Genese 13:9 - MUKANDA WA MYIDI MUKULU

⁹ Buloba mbunene, tuabulukangane. Sungula luseke luudi musue. Paudi uya ku mutu kua ditunga, meme nenye kuinshi kuadi. Paudi uya kuinshi kua ditunga, meme nenye ku mutu kuadi.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Buloba buonso kabuena ku mpala kuebe, anyi? Ndi nkutendekena ne, Tahuluka kundi bi waya ku tshianza tshia bakashi, nenye bianyi ku tshianza tshia balume ne biwaya ku tshianza tshia balume, nenye bianyi ku tshianza tshia bakashi.

Genese 13:9 Marejeleo ya Msalaba

Genese 13:10

Lote ukenzakana, kumona muvua mpata ya Yardene mimpe mitambe, bualu ivua ne mayi. Maweja-Nangila kavua muanji kubutula Sodome ne Ngomore to. Nanku mpata ayi too ne ku Soware ivua bu lupangu lua Paradizu, mifuanangane ne tshibanda tshia Nile.

Genese 13:8

Abrame kuambila Lote ne: — Katuena mua kutandangana nebe to. Bena mudimu bebe ne banyi kabena mua kutandangana to, bualu tudi bantu bamue.

Genese 20:15

Abimeleke kuambila Abrahame ne: — Ditunga dianyi ndikulekele, wase muaba uudi musue.

Genese 34:10

Nenuase pabuipi netu. Ditunga edi nedikale dienu kabidi. Asayi muaba onsu unudi basue, nuende mushinga, nusumbe miaba ya nuenu kusomba kashidi.

Misambu 120:7

Pandi ngakula bua bupole, bobu badi bakeba mvita.

Yirmeya 40:4

Nanku, lelu ndi nkusulula nkanu ivuabu bakusuike ku bianza. Paudi musue kuya nanyi ku Babilone mbimpe tuye. Nenkulame. Kadi paudi kuyi musue, bidi anu bimpe. Udi mua kuya kusomba mu ditunga, muaba onsu uudi musue.

Rome 12:18

Nuenze muenu muonsu bua nusombe ne bantu bonsu mu ditalala, bilondeshile munudi numona ne: tudi mua kuenza nanku.

1 Korente 6:7

Kadi nukadi nuenza bibi bitambe, panudi nufundangana. Pa mutu pa kuenza nanku, nuanyishe bua banukengeshe kapayi bualu; nuanyishe kabidi bua bibe bintu bienu.

Ebrewu 12:14

Nudikolele bua numvuangane bimpe ne bantu bonsu. Nuikale bantu ba tshijila. Bualu kanuyi nuenza nanku, kanuena mua kumona Mfumu to.