Genese 24:12 - MUKANDA WA MYIDI MUKULU

¹² Kutuadijaye kulomba Mvidi Mukulu wamba ne: — Maweja-Nangila, Mvidi Mukulu wa mfumuanyi Abrahame, lelu ndi nkusengelela ne: ungendeshe diakalenga, ukumbaje biuvua mulaye mfumuanyi Abrahame.

Mukanda wa Nzambi Dihungila Dikulukulu ne Dihungila Dihia-dihia 2003

¹² Yeye wakamba ne, Yehowa, Nzambi wa mukelenge wanyi Abalahama, ndi nkulomba ne, Ungendeshe dikasa dimpe lelu, ufuile mukelenge wanyi Abalahama luse.

Genese 24:12 Marejeleo ya Msalaba

Genese 15:1

Malu onsu mamane kupita, Maweja-Nangila kumuenekela Abrame, umuambila ne: — Abrame, kutshinyi to! Ndi nebe, nenkulame ku njiwu yonsu, kabidi difutu diebe nedikale dinene.

Genese 24:21

Muena mudimu uvua anu mupuwe umukenketa, udiebeja ne: “Maweja-Nangila mmungendeshe diakalenga anyi?”

Genese 24:27

wamba ne: — Ndi ngela Maweja-Nangila, Mvidi Mukulu wa mfumuanyi Abrahame, tuasakidila, bualu wakumbaji bionsu bivuaye mulaye mfumuanyi Abrahame. Maweja-Nangila mmungendeshe diakalenga mu njila mujima, mumfikishe anu mu diku dia mfumu wanyi Abrahame.

Genese 24:42

Lelu mfika ku tshiina tshia mayi, meme kutendelela ne: “Maweja-Nangila, Mvidi Mukulu wa mfumuanyi Abrahame, ndi nkusengelela ne: ungendeshe diakalenga mu luendu elu.

Genese 24:48

Meme kutua binu panshi bua kuela Maweja-Nangila, Mvidi Mukulu wa mfumuanyi Abrahame, tuasakidila. Bualu uvua mungendeshe diakalenga, tshiyi mupete njiwu. Mmumfikishe ne mu diku dia mfumuanyi. Nanku ndi mua kuya ne nsongakaji ewu kudi muana wa mfumuanyi.

Genese 26:24

Butuku abu Maweja-Nangila kumumuenekela, umuambila ne: — Kutshinyi! Ndi Mvidi Mukulu wa tatuebe Abrahame. Ndi nebe. Nenkuele lupemba. Nemvudije ndelanganyi yebe, bualu mvua munange muntu wanyi Abrahame.

Genese 27:10

Umupeshe munyinyi awu. Padiaye, neakuele lupemba, kayi muanji kutushiya.

Genese 27:20

Izake kumukonka ne: — Muananyi, wapetshi bimvua mukulombe anu lukasa lukasa nanku mushindu kayi? Yakobe kuandamuna ne: — Maweja-Nangila Mvidi Mukulu webe uvua muntutshishe dikasa dimpe mu njila.

Genese 28:13

Kumonaye kabidi Maweja-Nangila muimane kumpala kuende, umuambila ne: — Yakobe, ndi Maweja-Nangila, Mvidi Mukulu wa kakuebe Abrahame, kabidi Mvidi Mukulu wa Izake. Ndi nkulaya ne: “Nenkupeshe, wewe ne ndelanganyi yebe, buloba buudi mulale ebu.”

Genese 31:42

Mvidi Mukulu wa nkambua wanyi Abrahame, ne Mvidi Mukulu uvua mukuatshishe tatu wanyi Izake bowa, kayi mungambuluishe, uvua mua kumpingaja kuetu bianza bitupu. Kadi Mvidi Mukulu uvua mumone mumvua mudipuekeshe, mumone kabidi mudimu mukole undi mukuenzele. Ke padi Mvidi Mukulu mumbingishe butuku buudi wamba abu.

Genese 32:10

Yakobe kutendelela Mvidi Mukulu, wamba ne: — Mvidi Mukulu wa kaku wanyi Abrahame, ne wa tatu wanyi Izake, unteleje! Uvua mungambile ne: “Upingane kuenu mu ditunga dienu. Meme nenkulame, neupete dikasa dimpe.”

