Genese 24:1 - MUKANDA WA MYIDI MUKULU

¹ Abrahame kukola kukulakaja. Maweja-Nangila uvua anu mumuele lupemba mu malu onsu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Abalahama wakadi muntu mununu mukoke, ne Yehowa wakasankisha Abalahama mu malu andi onso.

Genese 24:1 Marejeleo ya Msalaba

Genese 12:2

Nenkuele lupemba, wikale tatu wa tshisamba tshinene tshia bantu. Dina diebe nedikale ne lumu lunene. Kabidi bantu bakuabu nebapete diakalenga kuudi.

Genese 13:2

Abrame uvua mubanji. Uvua ne mikoku, mbuji, ngombe, biamu bia mpawungi, ne biamu bitoke bia mushinga mukole kabidi.

Genese 18:11

Abrahame ne Sara bakavua bakole bakulakaje, Sara mumane kupita diba dia buledi, katshiyi umona tshijila tshia bakaji.

Genese 21:5

Tshikondu tshivuabu balele Izake, Abrahame uvua mumane kukumbaja bidimu lukama.

Genese 24:35

Mfumuanyi Abrahame mmupete diakalenga. Maweja-Nangila mmumunemeshe ne bintu bia bungi: ke mikoku, ngombe, mbuji, tumelu, mpunde, biamu bitoke bia mushinga mukole, biamu bia mpawungi, ne bapika balume ne bakaji.

Genese 25:20

Izake mumane kukumbaja bidimu makumi anayi, kuselaye Rebeka, muana wa Betuyele, muena Arame, mufumine ku tshitupa tshia Mezopotamiya tshia ku mutu kua misulu. Rebeka uvua ne muanabu wa balume, dina diende Labane.

Genese 26:12

Tshidimu atshi, Izake kukuna biakudia mu ditunga adi. Maweja-Nangila kumusankisha. Izake kupeta bintu bipite bungi. Pa tshintu tshimue tshivuaye mukune, kupetaye lukama.

Genese 49:25

Mvidi Mukulu wa tatuebe udi ukuambuluisha. Mvidi Mukulu wa bukole buonsu udi ukuela lupemba. Neakupeteshe bintu bimpe padi mvula uloka. Akupeteshe mayi adi apatuka munda mua buloba. Ulele bana ba bungi, bimuna biebe bivulangane.

1 Bakalenga 1:1

Mukalenga Davide ukavua mumane kukola mukulakaje. Pavuabu bamubuikila bilamba, katshivua umvua luya pambidi to.

Nsumuinu 10:22

Kabiena kuluila. Maweja-Nangila nkayende ngubipapa bantu.

Yeshaya 51:2

Vulukayi Abrahame tatuenu, ne Sara uvua munulele. Abrahame kavua ne muana, pamvua mumubikile. Kadi meme kumuela lupemba, ndelanganyi yende kuvulangana pa buloba.

Matayi 6:33

Nuenu bangabanga nuditatshishe bua Bukalenga bua Mvidi Mukulu; nukumbaje tshidi Mvidi Mukulu musue. Nanku Yeye neanusakidile bikuabu bionsu abi.

Luke 1:7

Kadi kabavua ne muana nansha. Bualu Elisabete uvua nkumba, kabidi bonsu babidi bakavua bamane kukulakaja.

Ngalate 3:9

Nanku bonsu badi bitaba, nebabele lupemba, bu muvua Abrahame muitabe, bamuele lupemba.

Efeze 1:3

Tutumbishayi Mvidi Mukulu, Tatu wa Mfumu wetu Yezu Kristu, tumuele tuasakidila! Bualu mmutuele lupemba mu Yezu Kristu, mmutupeshe kudiye mapa onsu a mu diulu.

1 Timote 4:8

Manaya a kuibidija mubidi adi mimpe, alengelela bantu, kadi amu kakese. Kadi kutumikila Mvidi Mukulu kudi kubambuluisha mu bionsu, bualu kudi kutulaya muoyi bua mpindiewu, ne bua matuku atshidi kumpala.