Genese 42:2 - MUKANDA WA MYIDI MUKULU

² Ndi mumvue bamba ne: mu Ejipitu mudi ntete ya kuenza bukula. Ndayi nutusumbile ntete ayi bua tumone mua kushala ne muoyi. Katuena basue kufua to.

Mukanda wa Nzambi Dihungila Dikulukulu ne Dihungila Dihia-dihia 2003

² Yeye wakamba kabidi ne, Monai, nakunvua lumu ne, Bintu bia kudia biakashala mu Ejipitu, yai bienu kuakua, nutusumbileku bia kudia, bua tuetu tuhanduke, katufu.

Genese 42:2 Marejeleo ya Msalaba

Genese 42:3

Bakulu ba Yozefe dikumi, kuya mu Ejipitu bua kusumba biakudia. —

Genese 43:2

Ntete ya kuenza bukula, ivua bana ba Yakobe basumbe mu ditunga dia Ejipitu, kujika yonsu. Ke Yakobe kuambila bana bende ne: — Pinganayi kabidi mu ditunga dia Ejipitu bua kutusumbila biakudia bikuabu.

Genese 43:4

Nanku bua tuetu kuya kusumba biakudia, anu tuetu baye ne Binyamine.

Genese 43:8

Yuda kuambila kabidi tatuende ne: — Tatu, anyisha tuye ne Binyamine. Patudi tuya, ke patudi mua kupanda, nansha wewe, nansha tuetu, nansha kabidi bana betu. Katuena basue kufua to.

Genese 45:9

Nanku pinganayi lukasa bua kuangata tatu wanyi. Numuambile ne: “Yozefe webe udi wamba ne: Tatu afike kuneku lukasa, bualu Mvidi Mukulu mmunteke mulombodi wa ditunga dijima dia Ejipitu.

Misambu 118:17

Tshiena mfua to, nenshale ne muoyi, bua kulondela bantu bidi Maweja-Nangila muenze.

Misambu 33:18

Kadi Maweja-Nangila udi ulama bantu bende, ukuba badi batekemena bulenga buende.

Misambu 33:19

Udi ubasungidila ku lufu, ubalama nansha matuku mene a tshiyole.

Yeshaya 38:1

Tshikondu atshi, mukalenga Izkiya kupeta disama dia lufu. Muambi Yeshaya, muana wa Amose kufika kudiye bua kumusamba. Kumumanyishaye miaku ivua Maweja-Nangila muambe ne: “Diba diebe ndimane kukumbana. Udilongolole, bualu kuena upanda ku disama edi. Neufue.”

Matayi 4:4

Yezu kuandamuna ne: — Mukanda wa tshijila udi wamba ne: “Muntu kena ne muoyi anu bua mampa nkayawu, kadi nangananga bua diyi dionsu didi Mvidi Mukulu wamba.”

Bienzedi 7:12

Yakobe umvua ne: mu Ejipitu mudi ntete ya kuenza bukula, kutumayemu bankambua betu musangu wa kumpala.