Genese 49:3 - MUKANDA WA MYIDI MUKULU

³ Wewe Rubene, udi muananyi, muanabute, udi mashi anyi a kumpala. Udi muana undi mulele, pantshivua ne dikanda dionsu. Lumu luebe ne bukole buebe, nebipite bia bana benu bonsu.

Mukanda wa Nzambi Dihungila Dikulukulu ne Dihungila Dihia-dihia 2003

³ Lubena, wewe udi muanʼa bute wanyi, ntshibangidilu tshia bukole buanyi, udi wa kumudilu wa kanemu, ne wa kumudilu wa bukokeshi.

Genese 49:3 Marejeleo ya Msalaba

Genese 29:32

Leya kuimita difu, kulela muana wa balume. Kuinyikaye muana awu ne: Rubene. Kuambaye ne: — Maweja-Nangila uvua mumone dikenga dianyi Mpindiewu bayanyi neanange.

Genese 35:22

Pavua Yakobe musombe muaba awu, Rubene kubuelela Bila, mukaji mupika wa tatuende, mu nzubu. Yakobe kumanya bualu abu, kunyingalala bikole. Bana ba balume bonsu ba Yakobe bavua dikumi ne babidi.

Genese 35:23

Leya uvua ne bana ba balume basambombu: Rubene, ke muanabute, bamulonda kudi Shimeyone, Levi, Yuda, Isakare ne Zebulone.

Genese 46:8

Bana ba Yakobe, bavuaye mufike nabu mu Ejipitu, ne bikulu bende, bavua nunku: Rubene, muanende muanabute,

Genese 48:18

Yozefe kuambila tatuende ne: — Tatu, lekela kuenza nanku. Teka tshianza tshia balume amu pa mutu pa Menashe muanabute.

1 Kulondolola 2:1

Bana ba balume ba Yakobe (udibu babikila kabidi ne: Izrayele) badi nenku: Rubene, Shimeyone, Levi, Yuda, Isakare, Zebulone,

1 Kulondolola 5:1

Rubene uvua muanabute wa Yakobe. Kadi uvua mupange bia bukulu, bualu uvua mubuelele mukaji mukuabu wa tatuende mu nzubu. Ke Yozefe kupeta mianzu ya bukulu ivua ya Rubene. Yozefe uvua kabidi muana wa Yakobe. Kabatshiwa batangile Rubene bu muanabute kabidi to. Yuda uvua ne bukole bua bungi, mupite bana babu bonsu. Mfumu wa bena Izrayele neapatuke ku ndelanganyi yende, Kadi nansha bikale nanku, amu Yozefe ke wakapeta bia bu muanabute. Bana ba balume ba Rubene, muanabute wa Yakobe, badi nenku: Anoke, Palu, Esrone ne Karmi.

Misambu 105:36

Ku ndekelu, Mvidi Mukulu kushipa banabute bonsu, ba mu meku a bena Ejipitu, bana ba mbediambedi bavuabu balele, bavuabu balele patshivuabu ne bukole.

Misambu 78:51

mu meku a bena Ejipitu, mu ndelanganyi ya bana ba Kame, kubutulaye ba muana buta, bana bavuabu balela kumpala patshivuabu ne bukole.

Yezekiyele 48:6

Bua bena Rubene nebutuangane ne bua bena Efrayime.

Dibadika 1:20

Moshe ne Arone pamue ne bamfumu dikumi ne babidi ba meku, mfumu umue ku tshisamba umue ku tshisamba, ke bavua babadike bantu balume bonsu, bavua ne bidimu makumi abidi ne pa mutu, bikale ne bukole bua kuenza mudimu mu bisumbu bishilangane bia tshiluilu tshia Izrayele. Kufundabu mena abu, bituadije ku tshisamba tshia Rubene, muanabute wa Yakobe too ne ku meku onsu a bena Izrayele. Bantu bonsu bavua bungi nunku: Tshisamba tshia Rubene: 46.500 Tshisamba tshia Shimeyone: 59.300 Tshisamba tshia Ngade: 45.650 Tshisamba tshia Yuda: 74.600 Tshisamba tshia Isakare: 54.400 Tshisamba tshia Zebulone: 57.400 Tshisamba tshia Efrayime, muana wa Yozefe: 40.500 Tshisamba tshia Menashe, muana wa Yozefe: 32.200 Tshisamba tshia Binyamine: 35.400 Tshisamba tshia Dane: 62.700 Tshisamba tshia Ashere: 41.500 Tshisamba tshia Naftali: 53.400 Bonsu pamue: 603.550.

Dibadika 26:5

Tshisamba tshia Rubene, muanabute wa Yakobe, tshivua ne meku aa, avua afumina ku bana bende: diku dia bena Anoke, ndelanganyi ya Anoke; diku dia bena Palu, ndelanganyi ya Palu;

Dielulula 21:17

Nanku bua kuleja ne muana wa mukaji udiye kayi mupite kunanga ke muanabute, amupeshe bintu misangu ibidi, bualu mmuanende wa kumpala udi ne bua kuangata bumpianyi bua bumuanabute.

Dielulula 27:13

Kadi bena tshisamba tshia Rubene, tshia Ngade, tshia Ashere, tshia Zebulone, tshia Dane, ne tshia Naftali, bimanyine pa mukuna wa Ebale, bua kutshipa bantu.

Dielulula 33:6

Moshe kubela lupemba wamba ne: “Tshisamba tshia bena Rubene tshishale ne muoyi! Nansha tshiotshi ne bantu bakese, katshijiminyi kashidi tshiendelele.”

Didimanyisha 3:14

— Fundila mutumibue wa Tshisumbu tshia bena ditaba ba mu Lawodikiya ne: “Amene, mujadiki wa malu malelela ne wa diyi dimue, mfuki wa bionsu bivua Mvidi Mukulu mufuke, udi wamba ne: