Genese 4:7 - MUKANDA WA MYIDI MUKULU

⁷ Bu wewe muenze bimpe, uvua ne bua kuikala ne disanka. Kadi paudi kuyi wenza bimpe, bubi budi bukuimanyine ku tshibi; kadi ukebe mua kubutshimuna.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Biwenza bimpe, kuena ubanduluka, anyi? Kadi biwokala kuyi wenza bimpe, bualu bubi budi bualamina ku mbelu kuebe, mutshima wa bubi newikale kudi, kadi wewe ubukokeshe.

Genese 4:7 Marejeleo ya Msalaba

Genese 19:21

Mutumibue wa Mvidi Mukulu kuitaba ne: — Mbimpe, ndi nganyisha kabidi biudi wamba. Tshiena mbutula kasoku aka to.

Genese 3:16

Maweja-Nangila Mvidi Mukulu kuambila mukaji ne: — Pawimita difu nenkuvudijile makenga. Neulele bana anu mu dikenga. Kabidi, newikale utuma mwoyi webe anu kudi bayebe, yeye neikale mfumuebe.

2 Samuele 24:23

Ndi nkupesha bintu bionsu ebi. Nanku mukalenga, ndi mutekemene ne: Maweja-Nangila Mvidi Mukulu webe neakufuile luse, neanyishe mulambu webe.

2 Bakalenga 8:28

Yorame, muana wa Akabe, ne Akaziya mukalenga wa bena Yuda, kuya mu tshimenga tshia Ramote, mu ditunga dia Ngilaade, bua kuluisha Azayele, mukalenga wa bena Siriya. Mu mvita, bena Siriya kutapa mukalenga Yorame mputa.

Yobe 11:14

Owa mayi ku bianza biebe bidi binyanguke ne bubi. Kuitabi bua malu mabi ashale kuudi.

Yobe 11:15

Nanku neumone mua kutangila bantu bonsu, kuyi ne bowa. Bu muudi kuyi ne tshilumbu nansha tshimue, kuena mua kuzakala to.

Yobe 29:4

Mvua mudiumvue bu muntu mukulumpe, bualu Mvidi Mukulu mulunda wanyi, uvua ulama nzubu wanyi.

Yobe 42:8

Nanku mpindiewu nuangate nyama ya ngombe milume muanda mutekete, ne mbuji ya bimpanga muanda mutekete. Nuye nabi kudi muntu wanyi Yobe. Nulambule nyama eyi bu milambu ya kuosha bua kudikobolola. Muntu wanyi Yobe neantendelele bualu buenu. Nengitabe dilomba diende. Tshiakununyoka bua bibi binuvua benze. Bualu kanuvua balongeshe malu anyi mu bulelela bu muvua muntu wanyi Yobe muenze.

Nsumuinu 18:5

Kubingishi muena tshibawu, kupishi muntu muakane.

Nsumuinu 21:27

Bantu babi badi balambula milambu mibi, nangananga padibu bayilambula ne meji mabi.

Yirmeya 3:12

Nanku, ndi nkutuma bua uye kuela mbila luseke lua ku mutu kua ditunga ne: Wewe Izrayele muena tshiendenda, pingana. Tshiena mukufikile kabidi munda to. Bualu ndi ne luse. Tshiena nshala ne lukuna kashidi to. Meme Maweja-Nangila ndi njadika nanku.

Yirmeya 6:20

Milambu yabu ya ku Saba, ne mitshi ya dipembu ya mu ditunga dia kule, bidi mua kungenzela tshinyi? Nyama idibu bangoshila pa tshilambuilu, kayena insankisha to. Tshiena musue milambu yabu.

Mika 7:18

Kakuena mvidie nansha umue, udi mukufuane wewe Maweja-Nangila. Udi ufuila bantu bebe badi bashala ne muoyi luse, kuyi musue kuvuluka kashidi bilema biabu. Kuena ulama tshiji matuku onsu. Disanka diebe didi amu dia kutunanga, kutuenzela bimpe.

Malaki 1:10

Bivua mua kuikala bimpe, bua muntu wa munkatshi muenu, akange biibi bia ku nzubu wa Mvidi Mukulu, bua kanutemeshi kabidi kapia pa tshilambuilu tshianyi. Bualu kanuena ne tshia nsongu tshinudi nuenzamu. Bualu meme Maweja-Nangila wa bukole buonsu ndi njadika ne: tshiena nsanka bua kunumona. Milambu inudi nundambula kayena indengelela nansha.

