Genese 4:1 - MUKANDA WA MYIDI MUKULU

¹ Adame kubuelela mukajende Eva mu nzubu. Awu kuimita difu, kulelaye Kayine. Eva kusanka bikole wamba ne: “Ndi mufuke muana wa balume ku bukole bua Maweja-Nangila.”

Mukanda wa Nzambi Dihungila Dikulukulu ne Dihungila Dihia-dihia 2003

¹ Adama wakamanyangana ne Eva, mukashi wandi, ne yeye wakimita difu, wakalela Kana, wakamba ne, Nakuangata muntu kudi Yehowa.

Genese 4:1 Marejeleo ya Msalaba

Genese 3:15

Nenteke lukuna pankatshi pebe ne mukaji, pankatshi pa ndelanganyi yebe ne yende. Kabidi muana wa ku ndelanganyi ya mukaji neaboze mutu webe, wewe pebe neumusume ku tshikankanya.

Genese 3:24

Maweja-Nangila Mvidi Mukulu mumane kuipata muntu mu lupangu lua Edene, kutekaye Bakerubine mu lupangu amu ne muela utema kapia. Bavua bimane ku tshibuelelu tshia lupangu luseke ludi diba dipatukila, bakandika bua muntu kafiki muaba uvua njila wa ku mutshi wa muoyi.

Genese 4:2

Pashishe kulelaye kabidi Ebele muakunyi wa Kayine. Ebele uvua mulami wa mikoku, Kayine uvua tshidime.

Genese 4:25

Adame ne Eva kulela muana we balume mukuabu. Eva kumuinyika dina dia Shete, wamba ne: — Mvidi Mukulu wakumpesha muana mukuabu pa muaba wa Ebele uvua Kayine mushipe.

Genese 5:29

Kumuinyikaye ne Nowa, wamba ne: — Muana ewu neatusambe ku mudimu mukole wetu wa bianza utudi tukuata, bualu Maweja-Nangila uvua mutshipe buloba.

Misambu 127:3

Bana, ke tshiuma tshilelela tshia bena nzubu, ndifutu didi Maweja-Nangila ubapesha!

Dibadika 31:17

Nanku mpindiewu nushipe bana ba balume bonsu, kabidi ne bakaji bonsu bakadi bamane kumanyangana ne balume.

1 Yone 3:12

Katuikadi bu Kayine uvua muntu wa Muena bubi, ushipa muanabu. Wakamushipa bua tshinyi? Bualu malu avua Kayine wenza avua mabi. Avua muanabu wenza avua mimpe.