Genese 24:3 - MUKANDA WA MYIDI MUKULU

³ uditshipe mu dina dia Maweja-Nangila, Mvidi Mukulu wa diulu ne buloba, bualu kuena mua kukebela muananyi Izake mukaji wa mu ditunga dia Kenaane mundi muase emu to.

Mukanda wa Nzambi Dihungila Dikulukulu ne Dihungila Dihia-dihia 2003

³ nenkutshihishe kudi Yehowa, Nzambi wa diulu ne wa buloba, ne wewe kuangatshidi muanʼanyi mulume mukashi wa bana bakashi ba Bena Kanâna babidi bashikame nʼabo,

Genese 24:3 Marejeleo ya Msalaba

Genese 14:19

Kumuelaye lupemba, wamba ne: — Mvidi Mukulu muena kulu, mufuki wa diulu ne buloba atumbe. Akuele wewe Abrame lupemba.

Genese 14:22

Abrame kuandamuna ne: — Ndi nditshipa kumpala kua Maweja-Nangila Mvidi Mukulu muena kulu, mufuki wa diulu ne buloba ne:

Genese 21:23

Nanku, uditshipe mpindiewu kumpala kua Mvidi Mukulu ne: tshiakuenzela Abimeleke, bana bende ne ndelanganyi yende bibi to. Kadi ungenzele meme, ne bena ditunga dianyi diudi usomba, bimpe mumvua mukuenzele.

Genese 24:7

Bualu pavua Maweja-Nangila, Mvidi Mukulu wa diulu, mumpatule mu ditunga dietu ne mu diku dia baledi banyi, uvua mundaye bua kupesha ndelanganyi yanyi ditunga edi. Nanku, anu yeye neatume mutumibue wende kumpala kuebe, bua akuleje nsongakaji uudi mua kuselela muananyi Izake.

Genese 27:46

Ke Rebeka kuambila Izake ne: — Panu mpantonde, bualu bua bakaji ba bena Iti, badi muananyi Esawu musele. Kadi bu Yakobe mua kusela kabidi mukaji wa bena Iti, ndi mua kufua.

Genese 28:1

Izake kubikila Yakobe, kulayangana nende, umuambila ne: — Kuena mua kusela mukaji wa bena Kenaane to.

Genese 28:8

Nanku kujadikaye ne: Tatu kena musue bana ba bakaji ba bena Kenaane to.

Genese 34:9

Tumvuangane, tuikale tuselelangana. Tuetu tusele bana benu, nuenu nusele betu.

Genese 38:2

Kuinaku Yuda kusela muana wa bakaji wa Shuwa, muena Kenaane.

Genese 47:31

Yakobe kumuambila ne: — Uditshipe bua meme kujadika ne: newenze. Yozefe kuditshipa. Nanku, Yakobe kuela Yozefe tuasakidila, kuinama panshi ku mutu kua bulalu.

Genese 50:25

Yozefe kutshipisha bana babu, ubambila ne: “Pikala Mvidi Mukulu munumushe mu ditunga edi, numuangale ne mifuba yanyi.”

Genese 6:2

Kadi, badi basombele mulu, kumonabu bana ba bakaji ba bantu babalengelela. Kusungulabu munkatshi muabu bakaji bavuabu basue kusela.

Genese 6:4

Tshikondu atshi bantu bale ba kafiondu bavua pa buloba. — Bavua bashale kabidi pa buloba pashishe —. Bavua bana ba badi basombele mulu bavuabu balele ne bana ba bakaji ba bantu bavuabu basela. Bantu ba kafiondu aba bavua bilobu bia kalanda musenga ku kale.

2 Bakalenga 19:15

Nanku, kutendelelaye, wamba ne: “Maweja-Nangila Mvidi Mukulu wa Izrayele, wewe udi usomba pa mutu pa bakerubine. Wewe nkayebe ke Mvidi Mukulu mu makalenga onsu a pa buloba, wewe ke uvua mufuke diulu ne buloba.

