Genese 39:6 - MUKANDA WA MYIDI MUKULU

⁶ Potifare uvua ne mudimu amu wa kudia. Uvua ulombola bintu biende bionsu uvua amu Yozefe. Yozefe uvua nsongalume wa mpala muimpe mutambe, mumanye mua kusomba ne bantu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Yeye wakashiya bintu bionso biakadiye nʼabi mu tshianza tshia Yosefe, yeye kakamanya bungi bua bintu biakadiye nʼabi, anu bidia biakadiye udia.

Genese 39:6 Marejeleo ya Msalaba

Genese 29:17

Leya uvua ne mesu bulengu, kadi Rakele uvua ne mpala muimpe, wengelela.

Genese 39:23

Mulombodi wa balami ba bena lukanu awu katshivua ulondolola bionsu bivua kudi Yozefe to, bualu Maweja-Nangila uvua ne Yozefe, umutatshisha diakalenga mu bionsu bivuaye wenza.

Genese 39:4

Nanku Potifare kunanga Yozefe bikole. Kumupeshaye mudimu wa kulombola bantu ne bintu bionsu bia mu nzubu muende.

Genese 39:8

Yozefe kubenga kashidi, umuambila ne: — Mfumuanyi mmunteke mulombodi wa bintu biende bionsu. Udi munnange.

Genese 43:32

Kadi Yozefe uvua udiila ku ende mesa pa nkayende, bana babu ku makuabu mesa. Bena Ejipitu bavua Yozefe mubikile, kudia kabidi pa nkayabu. Bualu malongesha abu a pa malu a Mvidi Mukulu avua makandike bena Ejipitu bua kudiila pamue ne bena Ebrewu.

Nsumuinu 31:11

Muoyi wa bayende udi amu kudiye. Udi ulama bintu bidibu nabi ne bayende bimpe, ubivudija kabidi.

Luke 16:10

Udi ulama bintu bikese bimpe, nealame kabidi bintu bivule bimpe. Udi udinga mu bintu bikese, neadinge kabidi mu bintu bivule.

Luke 19:17

Mukalenga kumuamba ne: “Uvua muenze bimpe. Udi muena mudimu wa nsongu. Bu muuvua mukumbaje mudimu bimpe ne bintu bikese bindi mukushile, nenkuteke mulombodi wa bimenga dikumi.”

Bienzedi 7:20

Ke tshikondu tshivuabu balele Moshe, muana wa mpala muimpe, uvua mutokele Mvidi Mukulu ku muoyi. Kumudishabu ngondu isatu ku nzubu kua tatuende.

1 Samuele 16:12

Ke Ishayi kubikidisha muana awu. Nsongalume awu uvua ne mubidi mukunze, ne mpala muimpe mutambe, mesu abalakana. Ke Maweja-Nangila kuambila Samuwele ne: “Ke muana undi musungule ewu. Umujidile bua kuikalaye mukalenga.”

1 Samuele 17:42

Ngoliyate utangila Davide, kumupepejaye, bualu Davide utshivua muana mukese, muikale ne mubidi mukunze, ne mpala muimpe mutambe.