Genese 4:10 - MUKANDA WA MYIDI MUKULU

¹⁰ Maweja-Nangila kuebeja ne: — Udi muenze nanku bua tshinyi? Muadi wa mashi a muanenu wafiki kundi ufumina pa buloba.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Yeye wakamukonka ne, Wewe wakuenza tshinyi? Muadi wa mashi a muakunyʼebe udi wela di kundi difume ha buloba.

Genese 4:10 Marejeleo ya Msalaba

Genese 18:20

Pashishe Maweja-Nangila kuambila Abrahame ne: — Bantu mbafunde bena Sodome ne Ngomore kundi, bualu buenzayi buabu mbupite.

Genese 3:13

Maweja-Nangila Mvidi Mukulu kuebeja mukaji ne: — Tshiwenzedi nanku ntshinyi? Mukaji kuandamuna ne: — Nyoka mmundinge, meme panyi kudia tshimuma.

Genese 9:5

Bu mudi muoyi wa tshintu muikale mu mashi, ndi nnukandika bua kanushipi muntu nenu, tshianana meme nennushipeshe panyi. Pashishe nyama kayena mua kushipa muntu to, tshianana meme nenyishipeshe kabidi.

2 Bakalenga 9:26

“Meme Maweja-Nangila mvua mumone bionsu biuvua muenze makelela. Wewe uvua mutume bantu bua bashipe Nabote ne bana bende ba balume. Nanku, meme Maweja-Nangila, ndi nditshipa bua kukusombuela anu mu budimi ebu.” Nanku, wewe Bidkare, ambula tshitalu tshia Yorame, utshimanshe mu budimi ebu, bu muvua Maweja-Nangila muambe.

2 Kulondolola 28:9

Mu Samariya amu, muvua muambi wa Maweja-Nangila, dina diende Obede. Kuyaye kuakidila bena mvita ba bena Izrayele, bavua bafike mu tshimenga amu. Kubambilaye ne: — Maweja-Nangila Mvidi Mukulu wa bankambua benu, uvua mufikile bena Yuda munda. Ke padiye mubafile mu bianza bienu. Kadi nuvua bashipe bena mvita ba bena Yuda bapite bungi ne tshikisu tshipite. Tshikisu tshienu kumvuika ne mu diulu.

Yobe 16:18

Wewe buloba, kubuikidi mashi anyi, bantu bonsu bumvua mbila indi ngela.

Yobe 24:12

Mu tshimenga, bantu badi batua mikemu, badi bapunga ne lufu, bela mbila. Kadi Mvidi Mukulu kena uteleja miadi ya bantu abu nansha.

Misambu 50:21

Wamonyi biudi muenze! Udi musue bua ngikale amu mupuwe anyi? Udi muele meji ne: ndi bu wewe anyi? Nansha kakese! Ndi ukutandisha, nkuleja mibi yebe yonsu patoke!

Misambu 72:14

Neabepule ku tshinyangu ne kabutu, bualu udi ubananga, musue bua bashale ne muoyi.

Misambu 9:12

Tumbishayi Maweja-Nangila ne misambu. Nkuasa wende udi pa mukuna wa Siyone. Numanyishe bukua bisamba bidiye muenze.

Misambu 9:13

Udi unyoka bashipianganyi, uvuluka bavuabu bakengesha. Kena upua muoyi bena dikenga badi bamubikila.

Ekesode 3:7

Maweja-Nangila kumuambila ne: — Ndi mumone dikenga dia bantu banyi badi mu ditunga dia Ejipitu. Ndi mumvue miadi yabu. Badi babakengesha bikole ne tshikisu. Ndi mumone mudi bena Izrayele banyingalala.

Yeshaya 5:7

Budimi bua mvinyo bua Maweja-Nangila muena bukole buonsu, ntshisamba tshia bena Izrayele. Mionji mimpe ivua imusankisha, ntshisamba tshia bena Yuda. Maweja-Nangila uvua mutekemene ne: bantu bende nebenzelangane bimpe, kadi badi amu bakengeshangana. Uvua mutekemene ne: bantu bende nebenze amu bidi bimpe. Kadi miaba yonsu, badibu bakengesha, badi badila amu miadi ya kanyinganyinga. (Tun. 8-24: 10.1-4)

Dibadika 35:33

“Kanunyangakaji ditunga dinudi basombe to. Numanye ne: mushipianganyi udi unyanga ditunga. Nanku padibu bashipa muntu mu ditunga, bua kumusha mikiya idi mikuate ditunga, amu bobu bashipe mushipianganyi awu.

Bienzedi 5:3

Ke Petro kumuebeja ne: — Ananiyase, mudi diabolu mubuele mu muoyi webe mmunyi? Udi mushime Mueyelu wa Tshijila, mudilamine tshitupa tshia mushinga wa budimi bua tshinyi?

Bienzedi 5:9

Nanku Petro kumukonka ne: — Nudi bumvuangane bua kuteta Mueyelu wa Mfumu bua tshinyi? Ee, umvua, bantu bavua baye kujika bayebe bakadi bapingana. Badi ku tshiibi. Nebaye kukujika ne wewe kabidi.

Dielulula 21:1

Panuafika mu ditunga dikala Maweja-Nangila Mvidi Mukulu wenu munupe bua kusomba, nuenu basangane tshitalu tshia muntu mu tshisuku, kanuyi bamanye uvua mumushipe,

Ebrewu 11:4

Amu bua ditaba, Ebele uvua mulambule Mvidi Mukulu mulambu mupite wa Kayine ku buimpe. Bua ditaba diende Mvidi Mukulu uvua mumubingishe bualu Mvidi Mukulu uvua muanyishe malambi ende. Amu bua ditaba diende, Ebele utshidi wakula nansha yeye mumane kufua.

Ebrewu 12:24

Nudi basemena pabuipi ne Yezu, mutuangaji wa ndondu mupiamupia, kabidi pabuipi ne mashi ende atota mamate panshi, adi akula ne diyi dipite dia Ebele.

Yakobe 5:4

Kanuena bafute bena mudimu badi bakuate mudimu mu madimi enu. Nuteleje mudibu badila muadi! Mvidi Mukulu Maweja-Nangila wa bukole buonsu mmumvue mbila ya badi banowe biakudia bienu.

Yoshua 7:19

Yoshuwa kumuambila ne: — Mulunda wanyi, umanye bukole bua Maweja-Nangila Mvidi Mukulu wa bena Izrayele. Ungambile bushiwa. Unjadikile tshiuvua muenze, kushimi to.

1 Samuele 13:11

Samuwele kumuebeja ne: — Tshiudi wenza muaba ewu ntshinyi? Shawule kuandamuna ne: — Ndi muenze nanku, bualu bena mvita bavua batuadija kunshiya, batangalaka. Wewe kuena mufike bu muuvua muambe to. Kabidi ndi mumanye ne: bena Peleshete mbadisangishe ku Mikmase.