Genese 24:21 - MUKANDA WA MYIDI MUKULU

²¹ Muena mudimu uvua anu mupuwe umukenketa, udiebeja ne: “Maweja-Nangila mmungendeshe diakalenga anyi?”

Mukanda wa Nzambi Dihungila Dikulukulu ne Dihungila Dihia-dihia 2003

²¹ Mulume eu wakamutangila talalâ, wakadi welangana meji munda bua kumanyeye ne, Yehowa wakungendesha dikasa bimpe, anyi?

Genese 24:21 Marejeleo ya Msalaba

Genese 24:12

Kutuadijaye kulomba Mvidi Mukulu wamba ne: — Maweja-Nangila, Mvidi Mukulu wa mfumuanyi Abrahame, lelu ndi nkusengelela ne: ungendeshe diakalenga, ukumbaje biuvua mulaye mfumuanyi Abrahame.

Genese 24:20

Nsongakaji kupongolola lukasa mayi avua mashale mu mulondu mu luuvu. Kuyaye lubilu kusuna mayi makuabu, kuanuisha tumelu tuonsu.

Genese 24:27

wamba ne: — Ndi ngela Maweja-Nangila, Mvidi Mukulu wa mfumuanyi Abrahame, tuasakidila, bualu wakumbaji bionsu bivuaye mulaye mfumuanyi Abrahame. Maweja-Nangila mmungendeshe diakalenga mu njila mujima, mumfikishe anu mu diku dia mfumu wanyi Abrahame.

Genese 24:56

Muena mudimu wa Abrahame kubandamuna ne: — Maweja-Nangila mmumane kungendesha diakalenga. Kanuena mua kumpitshishila diba to. Mpeshayi mukaji, mpingane kua mfumuanyi.

Misambu 107:1

Maweja-Nangila, tuasakidila, bualu udi ne malu mimpe, dinanga diebe kadiena ne ndekelu.

Misambu 107:15

Basakidile Maweja-Nangila bua malu ende mimpe, ne bua malu ende a kukema adiye muenzele bantu.

Misambu 107:43

Muntu udi ne meji avuluke malu aa, ajingulule ne Maweja-Nangila udi ne malu mimpe.

Misambu 107:8

Basakidile Maweja-Nangila bua malu ende mimpe, bua malu ende a kukema adiye muenzele bantu.

Luke 2:19

Kadi Mariya uvua ulama malu onsu aa mu muoyi, welangana meji bikole munda muende.

Luke 2:51

Ke Yezu kupingana nabu mu Nazarete. Uvua ubatumikila. Mamuende uvua ulama malu aa onsu mu muoyi wende.