Genese 19:12 - MUKANDA WA MYIDI MUKULU

¹² Batumibue babidi abu kuambila Lote ne: — Pawikala ne bena diku diebe bakuabu muaba ewu, nansha ne baku bebe, bana bebe ba balume ne ba bakaji, umuke nabu mu tshimenga etshi.

Mukanda wa Nzambi Dihungila Dikulukulu ne Dihungila Dihia-dihia 2003

¹² Bantu bakakonka Lota ne, Bantu bakuabo badi nʼebe anyi? Baku ne bana bebe balume ne bana bebe bakashi ne bonso baudi nʼabo mu musoko eu, umuke nʼabo mu muaba eu.

Genese 19:12 Marejeleo ya Msalaba

Genese 19:11

Pashishe kufofomijabu mesu a bonsu bavua ku tshiibi, bansongalume ne bantu bakole, bua bapange kumona tshiibi.

Genese 19:13

Bualu Maweja-Nangila mmumane kumvua lumu lua buenzayi bua bena tshimenga etshi, mututume bua kutshibutula.

Genese 19:14

Lote kuya kuambila baku bende, bavua babangile bana bende ba bakaji, ne: — Jukayi lukasa, numuke mu tshimenga etshi, bualu Maweja-Nangila mmusue kutshibutula. Kadi baku bende kuela meji ne: udi wamba bilele.

Genese 19:17

Bobu bamane kupatuka mu ditunga, mutumibue wa Mvidi Mukulu mukuabu kuambila Lote ne: — Nyema, kolesha bua kudipandisha. Kutangidi panyima, kuimanyi pa muaba. Uye kusokoma ku mukuna bua kuvu kubutuka.

Genese 19:22

Kadi nyema, kolesha ubutame mu kasoku aka. Tshiena mua kuenza bualu, wewe kuyi muanji kufikamu. (Ke padibu binyika kasoku aka ne: Soware.)

Genese 7:1

Maweja-Nangila kuambila Nowa ne: “Buela mu buatu ne diku diebe dionsu, bualu anu wewe ke muntu muakane munkatshi mua bantu ba tshikondu etshi.

Yirmeya 32:39

Nembape muoyi umue, bua bandamate, bua bapete diakalenga, bobu ne ndelanganyi yabu.

Yirmeya 51:45

Nuenu bantu banyi, umukayi mu tshimenga tshia Babilone. Muntu yonsu anyeme lubilu bua ashale ne muoyi. Anyeme tshiji tshianyi bualu tshidi tshikole!

Dibadika 16:26

Kuambilaye bantu bonsu ne: — Umukayi ku ntenta ya bena buenzavi aba. Kanulengi tshintu tshiabu nansha tshimue to. Tshianana nudi mua kufua kabidi bua mibi yabu yonsu.

2 Petro 2:7

Uvua musungidile Lote, muntu wa malu mimpe, uvua unyingalala bua malu mabi avua bantu bena buenzavi ba tshikondu tshiende benze.

2 Petro 2:9

Bualu Mfumu udi mumanye mua kupatula mu makenga bantu badi bamutumikila. Udi mumanye kabidi mua kulama bantu badi benza bibi, bua kubanyoka dituku dia kubalumbuluisha.

Didimanyisha 18:4

Pashishe meme kumvua diyi dikuabu difuma mu diulu, diamba ne: “Bantu banyi, umukayi mu tshimenga etshi, bua bubi buatshi kabunulamatshi, kabanunyoki pamue natshi.