Genese 11:4 - MUKANDA WA MYIDI MUKULU

⁴ Kuambilanganabu kabidi ne: “Tuasayi tshimenga tshikale ne kaleya katumbuke mulu bua tupete lumu lunene. Nanku katuakumuangalaka pa buloba bujima to.”

Mukanda wa Nzambi Dihungila Dikulukulu ne Dihungila Dihia-dihia 2003

⁴ Bakambilangana ne, Tuyai kuasa musoko ne tshibumba tshile, musonga watshi neufike mulu mu matutu tuikale ne dina dia butumbi, bua katutangadiki ha buloba buonso.

Genese 11:4 Marejeleo ya Msalaba

Genese 6:4

Tshikondu atshi bantu bale ba kafiondu bavua pa buloba. — Bavua bashale kabidi pa buloba pashishe —. Bavua bana ba badi basombele mulu bavuabu balele ne bana ba bakaji ba bantu bavuabu basela. Bantu ba kafiondu aba bavua bilobu bia kalanda musenga ku kale.

2 Samuele 8:13

Ke muvua Davide mupete lumu nanku. Davide mumane kutshimuna bena Siriya, kupinganaye. Kuyaye kutshimuna kabidi bena Edome bavua mu tshibandabanda tshia luepu, kushipa bantu binunu dikumi ne muanda mukulu.

Misambu 107:26

Majuwa abu kubanda wu mulu, kupulumukawu mu mitubu, bavua ba lufu mu mayi manene.

Misambu 92:9

Kadi wewe Maweja-Nangila, udi ukokesha matuku onsu.

Nsumuinu 10:7

Muntu udi unemeka Mvidi Mukulu badi bamuvuluka ne disanka, kadi nansha dina mene dia bantu babi badi badipua muoyi.

Yirmeya 51:53

Nansha bu Babilone mua kubanda mu diulu, kuya kusokoma muaba mukole, nentume baluishi bua bamupete, bamubutule muaba awu. Ke mundi meme Maweja-Nangila ngamba.

Danyele 4:11

Kuelaye diyi dikole ne: Upulayi mutshi ewu, kosayi matamba awu, popolayi mabeji awu, tangalajayi bimuma biawu. Nyama idi muinshi muawu inyeme, nyunyi idi pa matamba ibuke!

Danyele 4:22

nebakuipate munkatshi mua bantu! Neusombe ne nyama ya mu tshisuku. Neudie bisosa mudi ngombe idia. Lumuma lukuboleshe! Neushale mushindu ewu bidimu muanda mutekete, too ne pawamanya ne: Mvidi Mukulu, Muena kulu, ke udi mfumu wa makalenga a bantu, kabidi udi upesha muntu udiye musue bukalenga.

Danyele 4:27

Mukalenga kuela lubila ne: — Ewu mBabilone, tshimenga tshinene tshimvua muibake, bua tshikale muaba wa mukalenga kusomba. Tshimenga etshi tshidi tshileja mudi bukole buanyi, ne mudi lumu lua bukalenga buanyi!

Danyele 4:30

Diakamue bualu ebu kuenzekabu. Kuipatabu Nebukadnesare munkatshi mua bantu. Kubangaye kudia bisosa, mudi ngombe idia. Mubidi wende kubola ne lumuma. Nsuki yende kulepa, bu masala a nyunyi ya tshiminyi. Nzadi yende kudiunda bu ya nyunyi.

Luke 1:51

Uvua muenze midimu minene ku bukole bua diboku diende. Uvua mutangalaje bena ditambisha, bua bapange kukumbaja bivuabu belele meji.

Yowanane 5:44

Nudi basue kutumbishangana, kadi kanuena nukeba butumbi budi bufuma kudi Mvidi Mukulu nkayende. Munudi mua kuitaba mbishi?

Dielulula 1:28

Mu ditunga dia Kenaane, tuyaya kuenza tshinyi? Katuena ne dikima dia kuyamu to, bualu bana betu bavua bajadikila ne: bena ditunga adi mbatupite bukole ne bule. Bimenga biabu bidi binene. Bimana bia bimenga mbitumbuke mulu. Kabidi bavua basanganamu ndelanganyi ya Anake, muntu wa mpolondu!”

Dielulula 4:27

Maweja-Nangila neanutangalaje munkatshi mua bisamba bikuabu. Kadi mu matunga ikalaye munutume awu, nenuikale anu bakese.

Dielulula 9:1

Nuenu bena Izrayele, telejayi. Lelu nenusabuke musulu wa Yardene. Nenuipate bisamba bionsu bidi binupita ku bukole ne ku bungi. Nenukuate bimenga biabu bidi ne bimana bitumbuke mulu.