2 Kulondolola 2:12

Nanku, mpindiewu ndi nkutumina Urame-Abi udi mumanye midimu bikole.

Ezela 5:11

Bavua batuandamuna ne: ‘Tudi bena mudimu ba Mvidi Mukulu wa diulu ne buloba. Tudi tuibakulula nzubu wa Mvidi Mukulu, uvua mukalenga munene wa bena Izrayele muibake mujikije, kukadi mpindiewu bidimu bia bungi.

Nehemya 13:25

Meme kubatandisha, kubela milawu. Meme kutuuta bantu bakuabu, kubatula nsuki. Pashishe meme kubambila bua baditshipe kudi Mvidi Mukulu, bua kabaseleshi kabidi bana babu kudi bantu benyi. Kabidi kabaseledi babu bana bakaji ba bantu benyi. Bobu bine kabena mua kusela bakaji ba bantu benyi.

Nehemya 9:6

Wewe nkayebe ke udi Maweja-Nangila! Udi mufuke diulu dialabale, ne mitotu yonsu! Udi mufuki wa buloba ne bionsu bidipu, wa mayi manene ne bionsu bidi binyungamu. Udi upesha tshifukibua tshionsu muoyi. Makole onsu a mu diulu adi akukukuila.

Misambu 115:15

Maweja-Nangila anuele lupemba, bualu yeye ke udi mufuke diulu ne buloba!

Misambu 136:26

Tuelayi Mvidi Mukulu wa mu diulu tuasakidila, bualu dinanga diende ndia kashidi!

Ekesode 20:7

“Kutedi dina dianyi meme, Maweja-Nangila Mvidi Mukulu webe, tshitelatela, bualu meme nengangate muntu yonsu udi kayi unemeka dina dianyi bu muena tshibawu.

Ekesode 22:11

Kadi pikalabu bamuibe bimuna abi ku nzubu kuende, mulami neafute muena bintu.

Ekesode 23:13

“Nulame malu andi meme Maweja-Nangila munuambile aa. Kanutendeledi mvidie ya bisamba bikuabu. Kanuyitedi mukana muenu.

Ekesode 34:16

Bana benu ba balume kabena mua kusela nsongakaji ya mu ditunga adi to. Bualu badi mua kulonda bibidilu bibi bia nsongakaji idi inemeka mvidie ya ditunga diabu.

Yeshaya 45:23

Bu mundi Mvidi Mukulu bulelela, ndi nditshipa ne: nenkumbaje malaya anyi. Ndi ndaya ne muoyi umue ne: bantu bonsu nebatue binu kumpala kuanyi. Nebaditshipe bua kundamata kashidi.

Yeshaya 48:1

Nuenu tshisamba tshia Yakobe, telejayi. Nudi nudisua, bua panudi ne dina dia Izrayele, bua panudi ndelanganyi ya Yuda. Nudi nutshipa, nutela dina dia Maweja-Nangila, nutela Mvidi Mukulu wa Izrayele. Kadi kanuena nuditshipilamu, kanuena ne muoyi wa kukumbaja tshinudi nulaya ne mutshipu.

Yeshaya 65:16

Bantu badi basue kujingila bakuabu diakalenga mu ditunga, nebabele lupemba, batela amu dina dia Mvidi Mukulu umue, udi ukumbaja malaya ende. Bantu badi basue kulaya malaya, nebaalaye batela amu dina dia Mvidi Mukulu umue udi ukumbaja malaya ende. Maweja-Nangila udi wamba ne: Eyowa, makenga a kale bantu kabakuavuluka kabidi to. Neajimine ku mesu anyi.

Yirmeya 10:11

Nuambile bena Izrayele ne: mvidie eyi yonsu, idi kayiyi mifiike nansha diulu nansha buloba, neyijimine pa buloba. Kayena ne muaba kabidi muinshi mua diulu to.

