Genese 19:7 - MUKANDA WA MYIDI MUKULU

⁷ kubambila ne: — Bana betu, ndi nnusengelela ne: kanuenzedi bantu aba bibi nanku to.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Yeye wakamba ne, Bakuetu, ndi nnusengelela ne kanuenji bualu bubi nunku.

Genese 19:7 Marejeleo ya Msalaba

Genese 19:4

Bantu kabayi banji kulala, bantu balume bonsu ba mu musoku, bakulumpe ne bansongalume kunyungulula nzubu wa Lote.

Genese 19:6

Lote kupatuka mu nzubu, kuinjila tshiibi,

Genese 19:8

Angatayi nansha nsongakaji yanyi ibidi eyi. Kayena mianji kumanyangana ne balume to. Nenyipatule pambelu, nuenze nayi bu munudi basue. Kadi bantu balume aba mbenyi banyi, bandi ne bua kulama bimpe. Kanubenzedi bibi to.

Lewitiki 18:22

“Kuena ne bua kubuelela mulume nebe mu nzubu, bu mudibu babuelela mukaji to. Nngenzelu mubi udibu bakandika kashidi.

Lewitiki 20:13

“Padi muntu mulume ulala ne mulume nende, bu mudibu balala ne mukaji, bonsu babidi mbenze bualu bupite bubi, budi kabuyi busankisha Mvidi Mukulu. Babashipe bonsu babidi. Bualu bobu nkayabu mbadikebele lufu.

Bienzedi 17:26

Udi mufuke bisamba bionsu, bifumine kudi muntu umue, mubitangalaje pa buloba bujima. Kufundilaye tshisamba tshionsu tshikondu tshia kusomba panu, ne mikalu ya miaba idi tshi mua kuasa.

Rome 1:24

Ke pavua Mvidi Mukulu mubafile ku nkuka idi mu mioyi yabu, bua kuenzabu malu a bundu, babuelelangana mu nzubu.

Dielulula 23:17

Adisunguile muaba udiye musue munkatshi muenu. Asombe mu tshimenga tshidiye ujinga. Kanumutatshishi to.

Yuda 1:7

Nuvuluke kabidi bimenga bia Sodome ne Ngomore, ne bikuabu bivua nabi mutumba. Bena bimenga abi bavua benza malu mabi, anu bu batumibue aba, bakeba kuenda buendenda ne bantu ba mushindu mukuabo. Badi babanyoka mpindiewu mu kapia ka kashidi, bua tshilejilu tshiabu tshidimuje bantu bonsu.

Balombodi 19:23

Mukulumpe awu kupatuka, kuambila bena buenzayi abu ne: — Bana betu, ndi nnusengelela, kanuenji bualu bubi bua mushindu ewu to. Kanuenji bualu ebu to. Bualu muntu ewu mmuenyi wanyi.

Balombodi 9:26

Dituku dikuabu, Ngaale, muana wa Ebede, kufika mu Shekeme, ne bana babu ba balume. Nanku bena Shekeme kutuadija kutekemena amu muntu awu.