Genese 32:4 - MUKANDA WA MYIDI MUKULU

⁴ Ke Yakobe kudianjila kutuma bantu bende ne mukenji, bua kumonangana ne mukuluende Esawu, uvua mu mpata ya Edome mu ditunga dia Seyire.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Yeye wakayambila ne, Nuambile mukelenge wanyi Esau nunku ne, Muntu webe Yakoba udi wamba ne, Nakashikama ne Labana, nakushalaku to ne katataka.

Genese 32:4 Marejeleo ya Msalaba

Genese 23:6

— Mukalenga, Mvidi Mukulu mmukuele lupemba, suaku ututeleje. Ujike mukajebe mu lukita luakane lua ku nkita yetu. Muntu wa kutudi nansha umue kena mua kukupala lukita luende bua ujike muena kuebe to.

Genese 25:30

Esawu kumulomba ne: — Mpeshaku nsupu wa nkunde mukunze uudi mulamba, ndia, bualu mukana mmungume. (Ke padibu babikila Esawu ne: Edome, mmomumue ne: mukunzubile.)

Genese 27:29

Bisamba bia bantu bikukuatshile mudimu. Bantu bonsu bakukukuile. Wikale mfumu wa bana benu, bana benu ba mamuebe bakukukuile. Muntu udi ukuela lupemba, nebamuele lupemba. Muntu udi ukukebela diakabi, neikale muena diakabi.”

Genese 27:37

Izake kuandamuna Esawu ne: — Yakobe mmumane kushala mfumuebe. Bana benu bonsu nebikale bapika bende. Kabidi nkadi mumane kumupesha ntete ya kuenza bukula ne ya maluvu. Tshiena ne tshindi mua kukuenzela kabidi mpindiewu, muananyi.

Genese 31:41

Tudi nebe kukadi bidimu makumi abidi. Ndi mukuenzele mudimu bidimu dikumi ne binayi, bua kusela bana bebe ba bakaji babidi, pashishe bidimu bisambombu bikuabu bua kupeta bimuna. Kadi wakashintulula difutu dianyi misangu dikumi.

Genese 32:18

Pashishe kuambilaye muena mudimu uvua ne tshisumbu tshia kumpala ne: — Wewe musambakene ne mukuluanyi Esawu, yeye mukuebeje ne: “Udi muena mudimu wa nganyi? Udi uya penyi? Bimuna bionsu ebi mbia nganyi?”

Genese 32:5

Yakobe kuelela bantu bavuaye mutume abu mukenji ne: — Numanyishe Esawu ne: “Muena mudimu webe Yakobe udi ukuambila ne: meme mvua kua Labane matuku onsu awu. Mpindiewu ndi musue kupingana.

Genese 33:14

Nanku ndi nkutendakena ne: Udianjile kumpala. Meme ndi nkulonda bitekete bitekete, bilondeshile luendu lua bana ne lua bimuna bindi nabi, too ne patuapetangana mu ditunga dia Seyire.

Genese 33:8

Esawu kukonka Yakobe ne: — Bimuna bionsu bindi musambakene nabi, tshiudi musue kuenza nabi ntshinyi? Yakobe kuandamuna ne: — Ndi mukutuminabi bua umfuile luse.

Genese 36:8

Ke muvua Esawu, udibu babikila kabidi ne: Edome, muye kuasa ku mukuna wa Seyire.

Genese 36:9

Ke mena a ndelanganyi ya Esawu, nkambua wa bena Edome, bavua base ku mukuna wa Seyire:

Genese 4:7

Bu wewe muenze bimpe, uvua ne bua kuikala ne disanka. Kadi paudi kuyi wenza bimpe, bubi budi bukuimanyine ku tshibi; kadi ukebe mua kubutshimuna.

1 Bakalenga 20:32

Kuvualabu bilamba bikayabale, kusuika mionji mu nshingu. Kuyabu ku nzubu kua Akabe, mukalenga wa bena Izrayele, bamuambila ne: — Mupika webe Benadade, udi nkusengelela bua kumushipi. Akabe kuandamuna ne: — Benadade utshidi ne muoyi anyi? Kakuena bualu to. Benadade mmuanetu!

Ekesode 32:22

Arone kuandamuna ne: — Mfumuanyi kumfikidi munda, bualu wewe nkayebe udi mumanye buenzayi bua bantu aba.

Nsumuinu 15:1

Diandamuna dilenga didi dituyisha lonji. Kadi diyi dibi didi dilundula tshiji.

Nsumuinu 25:15

Lutulu ludi lutekesha muoyi wa mukoshi wa nsambu. Miaku ya kanemu idi ipita mikanu bukole.

Nsumuinu 6:3

Diba adi udi ku bumfumu bua muntu uuvua musombeshangane nende lupetu. Nanku, bua wewe kupatuka mu bualu ebu: uye kumonangana nende, umusengelele, umulombe bikole bua akupatule mu bualu ebu.

Muambi 10:4

Pikala mfumuebe mufike munda, kumbuki muaba uudi. Wewe mulame lutulu neakufuile luse bua bilema biebe biuvua muenze.

Yeshaya 21:11

Badi bamanyisha malu adi atangila “Duma”. Muntu udi mu ditunga dia Seyire udi ungela diyi ne: “Mutentekedi, tukadi diba kaayi? Bufuku bukadi pa kutshia anyi?”

Luke 14:11

Bualu muntu yonsu udi uditambisha, nebamufuishe bundu. Muntu yonsu udi udipuekesha, neapete lumu.

1 Petro 3:6

Ke muvua Sara wenza. Uvua utumikila Abrahame, umuinyika ne: “Mfumu wanyi”. Mpindiewu nenuikale bana bende ba bakaji, panudi nuenza malu mimpe, kanuyi nutshina kalu nansha kamue.

Balombodi 5:4

Maweja-Nangila kumuka mu ditunga dia Edome, kupueka ku mikuna ya Seyire. Buloba kuzakala, mavuba kuenguluka mayi, mvula wa mudimbi kuloka.

1 Samuele 26:17

Shawule kumanya diyi dia Davide, kukonkaye ne: — Muananyi Davide, diyi dindi mumvue edi, ndiebe wewe anyi? Davide kuandamuna ne: — Mukalenga Shawule, ndianyi meme.