Genese 48:21 - MUKANDA WA MYIDI MUKULU

²¹ Pashishe Yakobe kulaya Yozefe, umuambila ne: — Nkadi mikolu ku tshiina. Kadi Mvidi Mukulu neanulame, anupingaje mu ditunga dia bankambua benu.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Isalele wakambila Yosefe ne, Nfuafua, kadi Nzambi neikale nʼenu neanuhingashe mu buloba bua batatuʼetu.

Genese 48:21 Marejeleo ya Msalaba

Genese 12:5

Kuyaye ne mukajende Sarayi, ne Lote muana wa muanabu, kabidi ne bapika bavuaye musumbe mu Arane ne bintu bionsu. Kuyabu mu ditunga dia Kenaane. Bobu bamane kufika mu ditunga dia Kenaane,

Genese 15:14

Kadi, meme nennyoke tshisamba tshikale tshiyikuata ku bupika atshi. Ndelanganyi yebe neyipatuke mu bupika ne biuma bia bungi.

Genese 15:16

Amu tunkanunuina tuebe tua tshikondu tshinayi netupingane mu ditunga edi kashidi. Bualu nengipate bena Amore anu pambamona ne bubi buabu budi bukengela dinyoka.

Genese 26:3

Pawasomba mu ditunga edi, meme nengikale nebe, nkuela lupemba. Ditunga dijima edi nedishale diebe ne dia ndelanganyi yebe. Ke mundi nkumbaja bionsu bimvua mulaye tatuebe Abrahame.

Genese 28:15

Ndi nebe. Nenkulame muaba onsu uudi uya. Nenkupingaje kabidi mu ditunga edi. Nenkumbaje malu onsu andi mukulaye. Tshiena nkulekela to.

Genese 37:1

Yakobe uvua muye kusomba mu ditunga dia Kenaane, muaba uvua tatuende Izake musombe ku kale.

Genese 46:4

Meme nenye nebe mu Ejipitu. Nempatule ndelanganyi yebe mu ditunga adi. Paudi ufua, Yozefe neakujike.

Genese 47:29

Yakobe umvua ne: diba dia lufu diakumbanyi, kubikilaye muanende Yozefe, umuambila ne: — Pawikala munnange, kunjiki mu Ejipitu nansha. Kuata muinshi mua tshibelu tshianyi, uditshipe bua kundeja muudi munnange ne mundamate.

Genese 50:24

Yozefe kulayangana ne bana abu, ubambila ne: — Meme nkadi mikolu ku tshiina. Kadi Mvidi Mukulu neanuambuluishe. Neanunuishe mu ditunga edi, anufikishe mu ditunga divuaye mulaye Abrahame, Izake ne Yakobe.

Genese 50:6

Mukalenga wa bena Ejipitu kuitaba ne: “Mbimpe, uye kujika tatuebe bu muvuaye mushiye diyi.”

Misambu 18:46

Kabena bantuila nkanana. Badi bapatuka miaba ivuabu basokome, bazakala.

Luke 2:29

— Mukalenga, biuvua mulaye mbimane kukumbana. Witabe mpindiewu bua muntu webe afue mu bupole.

Bienzedi 13:36

Mu tshikondu tshiende, Davide mmukumbaje bivua Mvidi Mukulu musue. Pashishe kufuaye. Kumujikabu pabuipi ne bankambua bende, kubolaye.

Dielulula 30:3

Maweja-Nangila Mvidi Mukulu wenu neandamune malu enu. Neamuenzele bimpe, neanumushe mu matunga onsu avuaye munutangalaje. Neanupingaje mu ditunga dienu.

Dielulula 31:8

Maweja-Nangila neende kumpala kuebe, neikale nebe, kayi ukulekela. Nanku kutshinyi, kuzakadi to, kutekeshi mu maboku.

2 Timote 4:6

Diba dianyi dia kumfilabu bu mulambu diakukumbana. Tshikondu tshia meme kufua tshiafiki.

Ebrewu 7:3

Kabena bamanye tatuende wa Melkisedeke, nansha mamuende, nansha umue wa ku bankambua bende. Kabena batela muaba nansha umue diledibua diende, nansha lufu. Udi mufuanangane ne Muana wa Mvidi Mukulu. Udi ushala mutuangaji kashidi.

Ebrewu 7:8

Ndelanganyi ya Levi, idi yangata tshia dikumi tshia bintu, mbantu badi bafua. Kadi padi Melkisedeke, wangata tshia dikumi atshi, badi batshiangata kudi muntu udi ne muoyi, mudi Mukanda wa tshijila wamba.

Yoshua 1:5

Matuku onsu autshidi panu ne muoyi aa, muntu kena mua kukupita bukole to. Meme nengikale nebe, bu mumvua ne Moshe. Kashidi tshiendelele tshiena nkulekela. Nenkuambuluishe misangu yonsu.

Yoshua 1:9

Ndi mumane kukuambila ne: kolesha muoyi, kutshinyi, kuzakadi, kutekeshi mu maboku. Bualu meme, Maweja-Nangila Mvidi Mukulu webe, nengikale nebe konsu kuudi uya.

Yoshua 23:14

Meme nkadi pa kufua. Kadi mpindiewu, munda muenu ne mu meji enu, numanye ne: kakuena bualu nansha bumue buvua Maweja-Nangila Mvidi Mukulu wenu munulaye, budiye kayi mukumbaje. Bionsu bivuaye munulaye, mmumane kubikumbaja.

Yoshua 3:7

Maweja-Nangila kuambila Yoshuwa ne: — Biangatshile ku lelu, ndi njadika bumfumu buebe ku mesu kua bena Izrayele bonsu. Nebamanye ne: ndi nebe, bu mumvua ne Moshe.

2 Petro 1:14

Ndi mumanye ne: nkadi pa kushiya mubidi udi ufua ewu. Mfumu wetu Yezu Kristu mmummanyishe nanku.