Genese 47:1 - MUKANDA WA MYIDI MUKULU

¹ Pashishe Yozefe kuya kuambila mukalenga wa bena Ejipitu ne: — Tatu ne bana betu mbafike ne bimuna biabu, kabidi ne bintu biabu bionsu. Mbafumine ku ditunga dia Kenaane. Mpindiewu mbasombe mu ditunga dia Ngoshene.

Mukanda wa Nzambi Dihungila Dikulukulu ne Dihungila Dihia-dihia 2003

¹ Hashishe Yosefe wakaya, wakambila Palo ne, Tatu wanyi ne bana betu bakulua ku buloba bua Kanâna ne mikoko yabo ne bimuna biabo ne bintu bionso bidibo nʼabi, mona, badi mu buloba bua Goshene.

Genese 47:1 Marejeleo ya Msalaba

Genese 45:10

Tatu neasombe pabuipi nanyi mu ditunga dia Ngoshene, pamue ne bana bende, bikulu bende, too ne bimuna biende: mikoku, mbuji, ngombe ne bionsu bidiye nabi.

Genese 45:16

Mukalenga wa bena Ejipitu kumvua lumu lua difika dia bana babu ne Yozefe. Kusankaye pamue ne balombodi ba mu bukalenga buende.

Genese 46:28

Yakobe kutuma Yuda kumpala bua ambile Yozefe ne: tumonangane nebe mu Ngoshene. Pafiki Yakobe ne bena diende mu Ngoshene,

Genese 46:31

Yozefe kuambila bana babu ne bantu bonsu bavua nabu tatuende ne: — Ndi nya kumanyisha mukalenga wa bena Ejipitu ne: tatu ne bena diku dietu bonsu bavua bashale mu Kenaane mbafike munemu.

Genese 46:34

numuambile ne: tuetu katshia bandela, mudimu wetu udi anu wa kumuna bimuna bu muvua bankambua betu benza. Nanku mukalenga wa bena Ejipitu neitabe bua nusombe mu Ngoshene. Yozefe uvua muambe nanku, bualu bena Ejipitu badi bapepeja bamunyi ba bimuna.

Ekesode 8:22

Moshe kuandamuna ne: — Kabiena mua kuenzeka to. Bualu nyama itudi tulambula Maweja-Nangila Mvidi Mukulu wetu, bena Ejipitu badi bayinemeka. Pamonabu tulambula nyama ayi, nebatuase mabue batushipa.

Ekesode 9:26

Kadi kavua muloke mu Ngoshene to, bualu mmuaba uvua bena Izrayele basombe.

Ebrewu 2:11

Yezu udi ulengeja bantu ku mibi yabu, ne bantu badiye ulengeja badi bonsu ne Tatu anu umue. Ke padi Yezu kayi umvua bundu bua kubabtkila ne: mbana hetu.