Yirmeya 12:16

Bena mutumba bavua balongesha bantu bua baditshipe mu dina dia mvidie Baale. Kadi pikalabu balonge mua kuenza malu mimpe, adi bantu banyi ne bua kuenza, pikalabu bamanye mua kuditshipa bamba ne: “Ndi nditshipa mu dina dia Maweja-Nangila udi ne muoyi…”, nembape muaba wabu munkatshi mua bantu banyi.

Yirmeya 29:6

Nuselangane. Nulele balume, nulele bakaji. Nuseleshe balume, nuseleshe bakaji, balelangane pabu. Kuine aku nuvulangane! Kanukepedi to!

Yirmeya 4:2

Wewe muikale muntu wa muoyi umue, wa buakane ne wa luse, wewe muditshipe muambe ne: “Ndi nditshipa mu dina dia Maweja-Nangila udi ne muoyi”, nanku bisamba bia bantu bakuabu nebindombe bua meme kubiela lupemba. Nebisanke bualu buanyi meme Maweja-Nangila.

Lewitiki 19:12

Kanutshipi mutshipu wa dishima, nutela dina dianyi, to. Bualu nudi mua kupetula dina dianyi meme, Maweja-Nangila Mvidi Mukulu wenu.

Sefanya 1:5

Nembutule bonsu badi babanda ku misonga ya nzubu, bua kutendelela mitotu, ne bonsu badi bantendelela, baditshipa mu dina dianyi, kadi baditshipa musangu umue mu dina dia mvidie Milkome.

Dibadika 5:21

Maweja-Nangila akunyoke, ushale nkumba, upeta difu dia munana, bua ushale tshilejilu kudi bantu bonsu, bua batshipangane, batela dina diebe.

1 Korente 7:39

Mukaji udi mu dibaka, kena mua kuenza mudiye musue, patshidi bayende ne muoyi. Amu bayende mumane kufua, udi mua kubuela mu dibaka ne muntu udiye musue. Kadi muntu awu ikale amu muena ditaba.

Dielulula 10:20

Nunemeke Maweja-Nangila Mvidi Mukulu wenu, numulamate amu yeye. Nuntendelele, nuditshipe anu mu dina diende.

Dielulula 6:13

Numunemeke, numutendelele amu yeye nkayende. Nutshipe amu mu dina diende.

Ebrewu 6:16

Padi bantu baditshipa, badi batela dina dia muntu udi mubapite. Mutshipu awu ke udi ujadika bualu, ujikija mpata yonsu munkatshi muabu.

Yoshua 2:12

Kadi mpindiewu, nuditshipe bualu buanyi kudi Maweja-Nangila ne: nenufuile bena diku dianyi luse, bu mundi munuenzele bimpe. Numpeshe tshintu tshidi mua kunjadikila patoke binudi nuamba.

Balombodi 14:3

Baledi ba Shimeshone kubenga, bamba ne: — Udi muye kusungula nsongakaji amu wa bena Peleshete badibu kabayi bateke panshi bua tshinyi? Kuena mumone nsongakaji mu diku dienu, nansha mu tshisamba tshienu anyi? Kadi Shimeshone kuambila tatuende ne: — Ndi musue unselele amu nsongakaji awu. Bualu ndi mumunange.

1 Samuele 20:17

Yonatane kuambila kabidi Davide bua aditshipe bua kujadika mudiye munange Yonatane. Bualu Yonatane uvua munange Davide ne muoyi mujima.

1 Samuele 30:15

Davide kumukonka ne: — Udi mua kumfikisha muaba udi bivi abu anyi? Muntu awu kuandamuna ne: — Nenkufikishe kudibu paudi ujadika, uditshipa kumpala kua Mvidi Mukulu muudi kuyi musue kunshipesha, kuyi nansha musue kumfila kudi mfumu wanyi.