Genese 18:21 - MUKANDA WA MYIDI MUKULU

²¹ Ndi musue kuya kudimuena bua kujadika ne batshidi batungunuka ne buenzavi buabu bu mundi mumvue emu.

Mukanda wa Nzambi Dihungila Dikulukulu ne Dihungila Dihia-dihia 2003

²¹ nyaya katataka bua kubamona ne badi benza bu mudi muadi wabo wakufika kundi, ne bikalabo kabayi benze nunku, nemmanye bianyi.

Genese 18:21 Marejeleo ya Msalaba

Ekesode 3:8

Ndi mufike bua kubasungidila kudi bena Ejipitu, kubumusha mu ditunga edi, kubabueja mu ditunga dialabale didi ne mabela ne buitshi bipite bungi. Ke ditunga didibu basombe mpindiewu kudi bena Kenaane, bena Iti, bena Amore, bena Perizi, bena Ivi ne bena Yebusa.

Genese 11:5

Maweja-Nangila kupueka bua kubandila tshimenga ne kaleya bivua bantu abu base.

Sefanya 1:12

Diba adi nentemeshe muendu, bua kukalula tshimenga tshia Yerushalayime. Nennyoke bantu badi basomba talala, bu mudi maluvu abutama, ashiya binyindanyinda panshi. Badi bamba ne: ‘Maweja-Nangila kena wenza bualu, nansha buimpe nansha bubi!’

Mika 1:3

Maweja-Nangila udi upatuka muaba udiye musombe. Udi utuluka, wendela pa mikuna ya buloba.

Yirmeya 17:10

Maweja-Nangila udi wamba ne: — Meme ndi mmona munda mua muoyi. Ndi mumanye malu masokome a bantu. Ke mundi mua kupesha muntu bidiye ne bua kupeta, bilondeshile malu adiye wenza.

Yoshua 22:22

— Maweja-Nangila ke Mvidi Mukulu wa bukole buonsu. Eyowa, anu Yeye ke Mvidi Mukulu wa bukole buonsu. Maweja-Nangila mmumanye tshitudi bashile tshilambuilu etshi. Bena Izrayele bonsu kabidi nebamanye bualu ebu. Patuikala batombokele Maweja-Nangila, bamuenzele tshilema bunene nanku, atushipe lukasa!

Dielulula 8:2

Nuvuluke luendu lule luvua Maweja-Nangila Mvidi Mukulu munuendeshe mu tshipela bidimu makumi anayi. Uvua munukengeshe bua kunuteta, bua ajadike meji adi munda muenu, ne mushindu unudi basue kukumbaja mikenji yende.

Ekesode 33:5

Maweja-Nangila kuambila Moshe bua kumanyisha bena Izrayele ne: “Bu mudibu ne tshitunu, meme muende nabu mutantshi mukese, ndi mua kubabutula bonsu. Kadi badikengeshe, bumushe bilenga bionsu bidibu nabi, bavuale anu bilamba bia dibungama, nanku nemmone tshindi mua kubenzela.”

Genese 11:7

Nanku tuyayi kubondakaja muakulu wabu, bua bapange mua kumyuangana munkatshi muabu.”

Ebrewu 4:13

Kakuena kantu nansha kamue kadi mua kusokoma Mvidi Mukulu. Bintu bionsu, bifukibua bionsu bisanga bidi bimueneka patoke ku mesu kuende. Yeye ke utudi ne bua kuambila malu etu onsu.

1 Tesalonike 4:16

Diba diatuma Mvidi Mukulu diyi, diela mutumibue wa mulongu mubandile lubila, muadi wa mpungi neumvuike. Mfumu neatuluke mu diulu. Nanku bantu bafue batekemene Kristu, nebadianjile kubiika ku bafue.

2 Korente 11:11

Ndi muambe nanku bua tshinyi? Bualu tshiena mununange anyi? Mvidi Mukulu mmumanye mundi mununange!

Yowanane 6:38

Bualu ndi mufume mu diulu bua kuenza tshidi udi muntume musue, ki mbua kuenza tshindi meme musue to.

Luke 16:15

Yezu kubambila ne: — Nuenu nudi basue kudileja bu bantu bimpe ku mesu a bakuabu. Kadi Mvidi Mukulu udi mumanye mioyi yenu. Bualu tshidi bantu bamona ne: ntshinene, katshiena ne mushinga ku mesu a Mvidi Mukulu.

Yirmeya 17:1

— Tshilema tshia bena Yuda tshidi mu muoyi wabu kashidi. Tshidi amu bu miaku idibu bafunde ne ntapu wa tshiamu, nansha ne lusongu lua dibue dia mbongu. Bavua batshifunde kabidi ne ku matumba adi ku bilambuilu biabu.

Misambu 90:8

Wewe udi muleje malu etu mabi patoke, butoke buebe budi bukenkesha malu etu masokome.

Yobe 34:22

Miidima nansha yoyi mikole bishi, kayena mua kusokoka benji ba malu mabi, bua Mvidi Mukulu kabamanyi.

Dielulula 13:3

tshishima atshi tshienzeka bu muvuaye munuambile, muntu awu unuambila bua kutendelela mvidie inudi kanuyi bamanye, kuyenzela mudimu,

Genese 18:17

Maweja-Nangila kuamba mundamunda muende ne: — Tshiena mua kusokoka Abrahame bualu bundi nya kuenza to,

Misambu 14:2

Maweja-Nangila udi mu diulu, muinangile panshi bua kukenketa bantu, kumona ne kudi umue wa meji, udi umutendelela!

Genese 6:12

Miaba yonsu iwaye utangila uvua umona amu muvua bantu banyanguke ne buenzayi.

Yona 1:2

— Juka, uye mu tshimenga tshinene tshia Ninive. Ukanyine bena tshimenga atshi mu dina dianyi, bualu tshiena musue kumona kabidi buenzayi bua bantu abu.