Genese 34:7 - MUKANDA WA MYIDI MUKULU

⁷ Bana ba Yakobe balume mu mpata, kubambilabu bionsu bivua bienzeka abi. Bavua bumvue bibi, bafike kabidi munda bikole, bualu Shekeme uvua muenze bualu bubi bua dikamakama, mubuelele muana wa bende wa Yakobe mu nzubu ku bukole. Tshilema tshia mushindu ewu katshiena ne bua kuenzeka mu Izrayele to.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bana ba balume ba Yakoba bakahingana ku tshisuku hakunvuabo lumu elu, mutshima yabo yakanyingalala, bakadi ne tshiji tshikole bualu bua yeye wakafuisha bana ba Isalele bundu hakalaleye ne muana mukashi wa Yakoba bualu ebu kabuena buimpe bua kuenza.

Genese 34:7 Marejeleo ya Msalaba

Genese 20:9

Abimeleke kubikidisha Abrahame, umukonka ne: — Tshiwatuenzedi nenku ntshinyi? Mbualu bubi kaayi bundi mukuenzele bua wewe kutubueja ne bena ditunga dianyi mu tshilumbu bunene nunku! Udi mutuenzele bualu budi muntu kayi mua kuenzela mukuabu to.

Genese 34:6

Amore, tatuende wa Shekeme, kuya kuyukila ne Yakobe.

Genese 34:8

Kadi Amore kuambila Yakobe ne bana bende ne: — Bu mudi muananyi Shekeme munange muanenu wa bakaji ne muoyi mujima, anyishayi amusele.

Genese 46:7

Ke muvua Yakobe muye mu Ejipitu ne bintu biende bionsu, kabidi ne bana bende, ne bikulu bende balume ne bakaji.

2 Samuele 13:21

Mukalenga Davide kupeta lumu lua bionsu bivua bienzeka abi. Kufikaye munda bikole. Kadi kena mutandishe Amnone to, bualu uvua muanende muanabute, kabidi uvua mumunange bikole.

Misambu 93:5

Maweja-Nangila, mikenji yebe idi ya bushuwa, nzubu webe ikale nzubu wa tshijila tshiendelele.

Nsumuinu 7:7

Meme kumona munkatshi mua bansongalume badi kabayi bamanye malu, nsongalume mukuabu mubule meji bikole.

Yirmeya 29:23

Malu awu avua mabenzekele, bualu bavua benza malu mabi mu Izrayele andi mbenga. Bavua benza malu a bundu, bambila bantu malu mu dina dianyi, meme tshiyi mubatume. Kadi meme ndi mumanye malu onsu awu. Mvua muamone ne mesu anyi. Meme Maweja-Nangila ndi njadika nanku.”

Lewitiki 4:13

“Padi bena Izrayele bonsu benza bualu bubi mu mpukapuka, budi bubengangana ne mikenji ya Maweja-Nangila, badi amu bena tshibawu, nansha bobu kabayi bamanye tshilema tshidibu benza.

Lewitiki 4:2

bua amanyishe bena Izrayele ne: “Padi muntu muenze bualu bubi mu mpukapuka, kayi mulonde mikenji ya Maweja-Nangila, numukobolole nunku:

Lewitiki 4:27

“Kadi padi muena musoku muenze bualu bubi mu mpukapuka, budi bubengangana ne mikenji ya Maweja-Nangila, udi amu muena tshibawu.

1 Korente 10:8

Katuena ne bua kuenza malu a bundu, muvua bamue ba kudibu benze. Bantu binunu makumi abidi ne bisatu kufua dituku dimue.

1 Korente 6:18

Epukayi malu a bundu! Bubi bukuabu buonsu budi muntu wenza, kabuena bukuata mubidi wende to. Kadi udi wenza malu a bundu, udi unyanga mubidi wende.

Efeze 5:3

Nuenu nudi bena tshisamba tshia Mvidi Mukulu. Nanku munkatshi muenu kabatedi, nansha amu kutela mene, buendenda, buenzavi, nansha lukuka lua biuma.

Dielulula 22:20

Kadi pikala mulume wamba bulelela, baledi ba mukaji kabayi ne tshimanyinu,

Dielulula 22:21

bakulu ba mu tshimenga nebimanyike mukaji ewu mu mushiku wa mbelu wa nzubu wa tatuende. Bantu balume ba mu tshimenga nebamuase mabue, bamushipe. Bualu mmuenze bualu bua dikamakama, patshivuaye ku nzubu kua baledi bende. Ke munudi mua kujikija buenzayi bua mushindu ewu munkatshi mua bena Izrayele nanku.

Dielulula 23:17

Adisunguile muaba udiye musue munkatshi muenu. Asombe mu tshimenga tshidiye ujinga. Kanumutatshishi to.

Kolose 3:5

Nanku bengayi malu mabi onsu a pa buloba adi munda muenu: ke buendenda, malu a bundu, lukuka lua mubidi, majinga mabi, ne bukonkotu (bualu bukonkotu budi amu bu kutendelela mvidie).

1 Timote 5:13

Kabidi bakadi bapeta tshibidilu tshia kuendakana ku nzubu ku nzubu, kujimija diba. Tshidi tshipite bubi: badi badienza bena biakulakula ne bena biambamba. Badi bakula malu adi kaayi abatangila.

Ebrewu 13:4

Banemeke dibaka kudi bantu bonsu. Bena dibaka balamatangane. Mvidi Mukulu nealumbuluishe benji ba malu a bundu ne bena buendenda.

Yakobe 3:10

Mukana mumue mudi mupatuka miaku ya kuela tuasakidila ne ya kutshipa. Bana hetu, kanuenji nanku.

Yoshua 7:15

Nenku nendeje munkatshi mua bantu abu muntu udi muangate bintu bimvua mukandike bua kuangata. Neboshe muntu awu mu kapia, ne bionsu bidiye nabi. Bualu kuvua mukumbaje bimvua munuambile. Mmuenze bualu bubi munkatshi mua bena Izrayele budibu kabayi mua kuenza to.”

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.

Balombodi 20:6

Pashishe meme kuambula tshitalu tshia muena kuanyi, kutshikosa mu mabulu andi mutumine tshisamba ne tshisamba tshia bena Izrayele. Bualu bantu aba mbenze bualu bubi budi bufuisha tshisamba tshia bena Izrayele bundu.