Genese 17:5 - MUKANDA WA MYIDI MUKULU

⁵ Dina diebe kadiakuikala kabidi Abrame to. Nedikale Abrahame, bualu nenkuvuije nkambua wa bisamba bia bungi.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Kabena babikila kabidi dina diebe ne, Abalama, kadi nebakuidike dina diebe ne, Abalahama, bualu bua nakakuvuisha nkambua wa bisamba bia bungi.

Genese 17:5 Marejeleo ya Msalaba

Genese 17:15

Mvidi Mukulu kuambila Abrahame ne: — Kubikidi kabidi mukajebe ne Sarayi to. Umubikile ne: Sara.

Genese 32:28

Yeye awu kukonka Yakobe ne: — Dina diebe nnganyi? Yakobe kumuandamuna ne: — Ndi Yakobe.

Genese 32:29

Yeye awu kuambila Yakobe ne: — Kabakukubikila kabidi ne: Yakobe to. Nebakubikile ne: Izrayele. Bualu udi muluangane mvita ne Mvidi Mukulu, muluangane kabidi ne bantu, wewe kubatshimuna.

Genese 35:10

Mvidi Mukulu kumuambila ne: — Kabena bakubikila kabidi ne: Yakobe to. Mpindiewu nebakubikile ne: Izrayele. Nanku Mvidi Mukulu kumuinyika ne: Izrayele.

2 Samuele 12:25

Maweja-Nangila kuambila muambi Natane bua amanyishe Davide bualu ebu. Bu muvua Maweja-Nangila munange muana ewu, muambi Natane kumuinyika dina dikuabu ne: Yedidiya, mmumue ne: “Muana udi Maweja-Nangila munange.”

1 Kulondolola 1:27

Tera uvua tatuende wa Abrame. Pashishe Abrame kupeta dina dia Abrahame.

Nehemya 9:7

Amu wewe Maweja-Nangila Mvidi Mukulu ke udi musungule Abrame. Wewe kumumusha mu Ure ku Babilone. Wewe kumuinyika ne: Abrahame.

Yeshaya 65:15

Bantu banyi nebangate dina dienu, bua kutshipa nadi bantu bakuabu. Nebambe ne: “Maweja-Nangila Mvidi Mukulu akushipe, bu mudiye mushipe kampande nansha kansanga.” Kadi, bantu banyi badi bandamate, nebapete dina dikuabu.

Yirmeya 20:3

Butshia, Pashekure kumusha Yirmeya ku tshikunyi. Yirmeya kumuambila ne: — Maweja-Nangila kena ukubikila kabidi ne Pashekure, kadi neakubikile ne: “Luzakalu miaba yonsu.”

Yirmeya 23:6

Pabuelaye mu bukalenga, kabakukengesha kabidi bena Yuda kudi baluishi babu. Bena Izrayele nebasombe talalaa. Nebinyike mukalenga awu ne: ‘Maweja-Nangila ke musungidi wetu!’ ”

Dibadika 13:16

Bantu aba, ke bavua Moshe mutume bua kutentekela ditunga dia Kenaane. Nanku, Moshe kuinyika Osheya, muana wa Nune, dina dia Yoshuwa.

Yowanane 1:42

Kuyaye ne Simone kudi Yezu. Yezu kutangila Simone, umuamba ne: — Wewe udi Simone, muana wa Yowanane. Nebakuinyike ne: Kefase. (Mmomumue ne: “Dibue”).

Rome 4:17

mudi Mukanda wa tshijila wamba ne: “Meme kukuenza nkambua wa bisamba bivule.” Udi tatu wetu kumpala kua Mvidi Mukulu uvuaye muitabe. Ke Mvidi Mukulu udi ubisha bantu ku lufu; udi ushindika bidi kabiyiku bua bikaleku.

Didimanyisha 2:17

“Bidi Mueyelu wa Tshijila wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, nembapeshe mana masokome. Nempeshe kabidi yonsu wa kudibu lusoka lutoke lufunda dina dipiadipia, didi muntu kayi mumanye, amu udi udipeta.”