Genese 32:9

Kuelaye meji ne: “Pikala Esawu mua kubunda tshisumbu tshimue mvita, tshikuabu netshimunyeme.”

Genese 43:14

Mvidi Mukulu wa bukole buonsu akaje muoyi wa muntu awu, bua anufuile luse, nupingane ne Binyamine, kabidi ne Shimeyone bonsu babidi kuneku. Kadi meme nkadi mumane kufuisha muananyi. Nenshale bu muntu uvua kayi mulele anyi?

1 Bakalenga 18:36

Dilolu, diba dia kulambula Maweja-Nangila dikumbane, muambi Eliya kusemena pabuipi ne tshilambuilu, kuamba ne: — Maweja-Nangila Mvidi Mukulu wa Abrahame, wa Izake ne wa Yakobe, lelu uleje bantu ne: udi Mvidi Mukulu wabena Izrayele, bajadike kabidi ne: meme ndi muntu webe, bionsu bindi ngenza ebi, ndi mbienza anu ku diyi diebe.

2 Bakalenga 2:14

Kuambulaye tshinkutu atshi, kutuuta pa mayi a musulu, wamba ne: — Maweja-Nangila Mvidi Mukulu wa Eliya, udi penyi? Eyowa, udi penyi? Kutuutaye tshinkutu pa mayi a musulu. Mayi kupanduluka eku ne eku. Elisha kusabuka.

Nehemya 1:11

Maweja-Nangila, ndi nkusengelela ne: utelejeku mundi nutendelela, kabidi mudibu bakutendelela kudi bantu bebe bakuabu, badi ne disanka dia kukutumbisha. Wewe, ungendeshe diakalenga mu bionsu bindi musue kuenza lelu. Ungambuluishe bua mukalenga wa bakalenga angandamune bimpe. Tshikondu atshi, meme Nehemya mvua ntangila bantu bavua balongolola maluvu a mukalenga wa bakalenga.

Nehemya 2:4

Mukalenga kunkonka kabidi ne: — Udi musue nkuenzele tshinyi? Diakamue meme kutendelela Maweja-Nangila wa mu diulu.

Misambu 118:25

“Eyi, Maweja-Nangila, utuambuluishe, Maweja-Nangila, utukumishe dikasa dimpe!”

Misambu 122:6

Jingilayi Yerushalayime bupole ne: “Bantu bakunange wewe Yerushalayime, basombe talalaa!

Misambu 127:1

Musambu wa bena ngendu udi mu mukanda wa misambu ya Shelomu. Padi Maweja-Nangila kayi muibake nzubu, bibaki badi batata tshianana. Yeye kayi mulame tshimenga, balami badi batshisha tshianana.

Misambu 37:5

Udifile kudi Maweja-Nangila, utekemene kudiye, kakukufuisha bundu.

Ekesode 3:15

Pashishe kuambilaye Moshe ne: — Newambile bena Izrayele ne: “Maweja-Nangila Mvidi Mukulu wa bankambua benu, wa Abrahame, wa Izake ne wa Yakobe mmuntume kunudi.” Edi ke dina dianyi dia kashidi dia nuenu ne ndelanganyi yonsu kumbikila.

Ekesode 3:6

Meme ndi Mvidi Mukulu wa bankambua bebe: wa Abrahame, wa Izake ne wa Yakobe. Moshe kubuikila mpala, bualu uvua utshina bua kutangila Mvidi Mukulu.

Nsumuinu 3:6

Umulamate mu bionsu biudi musue kuenza. Yeye neakuleje muudi ne bua kuenza.

Matayi 22:32

“Meme ndi Mvidi Mukulu wa Abrahame, Mvidi Mukulu wa Izake, ne Mvidi Mukulu wa Yakobe.” Nanku Mvidi Mukulu udi Mvidi Mukulu wa bantu badi ne muoyi, ki ngwa bafue to.

Filipe 4:6

Kanusampakenyi bualu nansha bumue. Kadi mu malu onsu nutendelele Mvidi Mukulu, nulombe bionsu binudi nabi dijinga. Nubilombe ne muoyi wa dianyisha.