Genese 12:13 - MUKANDA WA MYIDI MUKULU

¹³ Ndi nkusengelela ne: ubambile ne: Abrame mmuanetu. Nanku kabakunshipa to. Nempete diakalenga bualu buebe.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Ndi nkutendekena ne, Wamba biebe ne, Meme ndi muanʼabo wa bakashi, bua meme mpete diakalengele bua bualu buebe, ne mutshima wanyi wikale ne muoyo bua bualu buebe

Genese 12:13 Marejeleo ya Msalaba

Genese 11:29

Abrame ne Nahore kusela bakaji: dina dia mukaji wa Abrame divua Sarayi, dia mukaji wa Nahore divua Milka. Milka ne Iska bavua bana ba Arane.

Genese 12:14

Nanku Abrame ufika mu ditunga dia Ejipitu, bena ditunga kumona Sarayi ne mpala muimpe mutambe.

Genese 20:2

Kadi bu muvua Abrahame muambile bantu ne: Sara mmuanetu wa bakaji Abimeleke, mukalenga wa bena Ngerare, kuangata Sara bua ikale mukajende.

Genese 20:5

Abrahame wangambidi ne: “Sara mmuanetu wa bakaji.” Kabidi Sara wanjadikidi ne: “Abrahame ntutu”. Ke pamvua musue kuenza bualu ebu, kondu kanyi ka munda kakayi kantuuta, nansha kampisha mene.

Genese 26:7

Bena ditunga kumona ne Rebeka uvua ne mpala muimpe. Kukonkabu Izake bua kujadika ne: Rebeka udi ku dibaka anyi mmudisombele. Bu muvua Izake utshina ne: bena ditunga badi mua kunshipa, kubadingaye ne: mmuanetu wa bakaji.

Yeshaya 57:11

Udi mukukuatshishe bowa, uudi utshina bikole nanku, bua wewe kunshima, bua wewe kubenga kunzuluka, bua wewe kubenga kungangata ne mushinga, nnganyi? Bu mundi mupuwe mutantshi mule, kuena ungangata kabidi ne mushinga. Udi wela meji ne: biudi wenza mbiakane anyi?

Yirmeya 38:17

Nanku Yirmeya kuandamuna mukalenga Sedekiya ne: — Maweja-Nangila Mvidi Mukulu wa bukole buonsu, Mvidi Mukulu wa Izrayele udi ukuambila ne: “Wewe mumuke bua kuya kudi mulombodi wa mvita wa bena Babilone, newikale ne muoyi, wewe ne bena diku diebe, tshimenga etshi kabakutshibutula kudi kapia to.

Yirmeya 38:20

Kadi Yirmeya kumuandamuna ne: — Too, kabakukufila kudibu nansha. Teleja tshindi ngamba mu dina dia Maweja-Nangila, nanku wewe ne bena diku diebe nenupande. Bionsu nebiende amu bimpe.

Yezekiyele 18:4

Bualu muoyi wa bantu bonsu ngwanyi meme. Muoyi wa baledi ngwanyi meme, anu bu mudi muoyi wa bana. Anu muena tshibawu wasangana kufua anyi? Wafua!

Yowanane 8:44

Diabolu ke tatuenu. Nudi basue kuenza bidi tatuenu ujinga. Biangatshile ku tshibangidilu uvua mushipianganyi. Katshia ki mmuanji kushala mu bulelela, bualu bulelela kabuena munda muende. Padiye wamba malu a dishima, malu awu ke adi munda muende, bualu udi mudingianganyi, kabidi tatuende wa dishima.

Rome 6:23

Bualu difutu didi bubi butufuta ke lufu. Kadi dipa didi Mvidi Mukulu utupesha patupu ku luse luende, ke muoyi wa kashidi, patudi tudisanga ne Mfumu wetu Yezu Kristu.

Kolose 3:6

Bilema bibi ebi ke bidi bijuula tshiji tshia Mvidi Mukulu, bua anyoke badi babenga kumutumikila.