Genese 6:11 - MUKANDA WA MYIDI MUKULU

¹¹ Mvidi Mukulu uvua mumone buenzayi bua bantu pa buloba bujima.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bantu bakadi babi ku mesu kua Nzambi ne buloba buakadi bûle tente ne malu mabi.

Genese 6:11 Marejeleo ya Msalaba

Genese 10:9

Uvua kabidi tshilembi tshia bushuwa, muikale ne bukole bua kudi Maweja-Nangila. Biakashala bu makumbu ne: “Maweja-Nangila akuambuluishe bua wikale tshilembi bu Nimrode.”

Genese 13:13

Kadi bena Sodome bavua bena buenzayi, babenga meyi a Maweja-Nangila.

Genese 6:10

Nowa uvua ne bana ba balume basatu: Sheme, Kame ne Yefete.

Genese 7:1

Maweja-Nangila kuambila Nowa ne: “Buela mu buatu ne diku diebe dionsu, bualu anu wewe ke muntu muakane munkatshi mua bantu ba tshikondu etshi.

2 Kulondolola 34:27

Uvua muteleje bimpe tshindi muambe bua Yerushalayime ne bua bantu bonsu badimu. Wewe uvua unyingalala, uvuluka bubi buebe kumpala kuanyi, upanda bilamba biebe, udila muadi. Nanku, ndi nkujadikila ne: ndi mumvue dilomba diebe.

Misambu 11:5

Udi mumanye bantu, ne badi bamulamata, ne badi bamubenga. Udi ukina muende muonsu badi bajula tshinyangu.

Misambu 140:11

Makala a kapia abaponene pambidi. Mvidi Mukulu abashidishe mu kapia, kabamonyi mua kupatukamu!

Misambu 55:9

muaba udi tshipepele ne mvunde kabiyi mua kungenzela bibi.”

Ekesode 32:7

Maweja-Nangila kuambila Moshe ne: — Tuluka lukasa, bualu bantu bauvua mupatule mu Ejipitu mbenze bualu bubi bupite.

Yeshaya 60:18

Mu ditunga diebe, kabakumvua kabidi mutoyi wa mvita to. Munda mua ditunga diebe kamuena kabidi kabutu nansha tshinyangu. Kadi newinyike bimana biebe dina ne: “Lupandu”, ne biibi biebe ne: “Lumu lua Mvidi Mukulu”.

Yirmeya 6:7

Badi baleja lonji luabu kabayi bashikila, mudi mpokolu usukumuka mayi. Mu tshimenga atshi, badi bakula anu bua kushipangana ne bua kukengeshangana. Ndi mumone amu makenga ne mputa.

Yezekiyele 28:16

Utua musumbe bintu bitule, ubisumbisha. Ke tshitua tshikufikisha ku tshinyangu ne ku buenzavi. Ke pandi nkuipata pa mukuna wanyi, nkupingaja muaba wa bantu bakuabu bonsu. Mukerubine utua mukulame, wakuipatshi mutantshi mule ne mabue atua akenka.

Yezekiyele 8:17

Mvidi Mukulu kunkonka ne: — Yezekiyele, udi mumone bionsu ebi anyi? Kadi bena Yuda kabena benza bibi bindi mubenge amu muaba ewu to. Badi bakengesha bantu nabu mu ditunga dijima. Tangila mudibu bampenda muabu muonsu. Badi badiela tshisosa nkayabu mu diulu.

Abakuke 1:2

Maweja-Nangila, matuku bungiwu andi nkubikila, Wewe nansha kunteleja! Ndi nkumanyisha tshinyangu tshitudi natshi, kadi Wewe nansha kutusungidila!

Abakuke 2:17

Nebanutape, munuvua penu batape mitshi ya mu metu a mu Lebanone. Nuvua bashipe nyama ya mu metu awu. Nanku nyama neyinukuatshishe bowa. Bionsu abi nebinuenzekele, bua mashi a bantu anuvua bele panshi, bua tshinyangu tshinuvua banyange bimenga ne matunga abu natshi.

Abakuke 2:8

Nuvua bibe bintu mu matunga mavule. Nanku bisamba bikuabu bionsu bia pa buloba nebibe bienu. Nebanunyoke, bualu nuvua bele mashi a bantu panshi, nuvua banyangakaje bimenga ne matunga.

Luke 1:6

Bonsu babidi bavua bakumbaja bivua Mvidi Mukulu musue, batumikila bimpe menemene mikenji yonsu ne meyi onsu bia Maweja-Nangila.

Rome 2:13

Bualu bantu badi basankisha Mvidi Mukulu ki mbadi bateleja mikenji patupu, kadi amu badi batumikila bidiyi ibafundila.

Rome 3:19

Tudi bamanye ne: bionsu bidi mikenji itela, idi ibiambila bantu badi ku bumfumu bua mikenji, bua bantu kabapetshi mushindu wa kudibingisha, kabidi bua bantu bonsu ba pa buloba bamueneke ne tshilumbu ku mesu kua Mvidi Mukulu.

Dielulula 31:29

Ndi mumanye ne: pambafua, bena Izrayele nebenze bibi, nebabenge bionsu bimvua mubambile. Nanku nebikale bena diakabi, bualu bavua benza muabu muonsu bua kutombokela Maweja-Nangila, kumufikisha munda.

Balombodi 2:19

Kadi pavua mulombodi awu ufua, bena Izrayele bavua babenga tshiakabidi Maweja-Nangila, bipite too ne pa bankambua babu. Bavua anu batendelela mvidie ya bantu benyi, badiela panshi kumpala kuayi bua kuyitendelela. Kabavua balekela buenzayi buabu, nansha tshitunu tshiyuabu natshi.