Genese 44:16 - MUKANDA WA MYIDI MUKULU

¹⁶ Yuda kuandamuna ne: — Mukalenga wetu, tshitudi mua kuamba ntshinyi bua kukujadikila mutudi babinge. Mvidi Mukulu mmuleje patoke bubi buetu. Udi ne dikopu mu tshibombi tshiende ne tuetu bonsu tudi tushala bapika bebe.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Yuda wakamba ne, Netuandamune mukelenge wetu dî manyi? Netuambe tshinyi? Netudibingishe munyi? Nzambi wakasokolola bubi bua bantu bebe, tangila, buonso buetu tudi bahika bebe, ne tuetu ne muntu wakasanganabo ne luhanza.

Genese 44:16 Marejeleo ya Msalaba

Genese 37:7

Tuvua baye bonsu kunowa bia mu madimi. Tuvua tusuika bisumbu bia bikunyibua bivua ne ntete ya kuenza bukula. Diakamue tshisumbu tshianyi kubanduluka kuimana. Bisumbu bienu bionsu kutshiela munkatshi, bitshikukuila.

Genese 37:9

Yozefe kulota tshilota tshikuabu, kutshiawila bana babu, ubambila ne: — Mvua mulote: diba, ngondu ne mitotu dikumi ne umue bilua kunkukuila.

Genese 44:17

Yozefe kuandamuna ne: — Tshiena mua kuenza nanku to. Ndi nkuata amu muntu uvua ne dikopu awu, neashale mupika. Kadi nuenu bonsu pinganayi ne ditalala kudi tatuenu.

Genese 44:32

Bualu bukuabu: meme ke udi tatu mueyekele tshilumbu tshia muanende ewu. Mvua mujadikile tatu ne: “Meme tshiyi mupingane ne muana ewu, nenshale muena tshilumbu kashidi kuudi.”

Genese 44:9

Nanku yonsu wa kutudi, uvua-sangana muikale ne dikopu adi, asangane kufua anyie? Afue! Kabidi tuetu bonsu netushale bapika benu.

1 Bakalenga 17:18

Mamuende wa muana kukonka muambi Eliya ne: — Muambi wa Mvidi Mukulu, udi mungenzele nenku bua tshinyi? Udi mufike muaba ewu bua wewe kuvuluija Maweja-Nangila buenzayi bundi muenze, bua Maweja-Nangila kushipa muananyi anyi?

Ezela 9:10

“Kadi mpindiewu, Mvidi Mukulu wetu, bambe tshinyi bua bidi bibenzekela ebi? Kabena bitabe meyi ebe,

Ezela 9:15

Lelu, Maweja-Nangila Mvidi Mukulu wa Izrayele, bu muudi ne luse, udi muanyishe bua bamue ba kutudi bashale ne muoyi. Tudi bimane kumpala kuebe, tuetu bena mibi. Kadi bu wewe kuyi ne luse, muntu nansha umue kavua mua kuimana kumpala kuebe ne bubi bua mushindu ewu.”

Yobe 40:4

Ndi muntu wa tshianana, tshindi mua kuandamuna kabidi ntshinyi? Ndi mbuikila mukana ne tshianza mpuwa.

Nsumuinu 17:15

Mubingishi wa muena tshibawu, ne mupishi wa muntu muakane, mbantu babidi badi Maweja-Nangila udiwula mushindu wa momumue.

Nsumuinu 28:17

Muntu mushipe muntu nende, neaye kudiela mu dijimba. Bantu kabamupumbishi bua kuenza nanku to.

Yeshaya 27:9

Kadi mpindiewu, monayi, bubi bua bena Izrayele nebujimine; nebalekele bilema biabu. Nebatshibule mabue onsu a ku tshilambuilu, baazaza bu mabue a lupemba. Kabena basa kabidi makunji a kutendelela mvidie, nansha bioshelu bia manananshi.

Yeshaya 5:3

Ke mulunda wanyi kuamba ne: “Nuenu bantu badi basomba mu Yerushalayime, ne nuenu badi basomba mu Yuda, nukose tshilumbu, tshidi pankatshi panyi ne budimi buanyi.

Danyele 9:7

Wewe Maweja-Nangila, kuena ne tshilema! Tuetu tudi ne bua kudipuekesha, bu mutudi tuenza lelu. Tuetu bonsu tudi ne bua kuenza nanku, ne badi mu Yerushalayime ne mu Yuda, ne bena Izrayele bakuabu bonsu badi pabuipi ne badi kule, ne badi batangalake mu matunga auvua mubatume bua dikutombokela diabu.

Dibadika 32:23

Kadi numanye ne: Nuenu kanuyi bakumbaje bionsu ebi, nenuikale bena tshibawu. Maweja-Nangila neanunyoke.

Matayi 7:2

Mushindu unudi nulumbuluisha bakuabu, Mvidi Mukulu neanulumbuluishe kabidi nanku. Neanupime munudi nupimangana.

Luke 12:2

Bualu buonsu budi busokome, nebumueneke patoke. Bualu budi bantu kabayi bamanye, nebabumanye!

Bienzedi 2:37

Bantu bumvua miaku eyi, kulubakanabu bikole. Kukonkabu Petro ne bapostolu bakuabu ne: — Kadi, bana betu, tshitudi ne bua kuenza ntshinyi?

Dielulula 25:1

Pikala bena Izrayele babidi batandangana, nebaye kudi balumbuluishi bua kujadika udi mupite ne udi mubinge.

Yoshua 7:1

Bena Izrayele bavua benza bualu bubi butambe, bualu bavua bangata bintu bivua Maweja-Nangila mukandike. Nenku muntu wa mu tshisamba tshia Yuda, dina diende Akane, muana wa Karmi, (Karmi uvua muana wa Zabdi, kabidi muikulu wa Zera) uvua mudiangatshile ku bukole bimue bintu. Nenku Maweja-Nangila kufikila bena Izrayele munda.

Yoshua 7:18

Kubikilaye bantu balume ba mu tshiota atshi ku muntu ku muntu. Kutshinkabu, kupeta Akane, muana wa Karmi, muikulu wa Zabdi, wa ku ndelanganyi ya Zera wa ku tshisamba tshia Yuda.

Balombodi 1:7

Ke mukalenga Adoni-Bezeke kuela mbila ne: — Akia! Bakalenga makumi muanda mutekete, bavuabu bakose biala ne bana ba nkasa banene, bavua bangula, muinshi mua mesa anyi, biakudia bivua bimata panshi! Bushiwa, Maweja-Nangila wansombuedi ku bibi bionsu bimvua muenze. Kuyabu ne mukalenga Adoni-Bezeke ku Yerushalayime. Kuyaye kufuilaku.