteleja. Mpindiewu bakadi batusombuela, bua lufu luende.

2 Samuele 4:11

Kadi nuenu bantu bena buenzayi, badi bashipa muntu kayi ne bualu, muikale mu nzubu wende, mulale pa bulalu buende, meme ndi mua kunuenzela tshinyi? Ndi nnunyoka bua dishipangana dienu. Ndi nnumusha pa buloba kashidi.

1 Bakalenga 2:6

Nanku udimuke. Kuanyishi bua Yowabe akulakaje mu ditalala to. Umushipe.

2 Bakalenga 11:1

Ataliya, mamuende wa mukalenga Akaziya, kupeta lumu lua lufu lua muanende. Nanku, kuelaye meji a kushipa ndelanganyi yonsu ya mu diku dia bukalenga.

2 Kulondolola 24:22

Mukalenga Yowashe kupua muoyi malu mimpe onsu avuabu bamuenzele kudi Yoyada, tatuende wa Zekarya. Kushipeshaye Zekarya. Bangabanga ne Zekarya kukula muoyi, kuelaye mbila ne: — Maweja-Nangila atangile bidi bienzeka, akunyoke!

2 Kulondolola 33:24

Balombodi ba mvita ba mukalenga Amone kumuelela tshifufu tshibi, kumushipelabu mu nzubu wende wa bukalenga.

2 Kulondolola 33:25

Kadi bana babu bena Yuda kushipabu bantu bavua belela mukalenga Amone tshifufu tshibi abu. Kusungulabu muanende wa balume Yoshiya bua kupingana tatuende Amone mu bukalenga.

Misambu 9:12

Tumbishayi Maweja-Nangila ne misambu. Nkuasa wende udi pa mukuna wa Siyone. Numanyishe bukua bisamba bidiye muenze.

Ekesode 20:13

“Kushipi muntu.

Ekesode 21:12

“Muntu udi ushipa mukuabu ku mituutu, nebamushipe pende ku mituutu.

Lewitiki 19:16

Kanujanyi bena diku dienu to. Kanufundi mukuenu ku tshilumbu tshidibu mua kumufundila tshibawu tshia lufu to. Bualu Meme ndi Maweja-Nangila.

Lewitiki 24:17

“Padi muntu ushipa mukuende, bamushipe pende.

Lewitiki 24:21

“Muntu udi ushipa tshimuna tshia bende, apingaje tshimuna tshikuabu. Muntu udi ushipa mukuende, bamushipe pende.

Dibadika 35:16

“Pikalabu bashipe muntu ne tshiamu, nansha ne dibue nansha ne mutshi bidi mua kushipa muntu, mushipianganyi awu mmuena tshibawu. Nebamushipe pende.

Dibadika 35:21

nansha mumushipe ku mituutu, mushipianganyi awu mmuena tshibawu. Pamupetabu kudi musombuedianganyi, neamushipe pende.

Matayi 23:35

Nanku nenupie tshibawu tshia bantu bonsu ba pa buloba, bavuabu bashipe kapayi bualu, bituadije ku Abele, muntu muimpe uvua muitabe Mvidi Mukulu, too ne ku Zekarya, muana wa Barakiya, unuvua bashipele pankatshi pa muaba wa tshijila ne tshilambuilu.

Bienzedi 17:26

Udi mufuke bisamba bionsu, bifumine kudi muntu umue, mubitangalaje pa buloba bujima. Kufundilaye tshisamba tshionsu tshikondu tshia kusomba panu, ne mikalu ya miaba idi tshi mua kuasa.

Dielulula 19:11

Kadi pikala muntu mukine muanabu, kubutamaye mua kumukuata, kumushipa, pashishe kunyemenaye mu tshimue tshia ku bimenga ebi bisatu,

Dielulula 19:12

bakulu ba mu tshimenga tshiende, nebafume bantu bua kumukuata, kumufikisha kudi musombuedi bua amushipe.

Balombodi 9:56

Ke muvua Mvidi Mukulu mufute Abimeleke, bua bubi buvuaye muenzele tatuende, mushipe bana babu ba balume makumi muanda mutekete.