Malaki 1:13

Nudi nuamba kabidi ne: “Udi utupungija ne mudimu mukole be.” Nudi amu numpetula meme Mvidi Mukulu wa bukole buonsu. Nudi nundambula nyama miiba, mikale itebuka, nansha isama. Ndi nnukonka ne: mundi mua kuanyisha milambu ya mushindu ewu mmunyi?

Malaki 1:8

Panudi nundambula nyama mufofame mesu, utebuka, nansha usama, nudi nuenza bimpe anyi? Meme Maweja-Nangila wa bukole buonsu ndi nnukonka ne: Nuenu balambule mulombodi wa buloba nyama wa mushindu ewu, udi mua kusanka anyi? Neanusankishe pende anyi?

Dibadika 32:23

Kadi numanye ne: Nuenu kanuyi bakumbaje bionsu ebi, nenuikale bena tshibawu. Maweja-Nangila neanunyoke.

Bienzedi 10:35

Muntu nansha wa mu tshisamba kaayi, udi umutshina, wenza tshidiye musue, Mvidi Mukulu udi mumuanyishe.

Rome 12:1

Bana hetu, padi Mvidi Mukulu muleje nanku mudiye utufuila luse, ndi nnusengelela bua nudifile kudiye bu mulambu udi ne muoyi, bu mulambu wa tshijila, udi umusankisha. Ke mushindu muimpe unudi ne bua kumutendelela.

Rome 14:18

Muntu udi ukuatshila Kristu mudimu mushindu ewu, udi usankisha Mvidi Mukulu. Bantu kabidi nebamuanyishe.

Rome 15:16

dia meme kuikala muena mudimu wa Yezu Kristu bua bisamba bikuabu. Ndi nkumbaja mudimu wa tshijila wa mutuangaji ewu, pandi ndongesha Lumu lua Disanka lua Mvidi Mukulu, bua Mueyelu wa Tshijila ujidile bantu ba bisamba bikuabu, bikale bu mulambu udi ulengelela Mvidi Mukulu.

Rome 6:12

Nanku malu mabi kaena ne bua kutekesha kabidi mubidi wenu udi ufua, bua nuenu kuukumbajila bijingajinga biawu.

Rome 6:16

Nudi bamanye bimpe ne: panudi nukuatshila kampanda mudimu, nudi numutumikila. Nanku nudi ne bua kuikala bapika ba mfumu unudi nutumikila awu. nKuamba ne: nansha nudi bapika ba malu mabi adi afikisha bantu ku lufu, nansha nudi bapika bua kutumikila Mvidi Mukulu, bua amone mua kunubingisha.

Efeze 1:6

Nanku tutumbishayi Mvidi Mukulu bua ditunanga diende dia dikema, divuaye mutulejile bimpe bitambe mu Muanende munanga.

1 Timote 5:4

Kadi padi mukaji mukamba ne bana, nansha ne bikulu, bana aba badianjile kukumbaja tshidi bena ditaba ne bua kuenzela bena diku diabu. Nanku bakuatshile mamuabu, nansha kakuabu, mudimu, muvua bamamu babakuatshile kumpala. Ke tshidi Mvidi Mukulu musue.

Ebrewu 11:4

Amu bua ditaba, Ebele uvua mulambule Mvidi Mukulu mulambu mupite wa Kayine ku buimpe. Bua ditaba diende Mvidi Mukulu uvua mumubingishe bualu Mvidi Mukulu uvua muanyishe malambi ende. Amu bua ditaba diende, Ebele utshidi wakula nansha yeye mumane kufua.

Yakobe 1:15

Pashishe majinga mabi adi akidila bubi munda, alela bubi. Padi bubi bumane kukola, budi bulela lufu.

1 Petro 2:5

Nudifile bu mabue a muoyi, bua Mueyelu wa Tshijila umone mua kuibaka nenu nzubu wa Mvidi Mukulu. Nanku nenuikale tshisumbu tshia batuangaji ba tshijila, badi ne bua kulambula Mvidi Mukulu milambu, idi imusankisha bualu bua Yezu Kristu.