Genese 21:6 - MUKANDA WA MYIDI MUKULU

⁶ Sara kusanka wamba ne: — Mvidi Mukulu mmunsekeshe. Nanku bonsu bumvue batela Izake nebaseke pamue nanyi.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Sala wakamba ne, Nzambi wakansekesha ne bantu bonso badi bunvua lumu elu nebaseke nʼanyi.

Genese 21:6 Marejeleo ya Msalaba

Genese 17:17

Abrahame kudiela mutu panshi, useka wamba ne: “Muntu mukulumpe wa bidimu lukama, udi mua kulela muana bishi? Kabidi Sara udi ne bidimu makumi tshitema, neapete muana mushindu kaayi?”

Misambu 113:9

Udi upesha mukaji udi kayi mulele nzubu, umupa disanka dia mamu wa bana. Tumbishayi Maweja-Nangila, Aleluya!

Misambu 126:2

Tuetu kuseka, kuela mbila ya disanka. Mu bisamba bikuabu, bantu bavua bamba ne: “Maweja-Nangila mmubenzele malu a bungi.”

Yeshaya 49:15

Kadi Maweja-Nangila udi wandamuna ne: Mukaji udi mua kupua muana udiye wamusha mabele muoyi anyi? Udi mua kubenga kunanga muana uvuaye muambule mu difu diende anyi? Bushuwa, misangu mikuabu udi mua kumupua muoyi, kadi meme tshiena nkupua muoyi to.

Yeshaya 49:21

Nenku neudikonke ne: “Udi mumpe bana bonsu aba nnganyi? Nkavua mushale patupu, tshiyi mmona bana banyi. Tshivua mutekemene kupeta bakuabu. Bavua bangipata, bantuma kua bende. Kadi aba, uvua ubakolesha nnganyi? Mvua mushale nkayanyi. Kadi aba mbafume penyi?”

Yeshaya 54:1

Wewe Yerushalayime, ukavua bu mukaji uvua kayi ne bana. Ela mbila mikole ya disanka. Wewe uvua kuyi ulela kabidi bana ba balume, Sankaku amu kusanka. Bualu Maweja-Nangila udi wamba ne: “Wewe mukaji mudiombola, udi ne bana ba bungi mpindiewu, bapite ba mukaji udibu banange kudi bayende.”

Yirmeya 20:15

Muntu uvua muambile tatu, mumusankishe ne: “Mbakulelele muana wa balume”, asangane muena diakabi kuenza anyi? Enze!

Luke 1:14

Neusanke bikole bualu buende. Bantu ba bungi kabidi nebikale ne musangelu bua diledibua dia muana ewu.

Luke 1:58

Nanku bena mutumba ne balela ba Elisabete bamona ne: Maweja-Nangila mmumuenzele bimpe bitambe, kusankabu nende pamue.

Rome 12:15

Sankayi ne badi basanka, nudile ne badi badila.

Ebrewu 11:11

Amu bua ditaba, Abrahame kupeta bukole bua kulela, nansha mukavuaye mukulakaje. Sara kabidi kavua mua kulela to. Abrahame uvua mushindike ne: Mvidi Mukulu neakumbaje bivuaye mulaye.

1 Samuele 1:26

Ane kukonka mutuangaji Eli ne: — Utshidi muvuluke mukaji uvua muimane muaba ewu dituku dikuabu, pabuipi nebe bua kulomba Maweja-Nangila anyi? Amu bu muudi ne muoyi bulelela, ndi nkujadikila ne: mukaji awu mmeme.