Genese 15:2 - MUKANDA WA MYIDI MUKULU

² Abrame kumukonka ne: — Maweja-Nangila Mvidi Mukulu wanyi, neumfute tshinyi? Meme tshiena mulele muana.

Mukanda wa Nzambi Dihungila Dikulukulu ne Dihungila Dihia-dihia 2003

² Abalama wakamba ne, Mukelenge Yehowa, wewe neumpe tshintu kai, bualu bua meme tshiena ne muana, ne muhianyi wa bintu bianyi udi Elieze, muena Damaseke?

Genese 15:2 Marejeleo ya Msalaba

Genese 14:15

Bafika ku Dane, Abrame kuabanya bantu bende mu bisumbu. Kuluanganabu ne baluishi babu butuku, kubapita bukole. Kubipatabu too ne ku Oba, luseke lua ku mutu kua Damase.

Genese 15:1

Malu onsu mamane kupita, Maweja-Nangila kumuenekela Abrame, umuambila ne: — Abrame, kutshinyi to! Ndi nebe, nenkulame ku njiwu yonsu, kabidi difutu diebe nedikale dinene.

Genese 15:3

Bianyi bionsu nebabipiane anu kudi Eliyezere, muena Damase, udi wenza mudimu mu nzubu muanyi.

Genese 24:10

Muena mudimu awu kuangata tumelu dikumi tua mfumuende ne bionsu bivuaye mumone ne mbilenga. Bavua benda batangile mu tshimenga muvua Nahore musombe mu tshitupa tshia ku mutu kua misulu mu ditunga dia Mezopotamiya.

Genese 24:2

Dituku dikuabu Abrahame kuambila muena mudimu mukulumpe wa ku bena mudimu bende ne: — Kuata muinshi mua tshibelu tshianyi,

Genese 25:21

Kadi bu muvua Rebeka muikale nkumba, Izake kutendelela Maweja-Nangila bua mukajende awu alele muana. Maweja-Nangila kuitaba dilomba adi. Rebeka kuimita difu dia bana ba mapasa.

Genese 39:9

Mu nzubu emu katshiena utangila tshintu nansha tshimue. Tudi nende ne bumfumu bua mushindu umue ku bintu bionsu, pa kukumusha wewe, bualu udi mukajende. Nanku tshiena mua kuenzela Mvidi Mukulu bibi, kubunda tshibawu bunene nunku!

Genese 43:19

Nanku kusemenabu kudi muena mudimu wa Yozefe uvua mu mushiku wa mbelu, bamuambila ne:

Genese 44:1

Yozefe kuambila mulombodi wa bena mudimu bende ne: — Uwujila bantu aba biakudia bibombi tente, bujitu budi muntu yonsu mua kuambula. Upingaje kabidi ku mibangubangu ya tshibombi makuta avua muntu yonsu mutule.

Misambu 127:3

Bana, ke tshiuma tshilelela tshia bena nzubu, ndifutu didi Maweja-Nangila ubapesha!

Nsumuinu 13:12

Kupanga kukumbajila muntu bualu, kudi kumutekesha ku muoyi. Dijinga didibu bakumbaja didi mpokolu wa muoyi.

Nsumuinu 17:2

Muena mudimu wa meji udi mupite muana mupote ku mushinga. Neapete tshiende tshia bumpianyi ne bantu ba muntu.

Yeshaya 17:1

Badi bamanyisha malu adi atangila “Damase”. Nkushale amu matuku makese, Damase kakuikala kabidi tshimenga to. Bionsu bidimu nebibutuke.

Yeshaya 56:5

nebafunde dina diende ku bimana bia nzubu wanyi. Muaba awu nebamuvuluke, mudi bana ba balume ne bakaji kabayi mua kuvuluka baledi babu. Nemvuluke dina diende kashidi. Kabakudikupula kudi muntu to!”

Yirmeya 49:23

Bua bena Damase Maweja-Nangila udi wamba ne: Bena mu tshimenga tshia Amate ne tshia Arpade, nebakuatshike bowa bunene pumvuabu lumu lubi. Nebazakale kabayi bapeta dikisha.

Bienzedi 7:5

Mu ditunga edi Mvidi Mukulu kavua mupeshe Abrahame buloba nansha bukese, nansha muaba bunene bua dikasa to. Kadi Mvidi Mukulu kumulaya amu bua kumupa ditunga. Ndelanganyi yende ivua mua kudipiana, yeye mumane kufila. Kadi tshikondu atshi Abrahame kavua muanji kulela.

Rute 2:6

Awu kuandamuna ne: — Mukaji ewu mmuena Mowabe. Mbumuke ne Nowemi ku Mowabe, mbapingane kuneku.

1 Samuele 1:11

Kumpu muoyi, umfuile luse! Umpesheku muana wa balume. Ndi nditshipa bua kumufila ku mudimu webe kashidi. Kabena mua kumubeya too ne kashidi.”